2014年12月31日 星期三

2014回顧

講到2014年, 我們又要為它畫上一個完美的句號, 真的不得不慨嘆光陰似箭, 時光飛逝!!

這一年對於我來說, 算是人生中最完美最豐盛最有意義的一年吧, 因為我完成了我人生其中一項大任務, 就是按計劃地生下第2位小孩喇, 而妹妹出世以後我就更加一直在忙著, 所以這一個年頭裡, 每天都過得相當充實. 

印象中...

1月 - 小B兩歲生日, 而我亦開始放我人生第2次的產假.

2月 - 妹妹出世啦, 好開心妹妹出世時有6磅多重, 而且生產過程非常快加順利, 但爸爸趕唔切見證妹妹出世.

3月 - 因妹妹黃疸指數一直未減退, 雖然不用照燈, 但就要到醫院進行兩次抽血, 心痛死.

4月 - 產假完了, 又要回歸工作崗位, 一時間實在捨不得兩隻小魔怪.
        第二次跟Blog友仔聚會, 今次齊齊去野餐

5月 - 妹妹百日宴, 一大班親朋好友又有機會聚首一堂食番餐.

8月 - 第三次跟Blog友仔Playhouse聚會, 小B玩到唔捨得走.

9月 - 小B人生第一次返學, 媽媽隆重其事, 請假數天陪返學.
        小B契媽註冊大日子, 媽媽我超級勁開心.

11月 - 忙著帶小B四出Interview
         第一次參加學校親子旅行

12月 - 第一次見小B上台為聖誕聯歡會表演

其實都係好平淡地渡過, 但每天的時間都總是不夠用, 希望往後日子依然精彩.
        
在此先跟大家說聲Happy New Year...2015年, 大家都一定要繼續開心幸福, 而我地一家就更加要身體健康毒不侵啊!!!!!!!!





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^ 
  

平安夜

24.12.2014

襯未到2015年, 等我都快快手出篇平安夜Blog記錄一下先!!  ^^

今日收4點, 一早已經打算晚上帶兩隻小魔怪去尖沙咀見識見識, 好讓她們感受一下聖誕氣氛嘛, 結果媽媽果然無錯, 整晚家姐都表現得勁開心, 妹妹就表現得勁興奮, 希望往後每一年聖誕都可以一家大細外出狂歡啦...

(其實我都要多謝兩個囡, 可以讓我找回年輕時的快樂節日回憶架, 哈哈.)

原本打算早點外出食晚飯, 再到尖沙咀閒逛, 不過當兩姊妹準備好之際, 原來已經7點啦, 姨姨話為免要排隊等食飯, 所以最後只叫了Pizza回家, 待食飽飽才舉家外出歡度聖誕.

出發啦...go..go..go..
行經九龍公園去尖沙咀途中見到有人唱詩歌, 好奇的家姐又想走過去八掛一下.

得...影張相先講啦~
今日尖沙咀真係人頭湧湧, 好多表演睇呀...
同妹妹都影番張先...
一路行去尖沙咀, 沿途都見有好多人戴上聖誕頭飾, 又有燈飾睇, 所以聖誕氣氛相當濃厚啊.
第一次站在馬路中心留倩影, 哈哈.
抬頭一望, 家姐話...1881嘅佈置好靚喎.
 倆姊姊的零交流合照...
雖然只是一家人簡簡單單到尖沙咀遊走一圈四周逛逛, 睇睇燈飾而已, 但大家見到倆姊妹個開心樣時, 我們都同樣好高興架. 

由於太Hyper關係, 回程期間, 有人突然每見到得意公仔都嚷著要影相.
 擺Pose?!
最後去買碗糖水就回家去嚕...

希望每一年我們都可以一家人開開心心過聖誕啦~

有心唔怕遲, 補番一句...Merry Christmas先, HoHoHo!!





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^  

2014年12月29日 星期一

小B的生日禮物

現今小朋友真的好幸福好幸福...你看小B還未到正日生日, 就已經收到家人送上的生日禮物了!!

