小B遊澳門 - Day 2

雖然小B昨晚玩到好夜才睡, 但我依然一早八時多就把她吵醒, 好讓她回過神, 洗過面, 食過奶奶後, 我們就出發去食早餐喇.  誰不知除了我們一家三口外, 其他人等竟然未起身呢, 明明說好9時多出發, 最後要拖至10時才可起行. 

食完早餐, 本打算帶小B到酒店樓下的Playgroup玩玩波波池放放電, 但原來是要付$的, 而且亦只准一位大人陪伴入內, 再加上不准拍照, 算...還是去別的地方好了!!  最後我們到了酒店泳池旁的小小小小遊樂場玩了一回, 就回房間Hae啦.

由於在泳池旁時, 小B超想落水玩, 再加上昨晚浸浴時的興奮表現, 我們決定返房後放水給小B再來多次浸浴. 

登登登登...你看小B有多興奮!!  不過始終光脫脫, 所以大家睇兩張好啦, 哈哈~

浸完浴, 於房內玩夠, 剛好夠鐘Check Out, 寄存好行李, 我們又出發去新馬路一帶搵食.

今次去祥記食麵, 雖然有好多人話祥記好好食, 但我還是覺得一般而已.

最後行行大三巴, 跟小B拍拍照, 就差不多時候要回程...

這兩天小B試了好多鉅記出品的東東, 今次手上就有蛋卷+杏仁餅喇, 不過似乎小B不太接受杏仁餅啵, 或許她覺得杏仁餅上的黑色點點好Dirty, 所以好快就把它丟掉, 至於蛋卷...當然好快就吃光啦, 哈哈~

小B的首次澳門遊就這樣結束啦!!

小B遊澳門 - Day 1

今次是小B首次離港, 所以媽媽我好緊張呀...又怕小B會扭計, 又怕自己會幫小B帶漏什麼東東等, 幸好兩日一夜的澳門遊順利完成. 

一早7:00, 小B竟然自動自覺起床, 平日起碼睡至九時多的小B, 好像知道自己要去玩似的, 一早就起床.  但爸爸媽媽都好累呢, 點解你要那麼早就把我們吵醒?!  算...既然醒了, 就早點出門食早餐, 但一出門不久, 剛上火車那刻, 小B竟然又睡著了, 你...你...你真攪笑!! 

結果我們10:30已經到達信德中心啦, 於茶餐廳食住早餐等其他團友, 要有愉快的一天, 當然要先食過豐富早餐啦, 哈哈~

好快, 婆婆, 姨姨, 馬仔哥哥和舅父都到齊了, 至於小睡中的小B亦已經醒過來.

Yeah...準備入閘登船, 唔講唔知, 原來一歲以上已經要買船票, 我們當然無預先購買啦, 因為無人通知嘛. 

嘩...小B的來回船票要$290, 好貴呀~

今次係我第一次去澳門要拖行李箱, 平時兩袖清風拍拍籮柚就可以過大海, 今次帶住小B, 結果變得好大陣仗, 以防萬一帶多好過帶小, 哈哈.

船程一小時, 小B算是合作, 沒有太扭計, 只是有點不耐煩, 幸好當她感到不耐煩的時候, 我們已經悄悄到達澳門啦.  一落船...小B變得好興奮, 始終新環境新事物嘛,  最後快快過關, 到酒店Check In放低行李箱...

今次我們住的是Sheraton, 酒店於去年中才開業, 好新呀~

從房間望出去, 嘩...泳池呀, 小B見到好開心呢!!

快快迫小B食支奶奶, 我們就出發去搵食啦...  小B我知你好興奮, 但你要快快食完奶奶, 先可以去街街架.

一起行...小B好快又睡著了, 不過算啦, 媽媽知你今日早起, 又舟車勞頓, 你就即管訓啦.

首先我們到官也街一帶搵食, 原本打算買沛記出名的Cupcake給小B做Tea, 可惜星期日休息.

最後到了新好利食豬扒飽和燕窩蛋撻, 早前小儀都有介紹過, 但我們一行人等都只認為麻麻, 沒什麼特別好推介. 

