Happy Halloween

各位叔叔姨姨哥哥姐姐們...萬勝節快樂!!

小B被豬姑姐整古, 一戴上假髮後, 突然變得含羞答答的模樣~ 

快圖美優惠

早前朋友告知快圖美有以下這個優惠...

http://www.fotomaxonline.com/promote.asp?lang=tc&page=222

沖曬A3海報只需10個大洋, 即使連過膠亦只需20個大洋而已, 真的好優惠呀~~~~~~ 

剛好見之前到Studio拍的那輯相沒有沖灑出來, 所以就索性找張全家幅來沖曬喇.  順道再找張小B可愛造型照沖曬作海報送給婆婆, 希望婆婆喜歡, 咔咔!!

Hayden 1 year old Birthday + Early Halloween Party

今日帶小B出席Hayden一歲生日會...大朋友們則順道提早預祝萬勝節.  不過今次要湊著小朋友的爸爸媽媽, 則未能跟朋友們一起扮演魔鬼嚇小朋友啦.     

小B爸媽的一班傻朋友們...

其實Party晚上6時半才開始, 不過我們一早就到了珀麗灣, 因Party開始前, 我們都想帶小朋友到Playroom玩玩, 好讓他們玩些適合他們的玩意嘛.  可惜主角Hayden因打預防針後發燒而未有去Playroom, 起初小B亦因未夠訓而有點呆滯, 幸好最後都玩得開心. 

玩了近一小時, 我們是時候要到Party House參加生日會啦!!

登登登登...主角Hayden出場...

一開始Hayden確實有少許疲態, 不過一有得玩, 好快就生猛起來, 乖~

姨姨我祝Hayden BB生日快樂, 身體健康, 快高長大, 精靈活潑..

兩隻豬仔在交流中...好可愛呀...

小朋友們合照...感覺好像幼稚園集體活動, 好得意. 

未人齊的大合照...   (鏡頭以外, 其實還有好多大朋友在拿著相機為我們拍照, 哈哈)

致送生日禮物時刻...希望Hayden BB鐘意我們為他挑選的數份生日禮物啦. 

特別多謝Hayden媽媽邀請我們出席是日Party, 我們這一家都玩得好開心呢~~~~~~~~

準備換季

聞說下星期天氣會稍降, 氣溫大約趺至19-22度.  所以我都開始幫小B做好換季準備啦.

我的所謂準備...並不是為小B添置大量冬裝, 而是將所有朋友轉贈而今年又合身穿的衣服都洗一次而已...結果小B今季的冬衣足以夠她做時裝表演有餘呀, 多得好誇張呢.

雖然朋友所轉贈的二手衫已足夠小B穿整整一個寒冬, 但有時...媽媽我都會忍唔住手, 想再多買一點.  今次行過H&M, 就入手了這條長褲喇. 

幸好媽媽在適當時候還是理智的~~~~~~ 

去郊外探親

話說我大表舅父的小囡兒於10.1國慶當天出世啦, 最後經大人們左約右約之下, 終於約好今天齊齊出發去探B喇.

其實我跟這班郊區親戚, 一點也不熟絡...  小時候見面時, 還可以跟他們好快混在一起, 玩得攬作一團, 因為當時年紀少嘛, 而且表兄弟姊妹們年紀又相若, 不過那些都已經是小學年代的事了.  自十多年前我的姨公姨婆不在世之後, 我們這班市區親戚跟那班郊區親戚見面次數則由每年一次變成了幾年, 甚至有喜事才見一次, 所以即使昨天十多廿人走在一起, 我跟他們還是沒兩句, 因為我跟他們真的近十年都沒什麼交流可言嘛. 

幸好今次有陳生和小B出席, 我才不至於悶壞.  所以我經常都話...只要有小B, 到處就會有歡樂.

.

草猛森巴大戰軟硬Fans演唱會

超級期待ing~~~~~~~~~~~ 

媽媽生日飯 @ 金山

每年十月中旬, 就是我媽和契媽的生日, 所以兩家人通常都會相約一起外出晚膳慶生.

今年我們就選了金山喇...吳松街這間金山, 出名人頭湧湧, 即使預訂了枱, 還是要等, 幸好今次我們選了星期一, 而且訂了7點, 可能時間尚早啦, 所以好快就有位了.  (還記得前年, 又是我媽和契媽的生日飯, 訂枱後仍要等位近一小時, 最後只好被迫放棄, 轉食日本菜)

點菜時, 我們叫侍應哥哥介紹了好幾道招牌菜, 有些合我們口味, 有些則不合, 所以不是每道招牌菜都有點來試.

