回顧 2013

時間過得真快...轉眼間又一年了, 今天我們就要跟2013畫上句號, 說聲拜拜嚕.

2013對於我來說, 沒什麼大起大落, 算是平平淡淡的一年, 但我已經感到好幸福好滿足, 因為平淡就是福嘛, 做人最緊要知足!!

還記得......

1月時, 一位要好的親戚因病離開了我們, 傷痛...但日子還是要過, 路總是要行, 一切只好銘記在心中.

另外小B剛滿一歲才不久, 因打針後而發高燒, 結果入院住了兩天, 見她燒到面紅紅, 沒精打采, 又要抽血又要照肺, 喊得超級淒涼, 爸爸媽媽見狀更心痛得如刀割一樣, 最後爸爸媽媽更一直留守醫院陪伴了小B整整兩天, 幸好兩天過後終於退燒可以出院, 爸爸媽媽才可以放下心頭大石, 所以話養兒100歲長憂99這句話真是沒錯的.

4月時, 一家人過大海玩, 為我們一家三口年尾去台灣做預演.  小B第一次住酒店, 超興奮, 加上好久也未曾跟婆婆一起出門玩啦, 所以短短的兩日一夜之澳門行, 大家都好開心.

5月時, 突然心血來潮覺得自己好像懷孕了, 結果...一驗之下, 真的中獎呀!!  可惜當時的我們, 竟然興奮心情未及第一胎, 大概是因為覺得一切都來得太快, 剛剛才說好待小B入學後再計劃生弟/妹, 誰不知小B都未入學, 細B就要出世喇, 所以心情頓時變得好亂好矛盾.  幸好...經過少許時間重整心情後, 我們都好開心地接受了這個事實, 更加感謝菩薩多賜我們一個小生命, 可以那麼快就由三口子變成四口子.

6月時, 第一次出席BB聚會...雖然當時跟大家素未謀面, 但隨著寫Blog的日子久了, 跟一班Blog友媽媽亦開始好像熟絡了不少, 希望將來還有很多機會可以再跟這班Blog友們聚聚啦. 

9月時, 第一次帶小B搭飛機, 雖然4日3夜的台灣行好快就結束, 而且去到行程的第3天, 我和小B爸都宣告打敗仗, 但只要見到小B開心, 辛苦都是值得的.

11月時, 開始要為小B入學面試而煩惱, 我亦曾經因為第一間去Interview的迦南不取錄小B而失落了好一陣子, 但好快正能量又回到我身邊啦, 加上接著還有好多Interview嘛, 所以最後入讀那間幼兒園則順其自然吧, 皆因我知道擔心也擔心不來.

12月時, 第一次影大肚相, 雖則說是我最後一次懷孕, 而且只是團購Package, 但能夠留住最美一刻, 我已經好心足啦, 多謝小B爸最後願意相伴. 

至於其餘沒特別提起的日子...依然每天過得好充實好滿足, 只要每天都可以跟我最愛的家人在一起, 那就是我最大的幸福了.

2014年...大家都要繼續開開心心, 幸幸福福啊!!

Happy New Year~ 

Happy Sunday

每次天氣凍...小B都可以好遲才起床, 結果我們懶洋洋的一家就可以齊齊冬眠, 睡至差不多一時喇, 真爽.  如果每逢放假都可以睡到自然醒, 那就真的太好了 (媽媽又在發夢中)!!

睡醒梳洗好後, 差不多三時終於可以出動.

我們先到新城市吃過早+午+下午茶餐, 然後就準備帶小B到反斗城揀選生日禮物...  看看小B聽到可以買玩具有多開心...哈哈~

我們於反斗城足足逗留了一小時有多, 可惜小B心大心細, 揀了好久仍未找到合心水的, 而且見她想買的都是偏向好動的那些, 如波, 滑板車, 單車等等.  不過這些都好像不太適合她啊, 加上家中亦已有輪米奇單車了, 所以最後我們就幫她揀選了好幾樣再任她選擇, 但小B對於我們選給她的玩具都不太感興趣, 樣樣Say No擰頭說不要.

唉...究竟小B你想要什麼玩具呀?!

之後媽媽我隨手拿起一盒煮飯仔, 問小B要不要, 她竟然一手拿起後就再不肯放下, 原來小B都有女性化一面, 鐘意煮食, 完全不像媽媽我, 嘩哈哈哈~

臨走前...爸爸見到某玩具, 覺得小B一定會勁喜歡, 所以就決定到小B正日生日時再來買給她, 繼我話似乎是爸爸想玩多一點.  (其實見小B爸如此愛錫小B, 媽媽我真的好開心架.) 

經過一輪花多眼亂的揀選禮物, 再加上食過藥, 小B開始有點扭計啦, 所以我們快快到附近影了幾張聖誕燈飾相就回婆婆家了.    

在車上小B睡了一會兒, 回到婆婆家後馬上狀態大勇, 還急不及待拿出玩具叫我們拆給她玩呢.

小朋友開心就是這麼簡單~

小B兩歲生日Home Party

今日媽媽特地約了幾位好友到來開Party, 聚聚舊之餘順道為小B慶祝生日...  雖然出席的都是大朋友, 但小B跟哥哥姐姐們玩得一樣開心, 其實只要有得玩, 小B又怎會管他們是大朋友還是小朋友丫!!
先來一個大合照吧...

