2015年8月31日 星期一

我是K1生

28.08.2015

轉眼間, 13日嘅暑假話咁快就完結, 今日小B已經成為K1學生啦!!
雖然我哋唔係第一次返學, 但始終轉咗新學校, 所以媽媽心情一樣好緊張, 相反小B就好淡定, 只係有D期待.  ^^ 

今日係新生適應日, 由媽媽陪同返學一小時, 由於未有校車接送服務, 所以預早少少出門, 結果返9:00嘅我哋, 8:25就已經去到學校啦, 好彩學校附近有公園, 所以唔洗企門口等.
不過有個小朋友個心一早就已經飛咗返學校, 所以玩唔夠5分鐘就話要走, 叫我快D帶佢返學, 最後媽媽帶佢去附近超級市場行個圈, 終於都到學校開門時間!

見到呢個小朋友咁鍾意返學, 媽媽真係好開心, 好欣慰~
有返開N班嘅小B真係比無返N班嘅小朋友叻, 雖然陌生環境, 但小B一D都無怯場, 入學校之後仲好乖咁聽從老師指示, 而上集體活動時, 小B又會主動舉手, 難怪兩位班主任放學時已經記得小B個名, 唔洗睇名牌啦, 哈哈~
一小時好快就過去, 我哋開開心心又放學啦!!

放學前仲派咗新書包, 小B話個書包好靚喎.
今日除咗返學玩得開心, 另外最開心嘅當然係我哋已經識到新同學仔啦, 至於媽媽都好快咁俾人踢咗入谷添啵, 不過咁...媽媽事前已經好希望可以快快被踢入谷架喇, 所以見到呢班家長咁主動踢我入谷, 媽媽都一樣好開心. 
作為在職媽媽, 希望往後一年可以從這班全職媽媽口中得知學校更多最新最快嘅消息啦, 哈哈~





我們的Facebook專頁 - 小b與妹妹b之成長日誌

2015年8月25日 星期二

私家水池

炎炎夏日唔想出街, 好彩仲有個地方可以玩水消暑!!  ^^

係咪好奇想知點解得咁少水呢?!

係呀, 因為妹妹岩岩喺水池開大嘛, 所以再換過水時只係開咗少少水咋.

你睇我家小B幾梳乎...
 有得玩就當然開心啦...
突然o靚模上身...
囡呀囡, 你受刺激了嗎?!
玩水水真係好鬼爽...
自從有個私家水池後, 倆姊姊真係日日玩水玩唔停.





我們的Facebook專頁 - 小b與妹妹b之成長日誌

2015年8月24日 星期一

妹妹B 18個月 @ 健康院

光陰似箭, 轉眼間又過了半年時間, 今日妹妹又係時候要返健康院檢查+打針嚕.

第一次約期約星期六, 竟然比平日少人, 總之一早知道星期六唔洗等太耐, 之前每次打針都揀星期六啦, 真係浪費晒媽媽嘅假期呀, 唉~

好啦, 等妹妹話俾大家知今日有幾叻豬啦...

今次大個女, 唔需要再上BB磅, 可以用企磅.

體重: 10.5kg

下...我竟然可以由出世時嘅細碼B變為中大碼, 我有無聽錯呀!!

(証明妹妹呢個胃食B, 絕對係無浪費食物架, 因為佢真係會長肉囉, 哈哈~)
今日姑娘都係問一D日常飲食習慣, 仲讚我食得多, 叻過家姐添啵.  之後就俾幾粒積木我叫我疊高高, 不過我好硬頸架, 人哋越叫我做我就偏唔做, 但我見媽媽疊又好似幾好玩, 所以就自己拎黎疊喇, 點知俾姑娘發現我疊到仲讚我呢.

至於講嘢方面同家姐當年差唔多, 都係一D簡單疊字之類囉, 但係姑娘見家姐4歲時要再返健康院, 所以就叫我2歲時都順便一齊返黎睇下會唔會識得講更多喇.

簡單嘅發展評估快速完成, 接住我就要等打針啦...

等叫名打針時, 我有DD緊張添, 不過我好叻完全無喊架, 仲犀利到一出打針房就叫媽媽搣走塊紗布.
 嘻嘻...媽媽話獎勵我打針無喊, 所以請我食糖糖.
今日最叻豬係...我!!  ^^
雖然打針叻, 但係我身體就唔多叻, 因為夜晚竟然開始低燒呀, 嗚嗚嗚嗚!!  慶幸嘅係我燒得黎都仲好精神, 所以大家唔洗替我擔心.