其實係因為小B正日生日當天, 我們將會跟一班朋友仔開生日會, 加上藉著聖誕這個歡喜的節日, 我們才預先為她送上生日禮物.

當小B分別在三天內收到媽媽, 姨姨和亞父送上的生日禮物時, 小B每一次都表現得超開心, 勁興奮, 而且每次收到禮物都會說今天是她自己生日呢, 哈哈.

這是姨姨送給小B的生日禮物 - 結他

向來熱愛載歌載舞的小B, 這個已經是她第二支的結他了.
這是媽媽送給小B的生日禮物 - 八達通和廚房玩具

踏入3歲後, 八達通就要常伴身邊啦, 因為大個女唔可以再坐霸王車嘛.  XD
這是亞父送給小B的生日禮物 - 搖控飛機

雖然飛機不懂飛, 但在平路上行得超快, 有個小朋友衰到用飛機來追嚇金仔.  ~.~ 
昨晚姨姨還提早跟小B切生日蛋糕慶祝, 雖然沒有生日大餐, 但有生日蛋糕+生日禮物, 小朋友已經開心到不得了, 所以話開心快樂就是這麼簡單~~~~~~~~
預祝小B 3歲生日大快樂, 身體健康, 另外最緊要當然係要聽晒爸爸媽媽話啦.  ^^





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

2014年12月26日 星期五

5th Anniversary ~ Wood Wedding

時間過得真係好快好快...當我找回結婚當日的相來看時, 感覺就像昨天才發生的事一樣, 但原來不知不覺間已經5年了.
木婚快樂~~~~~~~~

5週年快樂~~~~~~~~

當初的我們由一變為二, 現在更加已經由二變為四啦, 希望我們一家四口一直幸福到永遠!!  ^3^





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

2014年12月23日 星期二

聖誕放毒

臨近聖誕節...消費意慾總是特別強, 不過我要湊住兩隻小魔怪, 又豈會有時間行街Shopping花錢丫, 所以要滿足自己就只好靠偉大的淘寶或網購來揮霍喇.

為了趕尾班車搭同事單, 今次只用了少少時間淘得以下戰利品~~~

Melody毛毛拖鞋 - RMB 34
收到後一致好評, 絕對跟我在Sanrio看到的沒大分別, 最大分別就在於價錢上吧, 哈哈!!

米奇貼紙簿 - RMB 1.8 (用作小朋友禮物仔)
一本共六頁, 紙質亦算不錯.

DIY手工粘貼眼鏡玩具 - RMB 3 (用作小朋友禮物仔)
這些小玩意, 質量還算可以啦.

Chicco 廁所板 - RMB 49
已經是第二次購買, 買第二個並非因為第一個已爛, 而是買來放在嬸嬸(婆婆鄰居好友)家, 因嬸嬸經常幫婆婆湊家姐/妹妹, 所以嬸嬸好多時都會用得著, 前陣子我還特地為嬸嬸添置一部2手BB車, 方便嬸嬸帶妹妹去街呢~

一家四口親子裝 - RMB 30 & RMB 49
為了Boxing Day去影樓影相, 特地淘了一套親子裝, 爸爸媽媽選的是白色, 倆姊妹選的則是紅色.  初初買時都好猶豫, 因為怕會貨不對辦, 但收貨後又覺得可以啵, 哈哈!!

最後於FB專頁買了兩個聖誕老人髮夾 - HKD 56
我無量度清楚大小, 只見得意就買了, 結果收貨後比我想像中大...但家姐夾上依然可愛, 不過對於妹妹來說還是比較大一點點.  這幾天一定要夾住影多幾張相, 否則過了聖誕就用唔著, 要留待下一年嚕.





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

2014年12月18日 星期四

學校聖誕聯歡會

13.12.2014

今日係小B學校聖誕聯歡會, 話晒都係小B第一次, 而且知道小B有份演出, 所以媽媽事前我真的既緊張既期待又興奮!!