1..2..3..笑 + Yeah + 齊齊合眼, 幾十歲人仍然繼續保持住愛攪事的作風, 哈哈~ 

今次Party, 原本媽媽有打算佈置一下, 但由於時間關係, 加上整個下午都外出了, 回家前又要到街市買海鮮準備晚餐, 所以實在趕不及攪攪新意思, 最後我們更差點兒要契媽及姐姐們摸門釘呢..  (下次在時間安排上要預鬆動一點才行, 否則小B爸實有說話給我聽.)

繼去年超好味的鴨仔芝士蛋糕後, 今年契媽又訂了靚靚米奇蛋糕給小B...  其實小B年紀那麼少, 又豈會去研究自己的生日蛋糕是什麼款式呢, 所以依爸爸話, 普普通通一個生日蛋糕都已經可以了, 又何必每年都花那麼多錢在小B的蛋糕上, 不過我都真的要代小B多謝契媽, 因為契媽實在太錫我小B啦.

 小B: 究竟影完未呀?  又要我等...明明我先係主角, 蛋糕只係配角啵.  (無奈)

同靚靚蛋糕影多幾張靚相先啦...

小B最愛吹呼呼...你地個個都要聽我話, 食我口水尾, 呵呵~

小B等了好久好久...蛋糕終於解體.

哎呀, 原來今晚我們只顧著玩和食, 忘了拍下豐富的晚餐啊, 明明一向都相機食先, 今次可能因為大家都肚餓, 所以晚餐一放上台就齊齊開動, 無人有閒手來拍照...

至於今晚小B收到的生日禮物, 媽媽都未得閒拍照, 遲些才再補回吧~

最後多謝契媽於泰國買回來給我和小B的手信...  *3*

病病豬

聖誕過後一家三口病了倆口, 結果小B爸和小B都要齊齊睇醫生.

每次長假期, 我們看開的那位兒科醫生都會放大假, 同事介紹的那位又說Full Booking, 那就唯有迫住帶小B到仁安看門診.  唉...足足花了兩個多小時, 悶+累極!!

幸好他們倆父女都只是患上感冒, 應該不會影響過幾天歡度除夕吧, 而且小B精神尚算不錯, 完全不似生病, 只是間中有微燒和鼻水長流.  其實我絕對有理由相信他們倆父女今次齊齊生病, 是因為經常錫錫而互相感染, 總之希望他倆父女早日康復啦, 千萬不要把感冒菌傳播給我, 萬一連我都中招, 那就麻煩了. 

在仁安等候期間, 小B精靈得跑跑跳跳周圍走, 但醫院今日實在有太多病人啦, 而且見好多都是小朋友, 免得小B病情加重, 所以只好要她帶上口罩才讓她四處走動, 幸好小B見我們倆帶上口罩後, 都有自己要求要帶, 否則我寧願跟她在門外食風, 都總好過被困在等候大堂裡被病菌圍住.

我們仨無聊得要影相來打發時間...哈哈~

煲薑醋

25122013

聖誕節無節目...簡簡單單又一日...齊齊幫婆婆手去買薑, 買醋, 再回家刮薑煲薑醋!

襯小B午睡後, 我們才動手開工刮薑, 結果都要花上了兩個多小時才能夠完成, 還要害得我雙手都被薑汁弄得慶慶的, 原來煲薑醋真的不簡單啊, 上次真的辛苦婆婆和太婆了.  

大家期待的香噴噴薑醋, 2月中就有得食啦...  ^^

晚上外出晚飯回家時, 一陣陣薑醋味仍然充滿著整間屋, 結果一打開門小B竟然掩鼻說好臭臭, 這豆丁真唔識寶呀.

小B...你覺得臭臭的薑醋味, 還有好幾個月你聞呀, 哈哈~

快速濕平之收穫

23122013

今日難得小B爸接放工, 回家湊小B前極速到IT一遊, 結果......我又買了聖誕禮物給自己嚕!!  ^^

實不相暪...我個人比較悶, 一向都只鐘情於Converse款式的波鞋, 因為簡單易襯嘛, 不過自Converse加價後, 我已經沒有再買啦.  以前2, 3百元就可以買對皮面Converse, 現在要5, 6百元才可買得皮面, 但Converse始終不太耐穿, 鞋底較薄而且容易爛, 但見價錢唔貴, 所以瘋狂時期試過買下幾對同款唔同色的Converse來襯衫.

今日於IT見Puzzle鞋有特價, 而且還要是我最喜愛的款式呢, 二話不說馬上試穿過後就買下, 由原價$599減至$360, 六折呀...真的好抵好抵~

最後當然要多謝小B爸啦, 因為在我付款的一刻, 有人自動自覺走到Cashier拿出銀包來嘛, 所以我唔客氣嚕, 哈哈.

小B大任務 - 唔洗Interview之有Offer (循道衛理)

20122013

今日收到一封幼稚園信, 原本以為是約小B去Interview, 誰不知打開一看...竟然是取錄通知書呀.

雖然對於突然有Offer真的感到好意外, 但最意外的是, 竟然不用Interview就直接取錄嘛, 那麼學校又如何評估自己取錄了怎麼樣的學生呢?

最後於網上扒文, 原來不少家長亦因為覺得奇怪而致電學校問個明白, 結果校長解答說...由於小朋友年紀小, 即使在家表現得怎樣好, 到面對著陌生人時, 亦有可能一言不發, 所以面試對於學枚收生其實不太大幫助, 加上學校不是要挑選最優秀的學生去取錄而是要去教好每一位已被取錄的學生, 所以一直以來他們都是採用先報名先取錄的方式.  (對於學校這種收生手法是蠻欣賞, 但始終我又未曾到訪過學校參觀, 又不知道學校環境是怎樣, 如果貿貿然交了留位費, 又確實有有點擔心啊.)