食飽飽, 到附近晃記, 鉅記買手信時, 剛好小B就醒來了, 在無選擇的情況下, 我們於鉅記拿了些試食品給她做小食, 幸好小B對那些蛋卷, 加蛋餅之類都尚算滿意, 哈哈.

再行了不久, 我們又去了沙度娜食木糠布甸, 小B食到變了污嘴狗, 還食到停唔到口, 幸好那杯木糠布甸不算甜. 

食過下午茶, 買好手信, 又食過甜品, 時間仍尚早, 那我們就到了附近龍環葡韻住宅式博物館逛逛, 跟小B拍拍照.  (不過這兩天所拍得的相片都在馬仔哥哥的大相機中, 不知要等到何時才可拿回啦, 唔得...要快快叫姨姨催催他先, )

逛到差不多時候, 我們又出發到下一站, 位於媽閣的Pizzeria Toscana食晚餐, 這間意大利菜西餐廳地方較偏, 要不是姨姨去過, 我們一定好難找到那間餐廳. 

這頓晚餐真的好好味, 姨姨絕對無介紹錯, 圖中的菠菜飯是特地為小B而Order, 好彩小B肚餓, 加上又未到揀任擇食的時期, 所以她都好像蠻滿意般給我吃了兩碗仔, 叻叻~ 

食完晚飯, 回到金沙城中心逛了逛, 就回房間休息啦, 是晚小B於酒店房超High, 玩到12時多要關掉所有燈才肯乖乖去睡. 



第二天...待續!!

痴身膏藥

最近婆婆經常投訴小B好痴身, 就連離開一步都不能, 實行你有你行, 我有我痴...  結果當我們未下班回家時, 婆婆就做不到家務嚕, 甚至連晚飯都要待我們回去才可以開始煮呢, 結果晚晚超夜食飯, 我就越黎越夜才可回家, 唉~

某日當我想行出廳時, 小B就這樣攬實我喇, 雖然好Sweet, 但有時太痴身實在感覺好煩呢!!

媽媽們...有方法可以令小B獨立一點嘛?

愛上麥當當

其實小B耐不耐都有食漢堡包做下午茶, 但只限於包包, 漢堡扒則留待我們大人吃.  不過即使光食包包, 小B都已經覺得好滋味了, 當然啦...包包上充滿了茄汁嘛!!

 

但今次除了食漢堡包外, 小B爸還竟然讓小B食薯條呢, 目的就是為了要看她變成污糟貓的樣子, OMG~ 

(爸爸真變態, 見到小B食成這樣, 竟然大笑)

結果小B從此一試就愛上, 最後只顧食薯條, 連漢堡包都不要. 

Trial Playgroup @ Little Dream (Lesson 1)

15個半月大的小B, 終於第二次上Playgroup啦...今次表現比起第一次上Playgroup時還要好, 其實小B出慣街見慣人, 又豈會怕醜先得架!!

今次係團購Playgroup, 每節45分鐘, 價錢好像是$88一堂, 除了地點有少許不方便之外, 感覺都很好呢~

我們準時11:40到達, 登記好後就馬上入課室上堂喇, 內容都是一般唱歌仔, 玩玩Game, 做做Gym等遊戲, 時間過得好快呀, 小B亦玩得好開心.

起初頭15分鐘, 小B表現有點害羞, 要媽媽我捉住手手一齊唱歌仔, 做動作.  不過好快...小B就熱身好啦, 可以自己玩.  當小朋友一起進波波池玩波波時, 媽媽我曾走到課室外找爸爸拿手機拍照, 出奇地小B見我行開, 竟然還可以自己在波波池內跟其他小朋友玩波波, 沒有喊著要媽媽站在附近, 真叻叻~

今次上Playgroup, 感覺到小B好開心, 就連站在課室玻璃外的爸爸, 都說小B今次的表現比上次好呢. 

至於老師教他們認顏色, 做指令動作等時, 我絕對相信小B一丁點也學不到, 皆因當老師在教這些時, 小B只顧望著課室外的爸爸嘛, 我想小B應該奇怪何以爸爸不一起進來玩, 哈哈~

最後還有小朋友最愛的Bubble Time, 見到小朋友們一起伸手去捉摸Bubble, 場面真的好好笑.

媽媽我期待在看小B於Little Dream的第二堂表現啊!!