一早9:45準時帶小B回到學校集合, 爸爸媽媽們則先行到禮堂就坐等候, 在等候所有小朋友回校期間, 學校於大禮堂播放著小朋友們日常在校的生活片段, 雖然平時於網上日誌都有得睇, 但每次睇到學校播片時, 媽媽都總是特別感動, 大概係因為見到自己女兒一日一日長大, 而且開始有自己生活, 有自己朋友的關係吧, 証明小B真的已經大個女嘛. 

大家又能找得出小B嘛?!  相中小B一共出現了5個頭架, 哈哈~  
聯歡會大約在10時左右正式開始, 起初先由救世軍總部某幹事講耶穌及帶領祈禱, 之後介紹一班家教會委員, 然後再有一班家長唱詩歌報佳音, 接著終於都到家長們最期待的高潮位 - 全校小朋友一起演出喇.

首先是K1班小朋友演出, 接著再由他們帶領住N班小朋友. 

嘩...全部N班小朋友頭戴耳仔, 背戴尾巴, 真的好可愛好可愛呀, 後排披著聖誕衫的小朋友是K1班學生.
(小B於前排左3)
雖然只是一個小小演出, 簡單表演, 但媽媽一邊睇竟然一邊流淚, 因為你...媽媽變得越來越眼淺了.  今次睇表演, 真的百般滋味通通一湧而至, 這種感覺絕對難以用筆墨形容, 但一切一切都會記在媽媽心中.

小B由出場開始就已經望到爸爸媽媽所在位, 所以媽媽為了幫小B打氣, 除了一手拍片之外, 另一隻手都不停高舉手指公以示鼓勵架.  至於爸爸又做緊咩呢?!  唔知...我叫爸爸影相, 爸爸只影得幾張, 然後全程呆坐睇表演, 真係激到我彈起.

最後等所有班級的小朋友都表演完畢, 再由全校小朋友一齊跟大家唱聖誕歌...

(小B於前排左4)
時間過得好快, 高潮位完了, 再由校長跟家長們作小小分享, 之後老師再安排大家到課室進行親子遊戲及用餐時間.

最後就讓小B送上一副嬌佻樣來預祝大家聖誕節快樂啦, 哈哈~
 3小時的聯歡會就在一片歡笑聲中結束, 媽媽我真的好期待學校的下一個活動啊...





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

2014年12月17日 星期三

K班大作戰結果 - (保良局歐陽少芳) Unsuccessful

最後一張面試成績表都已經收到了, 一如我所料, 小B最終還是被Reject!!

說實的...面試當日由行入課室門口開始, 我就已經知道會是這個結果, 因為首先一開始小B就已經被外藉老師嚇窒, 然後這是一個全英語的面試, 面試期間小B因聽唔明, 結果完全無理睬老師, 最後我亦清楚見到那位老師有點嫌棄小B的模樣, 見小B唔理睬她就唔理小B, 相反其餘兩位小朋友因有俾過少少反應, 所以老師就不停跟他們說話.  而且媽媽自己答問題時亦不算好, 所以這個結果絕對合理.

Um...第一次被Reject的感覺還算好吧, 真心覺得這是一個好好的經驗啊.





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

2014年12月16日 星期二

妹妹B ~ 10個月

12.12.2014

去到2014年尾聲, 臨近普世歡騰嘅12月, 妹妹B不經不覺已經10個月大了, 媽媽我希望能夠盡量記低妹妹B的發展進度啦~

體重: 估計約有18磅左右

身高: 無量, 但妹妹自出世以來都唔算矮, 莫非妹妹將來會係高妹一名?!

食:
奶 ~ 3餐 (每餐7安) - 已轉2號奶
固 ~ 2餐 (午餐及晚餐同樣食大半碗至一碗爛飯仔)

便便每日都有一至兩次, 偶然一整天無便便的話, 第二日就定必會爆屎.

食物方面已試過好多款, 無特別記低, 暫時未見有出現食物過敏情況, 希望繼續唔好中招!!  早幾日, 就連蛋白都已經試食了.