不過跟小B爸及婆婆商量後, 我想我們還是會先交留位費, 始終我心儀的三間學校都要明年才能安排面試, 如果三間都不取錄的話, 那麼小B就真的要遲一年才有書讀, 加上見網上對於這學校的評價又不算太差, 所以不如買個安心先留位吧!!

但N班已經讀全日制的話...對於一個兩歲多的小朋友來說, 是否有點辛苦呢?!

開始準備...洗衫仔

最近見1月及2月媽媽會有好多BB都陸陸續續排住隊出世...所以我都不敢怠慢, 是時候開始要為妹妹B做準備啦, 免得到時真的早產就麻煩了, 因為小B爸是絕對靠不住的, 雖然他都好肯去做, 但就好多事情都總是不合我心意囉...

懶媽媽我今次未有上胎緊張, 連走佬袋都未執呀, 希望月底前可以完成啦, 因為小B爸已經講明, 如果要他代勞的話, 怕會帶漏+帶錯我的用品, 所以走佬袋就只有靠自己喇.

另外, 我已經開始為妹妹B洗衫仔啦, 今次已經第3機了, 但家裡還有好多衫仔等著我去洗呢...相信妹妹B到時一定著不完.  幸好這都是家姐小B剩下來和朋友轉贈的, 如果全都是因我忍不住手而買下的話, 一定被婆婆或小B爸鬧我大花筒, 哈哈~

32w6d 產檢 @ 私家

20122013

由於之前的私家醫生Dr. Fan最快要2月才可有期給我約產檢, 結果唯有轉醫生囉.  今次轉了睇媽媽會超多人推介+勁多人讚好的Dr. Suen, 果然...真的值得一讚啊, 總之我就一早聽媽媽會的媽媽介紹, 睇Dr. Suen啦.

其實自某次聽A+講座時, 遇上Dr. Suen這位講者, 已經覺得他為人蠻風趣幽默, 結果經過今次親生體驗後, 更加發覺這位醫生真的好不錯呢, 看症細心之餘, 照超聲波時亦好主動跟我講解每一部份, 不像之前那位Dr. Fan一問才得一答, 而且Dr. Suen更不會因為我是去政府生BB而草草了事.  最好就是以這個價錢, 還可有整個照超聲波過程的DVD和相片取回嘛, 所以即使今次小B爸未有陪伴去產檢, 但他同樣可以看回整個照超聲波的過程, 都大讚.

暫時妹妹B已經快將有4磅, 雖然都是屬於細碼B一族, 但Dr.就話應該不會像小B那樣輕磅, 因為暫時照出來的數字都算合格, 還估計36週時妹妹B已經可重達6磅呢...  總之妹妹B不要太輕, 不要太重, 適中+健康我就心滿意足喇.

兩星期後輪到QE幫我照超聲波, 到時又可以再見見妹妹B啦, 哈哈~

奶泵問題

今胎當一有意思打算餵人奶開始, 我就已經不停向身邊有經驗之媽媽們請教, 雖然未落場打仗, 但問定有關資料做足兩手準備, 總好過我一無所知, 到真正落場時無從入手嘛.

前陣子當我向朋友問及餵人奶一事時, 友人二話不說便借出自己那部Medela Swing給我, 其實是因為她知我是個三心兩意的人, 怕我會像她一樣, 買了奶泵後卻沒有持久意志去餵人奶而浪費金錢, 所以我真的巧感動呢, 哈哈!!

雖然這個奶泵, 她用了一個月都沒有, 但基於衛生問題, 就只借出個膽而不借出配件.  我...當然沒所謂啦, 反正一心只打算試試, 不用我買個全新奶泵都已經好好了.  

大家都知道Medela Swing是個單泵來, 但只要換條喉管, 買多一Set配件就可以變為雙泵用.  如果想方便省時, 雙泵一定會好過單泵, 始終時間寶貴, 坐月期間要好好爭取休息嘛.

最後同事幫我問價, 發覺剩買配件都不便宜, 假如肯多花幾百元的話, 更可以在Gmarket買得一部全新的Spectra M1奶泵呢.  聽後真的不知如何是好, 究竟我應該買個全新的Spectra M1還是剩買配件用回這個Medela Swing好呢?!

(近日媽媽會都有媽媽介紹Spectra M1, 聞說這個奶泵便宜得來亦相當好用, 看似絕對是個好的選擇啊.)

而昨天另一位媽媽朋友又話有兩個Avent手動奶泵可借我, 叫我不要買個全新奶泵之餘, 就連配件都先不要買, 因她建議我可先用手泵試試看, 如果真的能夠堅持餵人奶才再買.

唉...突然變得好苦惱呀?!  有經驗的媽媽們, 你們可給我一些意見嘛?! 