意外收穫

今日一早帶小B上完Playgoup, 再跟中學同學茶聚, 之後閒逛一會就帶小B回娘家喇, 因為婆婆都要帶小B去街街威威嘛, 哈哈!!

那麼既然時間尚早, 我和陳生當然可以去逛逛街拍拍拖啦...

今日逛街收穫有上衣+長外套各一, 多謝老公~ 

而最意外的收穫, 都應該算是這個了...

逛商場時見到Samsung S4做展覽介紹+試用, 人山人海, 陳生又走過去湊湊熱鬧, 突然見有個職員說可免費為我們拍照, 然後打印成扣針送給我們, 可惜美中不足的是欠缺了小B, 唉~

豬手

近這一星期, 小B經常被蚊叮, 繼上星期耳仔一粒, 面一大粒, 頸四粒後, 剛剛才叫算是謝了, 昨天竟然又輪到手手....

今次還一口氣被叮了三口, 結果小手就變成了豬手喇. 

唉...陰公嚕, 一定痕死小B!!  看來雙飛人+止痕液要跟住小B才行啦

究竟何以突然會有那麼多蚊叮小B呢?! 

是因為潮濕天嗎?!

真討厭~

愛心飯仔

平時小B一日幾餐, 都是由婆婆代勞, 但每逢放假, 小B跟我回家, 一日幾餐就要由媽媽我親自出馬啦...

雖然閒時在家入廚煮飯的人是小B爸, 但對於煮爛飯仔...卻竟然考起他. 那麼我廚藝即使再差勁, 也只得為了小B而努力學習嚕.

幸好...小B一向都好給我面子, 每次無論我煮什麼, 小B最少都會吃光一飯碗, 乖囡!! 

今個週末, 媽媽我煮了兩餐, 雖然賣相不討好, 但味道卻大可以接受~

週六食蕃薯菜芯瘦肉爛飯仔 - 蕃薯平時都有蒸給小B當小食, 但撈飯...這回才是第一次, 用蕃薯撈飯仔, 味道甜甜的, 小B好Like.

週日食蕃茄菜芯瘦肉爛飯仔 - 蕃茄本身已經會出水, 但我竟然忘記了, 結果水多了一點點, 看上去感覺有點像粥仔, 但味道卻不錯呀, 幸好小B依舊把它清掉.

每次當小B把我煮的東西吃光後, 我就會好認真地想...遲些一定要再學多些煮意, 讓我可以煮多些美味的食物給小B吃.  希望媽媽我的廚藝快快可以改進, 令爸爸大跌眼鏡, 嘩哈哈哈~

冒險樂園Iphone App

喂喂喂...用Iphone的你, 有dl這個冒險樂園App嘛?

未dl的就快快dl啦, 因每天用手機玩這個擲彩虹遊戲, 就有機會免費贏得以下獎品...

1. 免費送8個代幣
2. 免費機動遊戲一節
3. 買60個送55個代幣
4. 網上代幣2個

短短幾天, 我和小B爸已經贏了多個代幣啦, 好快小B又可以去丟錢樂園開心開心嚕, 哈哈~

稻香一蚊雞

星期六唔想婆婆辛苦煮足7日飯, 所以姨姨就提議外出用餐喇, 最後選了近近地加平靚正的稻香一蚊雞.

稻香一蚊雞年年推出, 但不知怎的我家及親友們每年都會好捧場架, 每次優惠期間我們光顧的次數都絕對不會少, 但其實一蚊雞真的有那麼好吃嗎?! 

不過既然不是我請客, 我當然不會多多要求啦, 對我而言有得食才是最重要, 哈哈.

一蚊雞 - 這是全晚的焦點, 每枱食客最少Order一隻, 而我們呢...Order了兩隻呀, 勁!!

賣相一般, 味道一般, 勝在$1而已~

同場加映另一國藉的小B... 

大家有無留意到小B學人帶手錶呢?!  這隻Angry Bird手錶是小B爸同事送的, 出奇地小B超愛, 還經常帶著, 每次我們一講靚靚, 小B就會指著手上的Angry Bird.  哎呀...女孩子就是天生愛美嘛.

小B爸幫小B帶錶時的表情, 真是看十次笑足十次, 哈哈!!