訓: 早上約8時多起床, 午睡情況明顯有進步, 一日兩次小睡, 短則30分鐘, 長則3小時左右, 晚上大約10:30訓, 多數在床上食奶自行入睡.  (天氣涼時真的特別好訓呢 ^^)

活動能力:
- 由訓變坐, 由坐變企
- 向前向後向左向右周屋爬
- 可以放開手唔扶物件企
- 間中識反轉身落sofa, 不過唔識多過識. (爸爸好早時已教)
- 成功放手行到兩步, 但比家姐當年怕死, 所以經常要我們拖著才敢周圍行

指令:
拜拜, 拍手
準備教做請請, 為新年逗利是作準備, 哈哈~

講:
Mum Mum (最叻問食時不停叫Mum Mum), 奶奶 (見到奶奶又會不停叫奶奶)
爸爸, 媽媽 (試過發音, 但無意識地叫)

性格:
- 比較慢熱而且勁愛人抱, 算是痴身膏藥一名, 最愛痴婆婆和痴媽媽, 近期亦出奇地愛上了痴爸爸.
- 比較懶惰, 唔太肯自己拎野食, 但最近放星星餅在妹妹手時, 妹妹總算有意識將星星餅放進口裡, 不過每次媽媽見佢放唔岩位就會出手協助, 所以妹妹仲未算成功架, 或許媽媽應該要多點時間讓妹妹練習, 因為1歲回健康院時好像要考手指靈活度.
- 超級愛玩, 會主動撩人玩

健康:
繼續每月一病, 每次都係被家姐傳染, 同事見妹妹成日病, 終於忍唔住話媽媽我當日唔努力餵人奶, 結果累妹妹生病次數才會頻密如此.

10個月大, 希望妹妹變得越黎越好湊, 唔好再做大喊包.
因為妹妹成日喊嘅關係, 結果婆婆,姨姨都忍唔住幫妹妹改名做亞包了.





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

2014年12月15日 星期一

試用 - 奧地利品牌MAM Anti-Colic防脹氣奶瓶

今次有幸試用奧地利品牌MAM Anti-Colic防脹氣奶瓶!!
收到奶瓶後當然要馬上給寶貝試用啦, 不過試用前都不忘先將所有配件拆下消毒蒸一下.
據悉這款奶瓶還可以放進微波爐裡簡單快速地消毒清潔添啵, 只要將底部放進20ml水, 然後再將奶咀放進奶瓶底部, 按3分鐘時間, 那麼奶瓶就可以快速地消毒好, 其實間中用此方法來消毒都真的確實省時方便.
原本這個奶瓶我是打算讓妹妹來試用的, 但結果家姐見到後又要爭住用, 既然妹妹無得Say No, 那就只好換家姐來試用嚕.

粉紅色心心花, 外觀蠻OK, 難怪小B猛話媽媽買的新奶樽好靚啦...哈哈~
唔講唔知, 其實我家小B還未戒奶兼未肯戒用奶瓶食奶架, 因為小B話妹妹都係咁喎, 所以點都唔肯戒囉.  ~.~"
 食得招積...
產品特點:
  • Anti-Colic(防脹氣奶瓶)底部控氣閥依據獨特的母乳餵養原理設計, 幫助控制奶瓶液體流量, 寶寶不會吞下多餘空氣, 有效減輕打嗝, 脹氣, 腹痛現象.
  • 奶瓶為寬口頸設計, 旋開後用清水或溫性清潔劑即可清洗所有的部件.
  • 可以放進微波爐裡簡單快速地消毒清潔.
  • 創新設計的防漏蓋能確保液體留在瓶中, 只要蓋上防漏蓋, 外出攜帶奶瓶即可安全無憂.
而且經過科學驗證能有效減少80%脹氣, 相信對於好多初生BB的父母來說是有一定吸引力的. 

最後等妹妹B出場來嗚謝MyBB送了我們一個奧地利品牌MAM Anti-Colic防脹氣奶瓶和她頸上那條靚靚口手肩給我們試用啦!!  ^^





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

K班大作戰結果 - (救世軍陳昆棟) AM Offer

早前面試的第4張成績表終於收到了, 小B成功再得一個AM offer呀!!
不過其實媽媽我一早就預計到救世軍會收小B啦, 因為面試當日只從遊戲中觀察, 根本就無考小朋友, 所以只要表現正正常常無大吵大鬧的應該都會被取錄.