浙閩致癌童裝淘寶有售

轉自太陽報~

環保團體綠色和平早前抽驗中國最大童裝生產地、浙江省織裡鎮及福建省石獅市生產的八十五件童 裝樣本，部分經由港人近年追捧的淘寶網購買，發現逾九成含有潛在致癌風險的有毒物質銻、個別樣本更含可致不育的塑化劑或其他環境激素。綠色和平指不少童裝 均來自內地，本地家長隨時誤購「毒衣」，為子女健康帶來風險。

綠色和平於六月至十月期間，分別透過淘寶、網店及織裡鎮和石獅市的商 店，購買適合六個月至十歲穿着、共八十五件童裝，再送往本港及歐洲進行化驗。結果顯示，九成樣本含有在動物測試上可致癌的有毒物質銻，含量最高達每千克二 百零八毫克；過半樣本含人造化學物質壬基酚聚氧乙烯醚（NPE），含量最高樣本每千克一千八百毫克；其中兩件樣本的塑化劑含量分別為每千克一萬七千及五千 三百毫克。綠色和平指出，塑化劑是與生殖器官發育異常及不孕不育有關的環境激素、NPE則是另一種可影響內分泌及發育的環境激素。

港家長網購慎防中招

綠色和平項目主任連佩怡指兇，雖然是次樣本均為內地較小品牌，但織裡鎮及石獅市製的童裝，市場覆蓋率達九成八中國城市、產量佔全國四成，並遠銷至歐 美等地，香港家長亦有機會網購「毒衣」而不自知；今次驗出的三種有毒物質，在食物等其他範疇有含量規範，但中港兩地均無為童裝而設的安全標準，呼籲中國政 府制定法規，禁止紡織界在童裝使用上述物質。
-------------------------------------------------------------------------------------------------------------------------

嘩...看了以上一篇報導後, 我真的不敢再淘童裝了!!

雖然近幾年我愛上淘寶, 而且每月都例必會一淘, 但慶幸自己向來都絕少淘童裝給小B, 因為試過一次貨不對辦後, 對淘童裝已經失去信心囉, 所以一直以來都寧願花多些少錢到大型商鋪購買童裝多於淘童裝.  但間中看到有款式好的童裝時, 還是會忍不住手啊, 幸好暫時小B常穿的就只得一條牛仔褲和睡衣是淘寶貨, 我想一件半件應該不會有問題吧...

不過從今日起, 我都不會再淘童裝了.

肥油包

今天天氣雖冷, 早餐理應吃一點熱食, 不過自小B爸下令我早餐要吃多一點和飽一點後開始, 每天的早餐不是腸粉燒賣, 炒麵, 麥當當就是三文治, 食到悶之餘, 亦開始有點厭啦.

結果行經麵包店時, 又忍不住買了我前陣子最愛吃的早餐...肥油包喇!!

雖然一個肥油包, 不足以令大食的我填滿肚子, 但看見那塊美味的牛油, 實在難以抗拒呢, 最多待會又自行提早一點食Lunch吧, 哈哈.  其實除了這個肥油包外, 這家麵包店的菠蘿油都非常不錯啊, 可惜今天稍為遲了一點, 結果賣光了又未再出爐, 唯有買個肥油包來頂頂癮.

雖然好味, 但我知道如果我經常吃這大大塊牛油落肚, 我怕肥的只會是我而不是妹妹B, 所以還是忍一忍口, 間中食一個半個就好了.  ^^

愛閱讀?!

嘩...嘩...嘩...小B好勤力喎!!  就連上廁所都好好把握閱讀時間, 若然將來上學後, 你都是這樣勤力, 那麼愛閱讀, 爸爸媽媽就真的感到安慰了~

拍攝大肚照後感分享 (未有相)

14122013

今日妹妹B剛踏入32wks, 我終於都拍了大肚照啦...雖然是團購Package, 對相片質數沒什麼期望, 但總算拍了我人生的第一輯大肚照嘛, 開心開心!!

一早就已經講過, 小B爸只是抱著還我心願的心態去跟我拍照, 原意是極不情願的, 加上小B爸全程又要湊住小B, 初頭給我感覺都有點Hea.  幸好今日的主角是我而不是他倆, 所以就由得他們吧, 但小B今日好叻呀, 好快就熱身完畢, 雖然於一小時的拍攝過程中都帶不少攪攪震成份, 但小B難得地肯配合攝影師姐姐的要求, 結果最後就連小B爸都自自然然投入了, 所以今天他倆整體的表現尚算令我滿意.  (如照片出來的效果不是太差, 那就更加"啡呢骨"喇, 哈哈!!  :p)

說實話...由於是買團購關係, 其實就連我自己都有點Hea架.  我竟然到今早出門前才想好大家的衣著, 原本都有打算整少許道具來拍照用, 但亦因為懶而一拖再拖, 結果當然又是無了影啦, 不過臨出門前, 我都有帶備少許初生BB用品, 可惜最後都用不著.  因為當我們去到影樓的一刻, 我就知道今次只可以抱著純玩心態來拍照, 不要過於認真.  何解我會這樣說?!  或許是這影樓加上攝影師姐姐給我的感覺都不太專業吧, 而且就連她的搵食架生都竟然不及小B爸早年玩的那部單反機質數好, 所以.....我和小B爸互相給大家Signal後都心照了, 隨隨便便用攝影師姐姐拿給我們的道具完成就算.

話雖如此, $299的價錢, 其實我又豈敢有要求丫, 所以...整個過程都算玩得開心.

