2013年6月30日 星期日

相聚一刻

今日因有Blog Blog BB Gathering而去到深井, 結果出名懶惰(不太願遠行)的小B爸就提議不如晚上到屯門跟早年Honeymoon旅行時認識的團友相聚一下喇.  臨急臨忙約Pat姨姨 一家, 幸好這忙碌家庭今天有空能夠應酬我們, 結果BB活動結束後, 我們就直踩上Pat姨姨家作客打攪他們啦... 

原本打算坐一會兒便一起外出晚飯, 但因大家都懶的關係, 最後叫外賣回來就算了.  其實今晚醉翁之意都不在於這頓晚飯, 大家純粹是想聚聚舊而已, 所以隨隨便便一餐都沒所謂.

好難得由旅行第一天認識後, 直至今時今日仍然時不時相約見面, 雖然一年大概只有一兩次, 但這份友誼實屬難得啊!!

小B身旁的姐姐, 於去旅行時, 超愛跟我和小B爸玩, 就是因為這個妹妹, 我們才跟他們一家熟絡起來.

想不到現在小B跟這位姐姐又岩玩啵...哈哈!!
最初去到Pat姨姨家時, 小B突然樹熊上身, 把我攬得緊緊的, 不過Warn Up一輪後, 好快就同姐姐玩起來啦, 最後更玩到趴晒地唔願走呢...

直至十時多, 小B的電量只餘下20%左右, 我們亦只好回家去嚕, 始終小B今日只午睡了45分鐘左右, 我想她一定攰到爆燈, 不過有得玩...捱得住. 

最後Pat姨姨和姐姐送我們到樓下車場取車時, 小B更示意姐姐一起上車, 跟我們回家, 看見小朋友如此天真無邪, 真的覺得好好笑~

Blog Blog BB Gathering

由小檬家一手包辦既Blog Blog BB Gathering, 終於在630圓滿結束.  今次真要多謝小檬媽安排, 先可以順利舉行這個BB Gathering, 當然大家更要多謝小檬爸辛苦為我們出力啦...至於小檬亦好大方借出名車給各BB玩, 真乖仔!!   

一早起身...食過早餐, 就要為小B準備兩餐飯仔, 因為BB Gathering活動後, 我們還有下場, 既然知道夜歸, 所以媽媽我就要做好準備, 而爸爸就陪小B玩.  當所有東東都準備好後, 小B媽我馬上餵小B食飯仔, 不過唔知咩事, 食第一啖飯, 小B突然爆喊半小時, 最後經爸爸不斷安撫及餵飯, 才可以準時出門參加活動, 但就因為小B扭計, 連累媽媽忘了帶相機, 唉...

其實活動時間於3-6舉行, 剛好遇上小B午睡時間, 所以媽媽我一早就預計到小B的表現一定強差人意, 結果真的開口中呀.  平時小B要午睡最少兩個半小時, 但今天只睡了短短45分鐘, 就被爸爸吵醒, 所以活動開始頭一小時, 小B都是目無表情的.

原先小檬媽安排了大B們合照, 不過小B唔多合作, 最後大B合照時無小B份.  (小B只站在後面痴實爸爸)


好...到大合照啦, 雖然小B好想走開, 但媽媽硬是要捉住她, 結果小B點都係唔肯望鏡頭, 吹脹~

影完合照, 媽媽們及BB們都各自Social, 而小B就只肯痴住我們, 激死.

小B呀...小B...今日係BB聚會, 唔係家庭聚會呀, 你唔好剩係痴住爸爸媽媽, 你去同其他BB玩下啦~

見到小檬同大爺玩車車, 明明好想加入一齊玩, 但就死都唔肯行過去...  (因為小B想獨霸名車, 多於想跟人分享)


Cool Baby繼續發揮其Cool Cool本色, 連Yin B撩佢, 佢都一於唔彩.  (小B你真無禮貌, 失禮死爸爸媽媽喇.)

南瓜仔只不過想同你握握手做個好朋友, 但你洗唔洗縮手縮得咁快呀?

既然你唔肯行開自己玩, 咁岩Pizza Hut又送到, 咁就一於齊齊開餐啦...

吃了少許意粉+Pizza, 好像仍未能滿足到大食的小B, 結果媽媽又要出動餅餅.  一見到餅餅, Yin B馬上出現, 幸好小B今次好大方, 肯請Yin B食餅餅.  不過食完自己的餅餅, 就被柑媽手上的星星餅吸引了過去.
 

食飽飽, 見小B心情好了些, 其他BB又陸陸續績過了遊戲室玩...  原本打算走人的小B爸, 都帶了小B過去.