是次晚飯, 我們就點了9道菜, 其中豉油皇炒麵因是後加, 所以未有拍照.

至於以下8道菜中, 我最愛的就是炒蟶子和蝦多士喇...

若然再有機會來, 一定要點算勁多朋友推介的椒鹽瀨屎蝦啊.  朋友們說我和家人今次沒試, 真是一個損失.  看他們說得那麼認真, 下次定必要試啦, 哈哈~

掉錢樂園

無神神走進掉錢樂園, 雖然今次已不是小B的頭一次, 但她的興奮度卻比上次更甚~~~ 

原本沒打算花錢買幣玩, 不過當小B見到有小朋友在射籃球時, 情緒非常非常高漲, 所以我們就決定買些幣來玩, 等小B可以繼續興奮一下喇.

當小B姨姨, 小B舅父在投籃時, 她甚為肉緊的在旁邊望著大叫, 到姨姨把籃球遞過給她時, 更開心得笑不攏嘴呢

雖然小B仍未識玩這些遊戲, 但只要去到那麼吸引的一個地方時, 她的興奮度絕不少於我們啊!!

Welcome Lunch

今日跟新同事食Lunch聯誼一下, 同事選了這間798 Unit & Co, 果然沒介紹錯, 食物環境都好一流, 只是服務欠奉吧...

我們提早出門, 未夠1時正就到達了餐廳, 嘩...竟然得小貓三四隻, 整頓午餐未見有新顧客走入, 奇怪奇怪!

經同事介紹下, 我點選了Risotto, 對於向來不太好西餐的我, 都覺得不錯啵. 

雖然份量少少, 但因為好creamy, 再加上又有不少巴馬臣芝士碎, 所以還未吃光整碟就已經感覺有點"漏", 至於味道方面都算濃郁, 是我喜歡的重口味, 哈哈. 

其實以$70食個set lunch, 有餐湯, 有餐包, 又有甜品, 於尖沙咀區來說, 算是不錯的選擇, 所以遲些我們會再來光顧, 呵呵.

Big Gate Crab

一年一度大閘蟹宴時間又到啦, 去年因懷著陳小B, 所以有得睇無得食, 今年...當然要又睇又食啦!!

其實以前向來都沒有食大閘蟹的習慣, 只是自3, 4年前的一次, 朋友北上工作時帶了一大蘿大閘蟹回來, 剛好那時我和陳生新居入伙, 所以就提議到我家攪個大閘蟹宴喇, 自此每年一到這個月份, 我們就會安排食蟹嚕.   老實說起初我都只是湊湊熱鬧而矣, 對大閘蟹並不感大興趣, 但現在我已經深深愛上"它"啦. 

今次友人挑選了50個大洋一隻的大閘蟹, 蟹膏好黃, 好多, 簡直令人回味...

私家波波池

朋友轉贈的帳篷式波波池, 我終於開了給小B玩啦, 不過媽媽我懶得把全部波波清洗乾淨, 所以只放了數十個出來, 畢竟這是小B頭一次玩嘛, 所以我絕對有理由相信, 即使數十個波波都已經能夠滿足她...

未知是否帳篷式的關係, 小B用了好一陣子時間才適應到這個波波池, 而且進出波波池時, 都要爸爸/媽媽陪伴左右!!

最後當小B玩得高興之際, 我們靜俏俏地走了出來, 結果...惦呀...你看小B幾開心, 哈哈~

可惜好快小B就跟我們爬了出來, 只敢坐在帳篷外玩.   

希望玩多幾次之後, 小B會愛上這個波波池, 更加可以獨個兒在玩, 不用像膠布一樣痴實我們啦~

爬行比賽

剛剛於BK見到Oxford Path舉辦小天使爬行比賽...小B媽我二話不說就幫小B報名了! 

參加目的, 純粹是想帶小B去玩玩而矣, 完全未敢多想她會勝出, 因為小B是個極野性BB, 只要有少訐誘惑就已經未能專注於一件事上, 再者到時將會有那麼多BB同場, 她一定爬兩步就逃走去撩別的BB玩了, 呵呵. 

不過這也是一個經驗呀, 所以我好想小B可以參與一份.

 

詳情可瀏覽: http://www.oupchina.com.hk/evt_img/op-angelween2012-web.html

有興趣的你, 快快幫BB報名, 到時一齊去玩下啦. 

9m

今日已經9個月大啦...

媽媽祝你日日都開開心心, 健健康康!!