原本我有打算叫小B爸幫我偷影一兩張相來寫Blog, 不過影樓地方好細而且勁勁勁開揚, 大家完全看得見大家在做什麼, 所以唯有放棄.  現約了兩星期後再去睇相, 希望到時不會太難挑選吧, 更加希望可以順利揀選得13張相啦, 哈哈~

P.S:  今日攪笑事 - 小B見我穿著Tube Top, 攝影師姐姐和助手幫我拍攝縹緲效果時, 小B竟馬上走來我身旁話醜醜, 還指我入去更衣室穿回衣服呢, 真想不到少少年紀的她, 竟然那麼保守, 哈哈~ 

食得滋味

小B真的好喜歡跟我們外出晚飯...是晚點選了奄列飯給她作晚餐, 結果有個小朋友食到停唔到口之餘, 還心急得想叉羹並用呢...  整整一碟奄列飯, 我們只分得一小羹, 其餘的都由這小魔怪一人清光了, 勁~

 

聖誕燈飾第二擊 @ 海運

藉著平日放假, 我想應該會人少一點, 所以就提議到海運影聖誕米奇喇, 可惜...我認...我錯了, 因為不論平日還是假日, 尖沙咀這地方都是人擠得水洩不通, 看來如果要影靚靚米奇, 就要一大清早去影才行啦.

算...總算到此一影!!

小B: 米奇你好可愛呀, 我忍唔住要搣下你鼻鼻先得~

趁米奇聖誕樹前人少少, 快手影張全家福...

好多人, 好多人, 走到外面之後, 人簡直多得恐怖呀, 想攝位影張相都有難度呢, 只好快快閃人算了.

抵..抵..抵..

好開心..好開心..因為我又買到平價貨囉~~~

昨天跟家人去飲下午茱時, 於娘家附近的出口店, 看中了件紅色橫間線衫給小B, 結果一拿上手細看...只需$49, 真的抵買得來又易襯, 完全找不到放下的藉口, 小B更親自拿到鏡子面前照過夠呢...看來她都蠻喜歡這件色彩鮮艷的線衫啵, 一於留待聖誕佳節時穿啦!!

飲完茶我們再到了海運逛逛, 經過Gap時, 當然忍不住又要入內看看啦, 竟然...又有橙牌減價貨呀.  最後買了一件白色樽領打底衫, 一件灰色波點Tee再加一條白色絲絨質地長褲, 盛惠$114, 好抵呀...

如果經常給我找到橙牌減價貨, 那就真的太好啦, 哈哈~

過分沉迷

唉...小小年紀就這樣沉迷, 究竟我要怎樣才可以幫小B戒除這鋪手機癮呢? 

(都怪小B爸太過縱容小B, 結果好快就已經變成為她的惡習喇)

送舊迎新

星期六本打算一早起身洗衫, 然後早點回娘家帶小B去影相, 結果...竟然被那可惡的洗衣機打亂了我的時間表, 唉!!

一早八時多醒了, 索性早點開機洗衫, 然後多休息一會兒, 待晾好衫後就回娘家去.  誰不知...洗衣機竟然在這時候失靈呢, 一洗就洗上了3小時, 其間在差不多洗完的時候還發出過兩次怪聲, 嚇得我急急按停, 見它依然啟動著但又沒有反應, 機門又開不到沒辦法拿衫出來, 我又多手再按一次啟動, 竟然...洗衣機又再一次放水洗衫了, 如是者一機衫應該洗了好幾次囉.  問題是幾次我想按停的時候, 都根本無法打開機門拿衫出來晾曬, 最後越來越覺不妥, 就索性關掉電源待一會兒再開機, 看看能否打開機門拿衫出來, 雖然今次機門終於可以打開, 但整機衫都是濕淋淋的, 我再打算用風乾模式來快快弄乾衣服, 可惜這個時候...洗衣機已經病入膏肓, 完全沒有反應, 最後我更要自行用人手逐件衫去扭乾呢, 火得我想打爆部洗衣機來出出氣. 

算...反正今日都要出街, 快快去買部新機, 免得夜長夢多.

其實向來家中大大少少的電器用品都是由小B爸來負責選購, 所以對於這方面我絕對是零知識, 可惜今日小B爸要上班, 未有時間去買, 幸好有婆婆代勞, 才順順利利快快手買得新洗衣機.  星期六購買, 星期日送貨, 好高效率呀....不錯不錯.

平平地, 選了差不多款式和舊有功能一樣的洗衣機, 希望這部新機可以用得上3, 5, 7, 8年啦...

聖誕燈飾第一擊 @ 東港城

07122013

聖誕月又到, 一有時間當然要帶小B去各大商場影相啦, 今次姨姨選了東港城, 因為有姨姨最愛的芒豬豬囉!! !

雖然我們好晚才到達, 幸好人還不算太多, 可以慢慢影, 最後亦因為小B捨不得離開, 結果我們就於這位置逗留了足足約一小時.

好, 去相先~

小B話...

見到大隻過自己的芒豬豬, 起初都有驚驚架, 不過好快就興奮到跳舞喇, 還要四圍走四圍摸呢, 哈哈...

媽媽與我

亞父與我

姨姨與我

馬仔哥哥與我

好彩媽媽同姨姨都鐘意帶我去街街, 我先有得黎睇芒豬豬咋, 多謝媽媽, 多謝姨姨!!

這就是我至愛婆婆的一家人啦

有人見到我嘛?!  我係中間呀...Over Over~

點解芒豬豬大粒過我咁多架?!

靜靜雞話俾大家知, 今日我真係好開心呀, 從此我怕我會跟姨姨一樣勁愛芒豬豬呢, 哈哈~

遇上倒米護士

自10月頭照過結構後, 一直都未有再約時間去醫務所做檢查, 大概是因為第二胎, 心態上已經沒有第一胎時緊張, 加上小B爸時間又比較難遷就, 結果就一拖再拖喇.