但學校導覽日和面試日當天, 實在讓我見到有太多新移民, 所以我唔會考慮喇.





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

2014年12月10日 星期三

X'mas @ 樂富

今年樂富廣場聖誕主題係Disney Channel, 媽媽我這個米奇迷當然要帶小B去影相啦,
不過真係唔講得笑, 今年各大商場影相位都大排長龍, 而為了影米奇我們更加足足呆站了45分鐘呢...

食完下午茶, 姨姨話見好少人排隊, 我們便一心想著應該好快有得影啦, 點知...保安姨姨告知我們現在排隊的是排下一節6:00-6:45時段, 噢...現在才剛剛5:05, 那我們豈不是要呆站一小時?!  這個形勢, 當然想先勸小B離開啦, 不過小B好堅持, 寧願捱眼訓捱腳累都話要排隊, 結果有人等到變了呆呆豬, 哈哈~
不過小B都算好乖啊, 等候影相期間完全無扭計, 大個女果然有所不同, 讚呀!!

原本一心打算下午來到戶外影相會比較靚, 但結果最後竟然等到天黑才有得影, 整件事馬上變得唔同晒, 不過只要你開心我就滿足了, 至於妹妹亦敵不過睡魔又要ZzzZzz.

米奇
 米妮
公主
竟然有迷你波波池玩?!
亦因為這個波波池, 小B話排隊係值得嘅, 哈哈~
(自從返學之後, 小B說話能力超強, 已經跟我們大人沒分別, 就連同媽媽鬧交都無得輸添啵 ~.~")

巴斯光連
布魯圖
最後妹妹都終於醒啦, 但妹妹醒時已到清場時間, 所以快快手幫妹妹影幾張就要走人喇.
今日依然係勁難影妹妹, 因為妹妹唔肯自己坐, 又要拖住媽媽行路.  算...總叫有張兩姊妹合照.
下一次我想去影飄零燕呀, 唔知爸爸幾時放假陪我地去呢?! 





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

2014年12月9日 星期二

X'mas @ 屯門

山長水遠入到元朗, 離開時見時間尚早, 一於過去屯門影Melody啦...

去影Melody前先經過時代廣場, 見有Pingu啵, 一於照影先, 近期小B好熱衷到各大商場影相呀, 只要一見有公仔頭出現就會自己走過佢, 雖然大部份相都係唔望鏡頭, 但都交足戲笑到見牙唔見眼架, 哈哈!!
我有我影, 然後一個望左, 一個望右 ~.~"
終於有張望鏡頭...
好想妹妹自己企定定影相, 可惜妹妹企唔定, 只要腳仔一惦到地下就要行, 結果當然無一張相成功啦.

(其實我覺得妹妹係好唔鐘意影相架, 每次一影相妹妹就會變得好唔合作, 就算明明笑緊, 只要一見到相機就會變得好Cool, 所以唔好問點解咁少妹妹相呀, 其實係因為妹妹唔鐘意影相咋.)
今日真係要多謝姨姨, 因為有姨姨一齊去, 我地先可以去影相咋.
其實影完Pingu, 倆姊妹都已經開始無電, 但有個小朋友依然堅持要去影Melody囉, 那就唯有快快手去影幾張滿足小B啦, 點知...影Melody都要排隊呀.  呼, 幸好今次等候時間唔長, 大約10分鐘左右就可以入內, 否則小B一定爆喊扭計收場.  至於妹妹...未行到去影相就已經暈低了, 今次又無得影, 唉~

影Melody嘅範圍實在太多太多人喇, 完全唔知點影先可以影得靚, 隨便影幾張滿足了小B就快快閃人返歸.

(相片於網相找的)
 突然熱愛影相的小B ^^
如果要去各大商場影聖誕佈置, 最理想一定係平日時間, 可惜大家都要返工返學, 所以唔知我地仲有無機會去其他商場影相呢!!





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^