Yeah...Cool Baby終於重現笑容啦~

 大爺去邊, 小B又跟住去邊, 莫非小B睇中左大爺?!   不過大爺有得玩, 唔得閒理你啵~

好...轉移目標, 等我走去攬下南瓜仔先.  (頭先南瓜仔同你握握手時你又扮Cool...)

於遊戲室玩了一會, 又係時候Say Goodbye啦, 希望下次再有聚會時, 小B會表現得好一些啦.

2013年6月29日 星期六

My Birthday ^^

我這個80後媽媽, 自從踏入了某個歲數之後, 就已經唔再重視生日!!

不過我心境依然保持年輕, 所以都仲可以呃得下人......

雖然我唔重視這個日子, 但我的一班好友們依舊會跟我慶祝生日架.  正日當天我們一行十多人去了新羅寶食韓國餐, 以前生日出來慶祝的都是一班成年人, 但近兩年...我們這一班就已經加入了很多新血嚕.  來年希望我們這一班繼續不斷有新血加入, 最好每個家庭都有小朋友, 那麼就真的可以由上一代玩到下一代喇, 哈哈~

三隻小魔怪, 因年紀相若 (小B - 歲半, 言哥哥 - 3歲, 善兒姐姐 - 2歲), 所以每次見面都玩得好開心.
經過近幾個月觀察所知, 原來小B真的好照顧年紀比她小的BB.  今次小B見爸爸抱著剛滿4個月大的小豆時, 小B竟然示意爸爸讓她抱抱小豆, 只可惜小豆愛坐多於抱, 所以最後兩個只搭著膊頭合照, 未有抱抱.

小B...如果日後你同小豆, 可以像媽媽同小豆媽一樣Friend就好了, 哈哈~
哎呀...小B的鬼仔朋友Hayden遲到, 結果漏了跟他拍照.

不過今晚最開心的, 相信應該都是這班小魔怪喇.

登登登登...晚飯尾聲, 又到了小B最愛的吹蠟燭+切蛋糕環節, 每次見到蛋糕就好像自己生日一樣興奮, 因為小B跟爸爸一樣愛吃甜點囉, 哈哈~
最後因這幾隻小魔怪而令場面太難控制的關係, 結果未有拍大合照... 

幸好, 仍有張一家三口照頂住.

We are Happy and Sweet Sweet Family!!!!!!
媽媽今晚有你地陪我過, 真的好開心呢...  Thanks All!! 

2013年6月27日 星期四

中招

話說上月中行屈人寺時, 因在美容Counter附近逗留了好一陣子, 結果就惹來了一位Promoter走過來落力地硬Sell我喇.  而每次當我遇上被人硬Sell時, 總是會變得特別難以反抗似的, 雖然心裡完全毫無購買意慾, 但不知怎的最後都會乖乖拿出錢來去付款. 

有說一白遮三醜, 但向來皮膚已經不黑的我, 其實是非常非常抗拒用美白產品, 但今次明知是美白產品都竟然買下, 結果當然中招啦...

PHD Activ White Night Cream Extra Recover 
用了這盒晚霜約半個月, 額頭及下巴位置就不斷長出粒粒來, 突然同事問我...是否轉用了新護膚品, 我才叮一聲...驚覺自己應該是因為用了這盒美白晚霜而出事, 因為平時的我是鮮有爆粒粒的, 除了轉天氣例外, 結果我當然馬上停用啦, 停用了近一星期後, 粒粒終於沒有再長出來啦, 而且原本已長出的粒粒亦已開始凋謝, 真是謝天謝地.

2013年6月22日 星期六

可愛孖辮Look


前陣子婆婆經常幫小B紮孖辮, 但姨姨不懂欣賞之餘還嫌棄紮了孖辮後的小B變得不可愛... 

(其實紮辮好簡單, 不過小B好唔合作, 所以姨姨從來都唔會幫小B紮辮.  有次姨姨帶小B出街, 婆婆幫小B紮了孖辮後, 姨姨一出街就whatsapp了小B的孖辮Look給我看, 結果當然笑死我啦, 因為真的好醜嘛, 最後姨姨更以9秒9把它拆掉, 哈哈!!)

不過媽媽就唔相信, 小朋友紮孖辮竟然會變得不可愛, 所以今日一於再試... 

出發跟太公太婆飲茶前, 明明已經食了一碗飯仔, 但見婆婆食包, 小B又要搶吃.   
小B: 金仔哥哥, 你乖乖呀, 我地出去飲茶, 好快會返, 你幫我睇住門口一陣, 知道嘛?!  啜啜啜~ 
小B媽: 姨姨同你玩咩, 笑得咁開心呀?!
小B: 太公太婆未到, 等我幫手點定野俾佢地食先...
現在看似還好精神, 但不出十分鐘, 有個BB已經謝皮了, 哈哈哈哈~
大家話我個孖辮Look可唔可愛先?!?!?!