今日終於的起心肝打去醫務所約時間做檢查, 本打算約兩星期後, 因(32週)還可於4D中清楚看到妹妹B的模樣嘛, 誰不知護士竟然問我為什麼要來做檢查, 我說只是一般產前檢查而已沒什麼特別, 之後護士就跟我說, 12月跟1月的Booking都已經全Full了, 最快要2月才有位, 那麼我便說我2月就要生啦, 到時經已沒覆診的必要, 之後那位倒米護士竟回答我一句, 那就真的沒辦法呢!

嘩..嘩..嘩..究竟醫生是否真的多Patient到有症都不能接呢?  還是多症看得要擺姿態呀?  假如我是新症, 不接也還算正常, 但我不是新症都竟然拒絕我的預約, 真Crazy~

初生奶粉之選擇

還有兩個月多少少...妹妹B就出世啦, 雖然今次打算餵人奶, 但我並不打算做到全人奶, 所以還是要選購定奶粉備用.

上胎小B在醫院時已經飲用A+, 見她食得好好, 有便便之餘體重亦追得好快, 雖然是甜了一點, 比較容易起痰, 但我相信奶粉就是有這個弊處嘛, 不過最後問過兒科醫生都說可以不用刻意轉飲其他品牌, 所以就一直飲用至今喇.  可是A+貴之餘, 實在真的有太多國內同胞搶購, 加上前陣子又有報導指出1號仔奶粉中含有微細昆蟲, 頓然令我卻步.

今次我大概想選用美素佳兒給妹妹B, 因有朋友說她的小朋友食得好好, 而且比起A+又便宜一點, 但這品牌都是蠻受國內同胞歡迎的, 所以我絕對有理由相信到時要成功跟他們於藥房搶購並不是一件易事啊.  唉...心大心細中, 應該如何選擇好呢?

除了美素佳兒外, 媽媽們還有什麼好的初生奶粉介紹呀?

鬼馬小靈精

小B越大越古靈精怪, 不過亦因為這樣才會帶給我們一家無窮無盡的歡笑聲.

最近有個人仔好叻扮野呀, 只要一聽到有人叫小B刷牙, 小B換片片, 小B沖涼等, 小B就會馬上衝上床扮覺豬.  我想她一定是以為只要扮覺豬就可以逃過要刷牙, 換片, 沖涼等命運, 哈哈~  :p

雖然好傻豬, 但每次見她這樣又真的覺得好好笑啵.

唉...有時我真的想問問, 究竟這個囡是我生還是爸爸生?

點解除了生得跟爸爸像樣之餘, 就連這些鬼靈精性格都跟爸爸一模一樣?!

我甚至發現這愛食的倆父女, 竟然同樣唔鐘意食豆腐呢~   

產後食乜補?!

第一胎時對於產後補身完全毫無頭緒, 加上又未有請陪月, 只靠婆婆一人為我打點整個月的膳食, 但因婆婆沒什麼這方面的經驗, 加上婆婆生我們三姊弟都已經是好多好多年前的事了, 基本上大部份這方面的知識都經已拋諸腦後, 最後經朋友介紹下就買了產後廿八坊喇, 結果坐月期間, 我就全靠這廿八坊來為我補身啦, 足足飲足廿八天.  當中...還飲用過一次雞酒, 加上十二朝後晚晚薑醋撈飯, 還有太婆浸了多時的補酒 (可惜補酒太重酒味, 我受不了, 最後只喝了幾口就整瓶放回原位).

但由於今胎因打算餵人奶關係, 加上好多朋友話餵人奶就不太適合飲用廿八坊, 怕BB會太燥而於臉上長粒粒, 所以今次就不打算靠廿八坊來補身啦.  但如果不飲用廿八坊, 這個月我又應該如何進補才是呢?  有媽媽可以教我嘛?!  因為婆婆對於產婦坐月期間的飲食實在不太了解, 今次同事叫我準備定炒米茶於坐月時做代茶, 婆婆聽後還竟問我這是什麼來, 她以為是因為我打算餵人奶才要飲用炒米茶呢, 但實際上其實所有產婦都可以飲用.

雖然同事都有跟我提及過自己於產後未有怎樣進補, 而坐月期間跟平日飲食大概都差不多, 只是完全戒食生冷及收奶食物, 當然除了正常一般飲食外, 還有靠飲用大量湯水來上奶啦, 最後身體還算過得去.

但說到底這回是我最後一次生B, 我真的好怕月子坐不好, 一世有煩惱, 所以好希望媽媽們可以提供多些意見, 好讓我叫婆婆做定準備.

Thanks!!!!!!!!    

23M

嘩嘩嘩...不經不覺, 我家的小魔怪已經23個月大啦!!

雖然媽媽我向來鮮有寫小B的成長報告...但媽媽我知你每天都一直在進步, 所以好難將所有事情一一記低嘛 (其實說到底都只不過是想掩飾媽媽懶惰, 哈哈).

23個月大的小B, 雖然不算非常叻, 但亦未至於要令我們擔心, 有時見她所知所識的, 遠遠超乎我們想像...所以大家對妳都非常放心.  加上小B爸認為, 以她這樣小小的年紀, 無需特別進行催谷特訓, 所以在學習知識方面, 一直以來都是採取順其自然的態度, 結果還總算過得去.  不過只要當妳將來入學後, 媽媽我就真的好擔心自己會變得怪獸啦, 到時...希望我和妳都不會有太大壓力, 因為我只想你可以在這短短3, 4年的幼稚園生活中, 過得輕輕鬆鬆, 開開心心.