抹..抹..抹

星期天, 難得不用回娘家, 又不用湊小B, 那就要襯空檔時做做家居清潔啦!!

雖然平日我都有做清潔, 但由於時間關係, 所以做的都只是表面功夫而已.

近日天氣潮濕, 我最最最最討厭的霉菌又黎困擾我一家啦...  雖然我相信潮濕天氣仍會再來, 但我這個潔癖怪實在忍受不了嘛, 所以還是先把霉菌抹走, 到夏天時再大抹一次.  

如果怕睇完會唔開胃...那就不好向下看啦, 哈哈!!

1

2

3

 

看...未清潔前, 我每日都要望著這灰灰黑黑的天花板, 真的想死.

雖然清潔後還是灰灰的, 但起碼不會令我反胃囉. 

唉...究竟要怎麼樣才可以解決我們這一家每年都遇上的霉菌問題呀?!  (難道真的要重新油油才行嗎?!)

i-angel

繼Mothercare Hipseat後, 今次買了勁多人讚好的i-angel!!  i-angel有分雙肩和單肩兩款, 而小B已經大個啦, 加上我們大多數時間都會拆去肩帶只用Hipseat, 所以買單肩款就已經足夠, 至於價錢方面, 兩者大概相約四百元左右, 當然雙肩那款會貴些啦, 而這個單肩款則需$560而已.

買完馬上試用, 小B爸讚好好用呀...  所以即使貴點都是值得的!!     

<產品介紹>
適用年齡：3至36個月

載重：3.5 ~ 20公斤- 成人適合腰圍：72 ~ 112cm- 獨特設計，能有效矯正成人使用揹帶或手抱嬰幼兒的不良姿勢，將寶寶的重量同時分佈在成人的雙肩和腰上，大大減輕成人的脊椎和盆骨的負荷。同時座椅設計亦令 寶寶坐得舒適，把寶寶的重量平均分佈，不會阻礙寶寶雙腿的血液循環及減輕寶寶脊骨所受的壓力- 肩帶和腰帶由高密度海綿墊製造，透氣舒適

適合不同成長階段的寶寶使用

可揹帶連座椅使用 或 獨立腰帶座椅使用

可以側面抱、前面抱或寶寶向前看等多樣姿勢使用

揹帶面料100%全綿製造

韓國製造

原本打算月尾去澳門時帶BB車, 但買了這款Hipseat後, 小B爸話唔帶啦, 那麼到時就要辛苦小B爸你啦, 哈哈~ 

同場加映兩父女試用新Hipseat合照...

小B媽: 小B...你跟爸爸在打功夫嗎?! 

遊公園

某星期五姨姨放假, 跟馬仔哥哥一起帶小B到公園玩, 其實姨姨真的好錫小B呢, 每逢有空都會帶小B周圍去, 而哥哥則經常帶著大相機幫小B拍照, 真抵讚!! 

現在小B去得最多的地方, 應該都非公園莫屬了.

例牌第一樣玩Sir滑梯, 不過小B好唔聽教呀, 經常要由下面行上去, 每次都要抱走她, 真惡攪.  媽媽要再好好教你先得啦...

小B: 你地唔俾我行上去, 咁我唔玩啦, 我要去玩個樣...

小B: 哎呀...吊腳添, 不過我一樣照玩, 等我大力搖搖搖先~

小B: 哈哈...玩搖搖板, 無難度啦, 因為我無畏高嘛, 你睇我幾得戚!

小B: 姨姨..姨姨, 有人偷影我呀.

姨姨: 小B乖, 你乖乖笑一下俾佢影張相交差啦...

小B: 好啦好啦, 笑一下咁多啦~

小B: E...唔知呢條柱, 可唔可以跳Pole Dance呢?

小B: 哥哥, 你抱我坐呢度, 安唔安全架, 我好驚會跌跌呀, 跌倒好痛架.  你不如抱番我落地啦...

小B: 姨姨, 我今日真係玩得好開心呀, 多謝你同馬仔哥哥帶我出黎玩, 如果唔係我今日就要係屋企做呆呆豬, 同婆婆你眼望我眼啦.

 小B: 拿..我宜家返屋企, 你地唔好再跟住黎啦, OK?!