2013年6月20日 星期四

追落後?!

生於這個競爭那麼大的香港裡, 怪獸家長自然多的是, 老實說身邊有些好友雖從不曾認自己是怪獸家長, 但眼見他們為小朋友所做的一切, 大家都心照啦!!

撫心自問...小B爸媽對於怪獸家長這個稱號, 就真的拍馬都追趕不上.  雖然小B媽我偶然也會為小B日後的學習成長路而緊張煩惱, 但當我每次在做資料搜集的中途, 好快又會變得懶懶閒, 繼續愛理不理的態度.  至於小B爸就更加不用多說啦, 因為他從來都不會為小B的學習成長路而著緊嘛.  小B爸跟我說過, 他對小B的要求十分簡單, 只要小B生生性性, 聽教聽話, 學業成績中規中矩就已經能接受了, 因為他自己都並非那些成績前列而茅的人.  唉...男人...真的那麼容易就滿足嗎?!

話雖如此, 但當我眼見好多童齡的小朋友都開始起了步(上Playgroup)而小B還在原地踏步時, 究竟我是否要快快追回落後了的步伐呢?

先不說上 Playgroup, 但我想我也該是時候要為報N班而做多點資料搜集.  雖然小B一歲左右, 我已經幫小B入紙報讀了6間學校, 但根據朋友及同事經驗之談, 報6間就想爭得一個學位...好像有點勉強. 

以下是幾位朋友的經驗:

朋友Y
幫囡囡(9月細B)報讀了廿多間學校(不同區域的學校都報), 最後只得一間學校後補錄取了她, 但對於一個兩歲的小朋友來說, 要誇區上學好像有點辛苦, 幸好後來她家附近那間分校有位, 最後才不用誇區上學.

朋友A
囡囡是11月的細B, 在同區找了好幾間學校, 不過最後全部都不取錄, 結果未有讀N班, 待3歲時才直上K1.

同事C
幫囝囝(6月B)報了十多間學校, 有的更是誇區報讀, 但最後竟有部份學校連面試的機會都沒有, 不過最後都有一間學校取錄了他.

唉...以上兩位都說最少要報十多間學校, 甚至要誇區報讀, 才得一間學校取錄, 那麼我只報了同區6間, 機會一定微乎其微啦, 所以我都在考慮究竟是否要誇區報讀, 看來這個月, 我真的要加加油啦, 因為好多學校, 9月份就會開始接受報名, 今次我一定要提提自己努力做資料搜集... 

2012年的媽媽們, 大家一齊加油啦~

2013年6月18日 星期二

生日禮物 ^^

繼小B契媽一早送我生日禮物後, 再黎預早送我生日禮物的人就是我蝦子餅喇...   
 
 
無論何時何地最知我心意的, 莫過於是我老公, 因為他會知我想要什麼及需要什麼嘛. 

有時他更會因為知我不捨得買東東給自己, 而看中良久都沒買回來, 就主動提議送給我, 所以好多時我都會說我老公是最抵錫的呢, 哈哈~

其實如果我有膽量, 我想老公出錢給我做激光矯視, 好過送我一副眼鏡, 因為我真的不太喜歡做四眼族.  或者你會問, 既然不喜歡做四眼族, 何以不選擇帶CON呢, 答案好簡單, 就是因為我帶CON的年期都已有12, 13年吧, 所以現在如果長時間帶CON的話, 眼睛好容易就會好乾及爆紅筋, 所以平日上班要對電腦為主的我, 就唯有選擇帶眼鏡好了.

無論如何...都要多謝我老公送我的生日禮物!!  (希望我快快克服做激光矯視的陰影, 下次你送我的禮物就是一對健康眼睛啦, 哈哈) 

2013年6月17日 星期一

笑死定激死?!

小B你攪乜東東呀?  你唔好嚇媽媽我啵...你做乜無啦啦生股漲架?!
有人玩玩下波波, 無啦啦拉起裙仔, 要求我幫忙把波波放進去...究竟你係邊度學返黎?! 

2013年6月16日 星期日

Happy BaBa Day

祝各位爸爸...爸爸節快樂呀!! 
每次叫小B錫錫或咀咀, 小B都會好慷慨好大方, 但只要當我拿著手機準備拍照時, 小B突然就會變得好不情願.  明明叫小B咀咀爸爸, 竟變成了爸爸咀咀小B囉, 哈哈~

2013年6月12日 星期三

淘儲物箱

近期好敗家, 幾乎每星期都在淘, 雖然支付寶充值的兌換率又貴了, 但比起在尖沙咀, 銅鑼灣濕平, 還是平得多.