說話方面
這一環小B依然是比較弱, 跟同齡小朋友比較, 又未至於好差好差, 但就未能成功講得出完整句子囉, 不過開始能夠跟我們有問有答已經好不錯啦.

另外最近特別愛跟人口水尾, 你說什麼她就跟著說什麼, 非常好笑.  有次小B在家食早餐時, 要求爸爸拿東又拿西, 害得肚餓到打鼓的爸爸遲遲未能開餐, 結果爸爸就拋下了一句, 你真是麻Q煩呢, 誰不知小B望著爸爸又跟著說"麻Q煩", 雖然大家都覺得好好笑, 但從那一刻開始我們就知道, 往後在小B面前要小心說話嚕, 否則她將不好的都記進腦中就大大鑊, 自此我們在她面前講話都不太敢亂來~

作息方面
一如以往...繼續做夜鬼!!

每天早上約10時起床, 直至下午4時左右午睡, 午睡時間一般為2小時, 至於晚上...婆婆話經常要打要鬧才肯上床食奶, 因為顧住玩囉, 不過婆婆一家都是夜鬼, 所以又難怪小B晚晚唔願上床啵, 一般11時左右上床食奶, 但好多時都要玩到12時才睡.

但如果跟著爸爸媽媽回家, 早上約9時起床, 爸爸會於下午2時左右就迫她午睡, 一般都有2.5小時或以上, 由於早了午睡, 晚上則可以10時半左右乖乖上床食奶覺覺豬, 所以好多時爸爸都話寧願小B跟在自己身邊, 那麼她的作息時間才可以調較得好一點.

食方面
大食妹一名, 可惜食極唔長肉...暫時未算揀食, 最愛食魚, 瓜和菜, 希望可以一直維持落去.   

早, 午, 晚3餐奶, 明明下午已經戒奶多時, 但今個星期突然要求婆婆開奶奶食才肯午睡, 但既然小B想食就由她吧, 反正食得是福!!

早奶及午睡後, 會食少量麵包, 餅餅或水果.

Lunch好多時婆婆都會煮飯, 可以食一大碗, 如果婆婆約了朋友飲茶, 小B就跟大人食.

晚餐食大半碗飯, 但爸爸媽媽卻最憎餵小B食飯, 因小B有個壞習慣 - 周屋走, 但婆婆話Lunch小B好乖會坐定定, 即是擺明蝦我和爸爸啦.  由於每次都是小B食完才到我們食, 當我們開飯時, 小B又要一起同枱再食, 所以正確來說, 晚餐小B會食兩次.  而且早於幾個月前, 小B就已經進展到可用大人筷子夾餸啦, 雖然手勢錯誤, 但她能夠自行夾餸又唔准人幫, 我們都覺得她好叻好獨立呢.  究竟應該何時才去糾正小B用筷子的正確手勢才是呢?

晚飯後會飲約6oz湯水, 除了花旗蔘...所有湯水都好Like.

水果每天飯後都有食, 所有生果都喜歡.

食飯都不忘裝可愛, 哈哈~

健康方面
剛於一星期前突然發燒, 但食過一次退燒藥後就痊癒了, 不過因為燒到102.x度的關係, 所以還是去看看醫生比較好.  雖然醫生說有點少感冒, 幸好小B未見有嚴重流鼻水, 經此一病...婆婆和媽媽都覺得小B好像又長高了.

基本上大致正常!!

如廁訓練方面
雖然已經進入冬天, 仍然未能成功戒片, 但小B間中要尿尿時都會自己跟我們說...暫時10次有9次中, 叻女!!  當然間中我們都會主動問她有否尿尿需要啦...  至於便便就完全未能成功喇, 最多都只會在便便完後才跟我們說, 唯有繼續努力.


下個月小B就2歲大啦, 媽媽期待著妳給我的另一番驚喜, 哈哈~

產前講座 - 母乳爸媽學堂

30112013

雖然較早前已經聽過由母乳協會舉辦的那個母乳講座, 但同事話如果想要在餵人奶方面, 可以更有決心和意志堅定一點, 就必須多聽有關講座  (因同事知我一直都三心兩意, 哈哈), 今次見朋友仔都有興趣一齊聽, 所以就齊齊報名喇...

兩小時的講座內容, 跟上次聽的那個其實差不多, 但在禮物方面卻差好遠, 或許是由Dr. Brown贊助的關係, 所以禮物都算豐富的!!

其實去聽講座真的蠻花時間, 加上大多數講座於第一胎時都已經聽過了, 所以今次會是我最後一個報名去聽的講座啦.  :p

痴孖筋

忘了由多少週開始 (總之就好早期啦), 自半夜試過一次抽筋後, 之後幾乎每星期最少都會抽一次或以上, 好彩的一星期抽一次, 唔好彩的一星期抽三次, 更加好彩的是多數只抽一隻腳, 有次試過一夜間抽完右腳再抽左腳, 那次真的抽筋抽到無覺好訓.  幸好每次一抽筋, 小B爸都會馬上彈起來幫我舒緩痛楚, 不過昨晚抽筋過後, 到目前為止...小腿仍然隱隱作痛呢, 今早上班時想行快兩步都有困難, 可想而知昨晚的我有多痛苦啦.  小B爸幫我拉完筋, 按完摩後, 我還竟痛得流下眼淚來.  唉...究竟要怎樣才可避免抽筋情況經常出現呀? 

好多媽媽朋友話, 只要夠鈣, 就唔會抽筋.  不過即使我已經有食鈣片, 再加每日一盒鈣思寶, 但情況依然未見改善啵...  我亦跟助產士提及過抽筋的情況, 但一如以往的口吻, 抽筋是正常, 唯有多做伸展活動 (即廢話).

送上wk 24 - wk 29的保齡球照, 再過10週左右, 我就可以完完全全脫離半夜抽筋之苦啦, 加油加油!!

四眼豬B

我家小B經常見我們帶住眼鏡, 所以好多時一見到亞父的眼鏡框亂放就會快手拿來玩, 最近小B就連我和爸爸的眼鏡都不放過呢, 見我們帶著, 還硬是要把它除下來, 真怕有一日我家的眼鏡全都被這個粗暴小B整爛. 

今次玩都未夠, 還要帶上拍照...吹脹~

媽媽收到姨姨Whatsapp過來的相後, 雖然覺得帶上眼鏡後的小B增添了幾分可愛, 但媽媽我好唔想你像我們一樣要帶眼鏡呀, 所以媽媽又是時候出手要限制一下你玩平版電腦的時間啦.  (因為你實在有太多方面都似足爸爸, 而爸爸就遺傳了他家族的散光眼, 我好怕小小年紀的你就要加入做四眼一族呢~) 

29w4d 產檢 @ QE

今日約了9點產檢, 不過我每次都慣性早到, 所以未夠9點就已經到達喇, 當自行量過血壓, 量過體重後, 就開始呆等, 雖然時間尚早, 到診的人亦只得小貓3數隻, 但依然要足足等上一小時才到我呢, 唉...下次去產檢, 一定要帶齊報章雜誌消磨時間才行呀.

第2次見助產士, 循例問問最近身體狀況, 然後量度肚圍, 聽聽妹妹B心跳, 再約下次產檢日期和照超聲波日期就完成.  今次跟我的那位助產士蠻健談的, 她還會主動提及妹妹B的Size, 雖然只憑雙手摸摸(個人認為絕不準確), 但既然助產士說沒問題就只好信她啦, 而且妹妹B頭仔已經向下, 即暫且可免除擔心要開刀的煩惱.

嘩...原來不經不覺, 我已經重了15磅啦, 雖然15磅對於一個懷有7個月BB的孕婦來說並不算多, 但我己經覺得自己面圓像波, 大脾粗壯, 真的連鏡都已經不想再照呢.  體重方面其實跟上胎陀小B時差不多, 未知妹妹B出世時又會有多少磅呢?!

掛住講..講..講, 無記性的媽媽我竟然忘了問助產士取回今天的到診紙呀, 結果回到公司樓下才醒覺, 幸好打去醫院一問, 職員說我可於3個月內去醫院補回, 否則今天就要白白浪費自己半天假啦.

上班前襯有兩個多小時空檔, 快快回娘家跟小B食個麥當當早餐, 玩一會兒, 再餵過飯仔才出門.  雖然小B應該都已經習慣了爸爸媽媽經常不在自己身邊, 但近幾個月, 小B變得好痴身...每次當我和爸爸一離開娘家就要跟著我們, 明明我已經跟小B說好, 晚上放工會馬上回來跟她玩, 可惜小B一見我換鞋就已經開始喊喇, 唉...心痛死媽媽啦, 眼淺的我有時都會因為見小B不捨得我們離開大喊而眼濕濕架.

豬兄豬妹生日BBQ @ 吉吉燒農莊

23112013

又到了每年一度豬兄豬妹生日BBQ Party啦, 今次想近近地方便大家, 朋友就提議到九華徑的吉吉燒農莊喇.  地點位於美孚, 交通算是非常方便, 適合沒有駕車的人士, 而且吉吉燒的食物都算不錯呀, $158任食, 只是場地活動空間非常有限, 爐貼爐的, 密集得根本不適合帶年紀太小的小朋友去.  幸好今次一行十多人中, 年紀較小的四位小朋友都算聽話, 肯圍在一起坐定定食東西, 抵讚!!

(由於媽媽要照顧小B及食食食, 所以根本未有時間周圍影相, 加上大家都竟然忘了帶相機呢, 結果唯有偷朋友放在fb的手機相嚕, 哈哈.)

小朋友們好快食飽飽, 開始要落地四圍走, 但前後左右都是燒烤爐, 真的好怕他們會受傷, 結果小B跟翁氏兄妹就到了門口附近的韆鞦椅玩喇, 其實媽媽我未有跟出去, 只忘著食食食...幸好有朋友代為照顧, 所以我都好放心.  至於左邊的小男孩, 見他們三個玩得開心, 又走上去一起坐, 而謙謙呢...則全程只顧痴著爸爸媽媽, 未有跟他們三位小朋友一起玩.

嘩嘩嘩...到了切蛋糕時間啦!!

實不相暪, 蛋糕是由我來挑選的, 因我和朋友都想試東海堂新出的芝士蛋糕, 又見豬兄豬妹一同慶祝, 所以就決定買下兩款不同口味的芝士蛋糕喇, 最後還是左邊的濃烤芝士蛋糕比右邊的日式梳乎厘芝士蛋糕較優勝, 哈哈~

一人一蛋糕, 慢慢吹, 唔洗爭...  (其實小B都好愛吹蠟燭架, 所以爸爸當然會預小B一份啦)

生日壽星 ~ 豬兄豬妹+小B先來張合照吧...

齊齊切蛋糕, 一人一刀都唔洗爭...

 最後來一張未齊人的大合照...

 今晚的生日BBQ Party, 小朋友們玩得好開心啊, 期待下月聖誕再聚在一起的時刻!!  ^^