今次見小B的玩具籃爛了, 於是又上淘寶淘了一個儲物箱回來.

特地找回一個跟我家已有的同款儲物箱...但這回是用來放玩具的, 就當然要選最大Size啦...
可惜最大Size都是不夠用來放玩具啊, 究竟是儲物箱不夠大還是小B太多玩具呢?!  或許下次要多淘幾個才行喇, 哈哈~

2013年6月6日 星期四

淘鞋子

小B媽我向來鐘意Casual Look, 有時打扮得太女性化會連自己都看不習慣, 所以除非有什麼飲宴聚會, 否則一律T-Shirt, 背心, 牛仔褲, Legging就正正是我最常配搭的衣著喇.

既然愛Casual, 鞋子方面當然都會以穿波鞋, Converse等為主啦, 不過...婆仔鞋始終都要有幾對看門口!! 

早前無聊於淘寶網閒逛時, 看見了這款厚底波鞋, 見價錢好平, 評價又不錯, 所以就抱著一試心態買了一對來試, 結果....向來不太敢淘鞋的我總算沒有失望, 簡單, 易搭!!

但今次就因為沒有買大一碼, 所以鞋子才剛剛好而已, 若然買大一碼, 相信一定會更好穿.

2013年6月4日 星期二

打保齡

大家請以熱烈掌聲, 歡迎新晉保齡球高手 --> 陳小B出場!!

用心看, 原來小B好認真準備架... 
1, 2, 3, 丟呀...
嘩...差點兒全中!!  (爸爸好勁呀  )
多謝支持~

生一個 / 生兩個?

已經擁有一子 / 一女的媽媽們, 你們會選擇再生多一個嗎?! 

還記得當年尚未結婚時, 一早就跟自己說過, 我是不會生小朋友的, 因為我好怕生B的十級痛, 更怕那恐怖的BB喊聲, 所以當年的我絕對是沒什麼愛心可言.  直至早幾年, 開始養小狗, 再加上受身邊朋友影響, 突然我對生小朋友的想法就改變了, 雖然都是有一點點怕, 但就不至於很抗拒囉.  結果婚後一年多, 跟陳生開始有共識想生小朋友, 幸運地半年左右就懷上了小B.  現在我當然已經不再怕小朋友啦, 但依舊有點怕BB喊聲, 不過當在街上見到那些可愛BB時, 我仍是會母愛氾濫啊~

仍好記得當初我懷著小B時, 我跟陳生說生一個就已經足夠, 因為要我痛一次已經不太好受, 若然要我多痛一次, 那你不如拿我條命好了.  但結果當小B出世一刻, 我竟然好有衝動想再多生一個呀, 有時我都會在想, 究竟那刻的我是否已經痛傻了, 哈哈.

好多朋友說獨生子女會好悶, 而且長大後又沒有兄弟姊妹幫忙分擔, 所以最理想是生夠兩個!!  但自問生一個已經花了自己全副精神+時間, 若然再多生一個, 做父母的又真的可以做到公平把心力及時間花在兩個小朋友身上嗎?  而且養一個小朋友要400萬, 養兩個豈不是要800萬, 我那來有這麼多$$$$$

不過這些事想也想不來, 還是一切隨緣就好了~

2013年6月1日 星期六

17m + 下水禮

眨下眼, 小B已經17個月大啦... 

媽媽我真心覺得小B越大越可愛, 越大越靚女呢, 哇咔咔咔!!  (正所謂賣花一定讚花香嘛 )

今日酷熱天氣, 媽媽我忍唔住要幫大汗精穿件小背心.

嘩...好Sexy呀~
小B: 我今日得唔得先?!

媽媽: 最得係你啦...

雖然換上了小背心, 但33度的酷熱天氣實在令人難以忍受, 結果順理成章就帶小B去進行本年度的首個下水禮喇.

今次近近地...選了顯田游泳池, 貪近屋企之餘, 又有大型嬉水池嘛, 最不錯的就是泳池設有家庭更衣室, 雖然家庭更衣室只得兩個, 而且要排隊輪候, 但總比要我一個人帶小B到女更衣室方便得多, 讚呀!!   
換好泳衣...準備出去玩水啦...
平時勁鐘意玩水的小B, 首5分鐘竟然不肯落水, 爸爸硬是要放她落水, 她就只懂緊緊攬住爸爸.  不過好快...5分鐘過後, 小B已經刻服了落水這個心理關口啦, 爸爸托住小B心口, 小B更懂放鬆身體浮起雙腳呢, 最後更大膽得放開我們的手自己在水中行, 勁呀.  所以人人都話...小B是個大膽B, 應該沒什麼可以難到她, 哈哈~

BTW...是次小B飲了兩啖泳池水, 希望小B不會因此而不適啦!!