好啦, 遲D我再黎同大家分享我嘅成長啦, 再見~





我們的Facebook專頁 - 小b與妹妹b之成長日誌

小B成長3歲7個月之Hae爆健康院評估

可能大家都會問, 點解小B 3歲7個月都仲要返健康院做評估?

放心...小B今次返健康院做評估純粹係個人要求, 並非小B發展方面出現大問題.

其實之前喺學校開家長會, 老師叫我4歲帶小B返健康院驗眼時, 順道叫姑娘試下幫小B約期去做言語評估, 不過我知政府排期一向好慢, 所以見咁岩妹妹要返健康院打歲半針, 就提早幫小B約返健康院見姑娘, 看看可否幫忙早點排期喇.

每次返健康院指定動作, 量體重, 見姑娘...

體重: 14.7kg

大小肌肉發展評估: 叫小B扭樽蓋 @@"
(這些基本日常生活小動作, 我想連我家妹妹都能夠做到吧!!)

言語評估: 叫小B數1-10
(當數完1-10後, 姑娘就話小B發音無大問題, 起碼未有將3講為擔, 所以未能幫忙轉介約去做言語評估, 假如媽媽真係擔心, 到4歲時再返健康院見姑娘時再看看有否轉介嘅必要) 
 
好彩今次係帶妹妹返健康院打針順道見姑娘, 否則真係浪費時間~
大個女, 越黎越識擺Pose, 哈哈!!





我們的Facebook專頁 - 小b與妹妹b之成長日誌

2015年8月20日 星期四

同學仔聚會 @ Kiddleland

前陣子見Kiddleland做團購, 只需$99就可以玩足全日, 有得玩當然馬上相約朋友仔一齊去玩啦, 今次我哋約咗小B嘅幾位要好同學仔, 大家一放暑假就齊齊出動去玩啦, 由11點玩到4點...小朋友們都玩得好開心好盡興呢!!

Playhouse往往最吸引小朋友嘅地方, 唔洗問一定係波波池啦...
(唯一一張有齊5個同學仔但睇唔到樣嘅齊人合照 ^o^)
媽媽亂影一通, 影到樣已經算好好, 因為佢哋實在跑得太快, 玩得太顛...
其實呢個場真係好多野玩, 仲有各式各樣工作坊職業扮演等, 不過全部都係自助式...

小B: 我有型嘛?!
應該係暑假關係, 午飯後開始變得超多人, 而且亦有部份較大嘅小朋友唔太守規矩, 所以之後我哋大人都睇得比較緊, 反而早上人未係太多時, 就可以俾佢地放任咁玩, 但總結今日係開心嘅~

希望你哋幾個小朋友嘅友誼可以一直Keep落去啦, 媽媽們會努力再約玩其他活動架!!  ^^





我們的Facebook專頁 - 小b與妹妹b之成長日誌

2015年8月19日 星期三

PN班生活之完結

14.08.2015

終於都去到學期最後一日啦, 雖然係好唔捨得, 但既然已經另有選擇, 那就只好繼續走我們該走的路吧!!

今日媽媽親自接放學, 順道買兩盒近期好Hit嘅半熟芝士蛋糕給老師們作為答謝, 小小意思... 希望大家都喜歡.  另外今早小B返學時已經親手送上Thank You咭給班主任(李老師), 希望李老師會記住我哋小B啦.  小B呢一年真係好喜歡李老師架, 李老師話小B有時會開心得主動錫佢添啵, 哈哈~
放學啦, 跟同學仔們影張相留念先......不過因為唔係個個小朋友都會轉校, 加上好多同學仔都會係嫲嫲, 婆婆或姐姐接放學, 見佢地個個趕住走真係唔好意思捉住人哋影相, 所以只係同咗幾個同學仔影相留念咋.  :p

這是小B最要好嘅朋友仔, 每次活動都糖痴豆一樣, 就連喺學校都經常孖公仔般手拖住手一齊坐架, 連老師們都話佢兩個好似孖公仔, 哈哈~
另外兩位好朋友~
小B知道今日最後一日返救世軍, 放學時竟然玩到唔願走囉, 不過大家都明白嘅, 所以就尤得他們吧!!

近期熱愛睇圖書, 全因有賴學校嘅影響~
 兩個係枱底唔知攪乜東東~
同好朋友分享食物~
喺湊放學嘅短短個半鐘裡面, 全程都只見到你燦爛嘅笑容, 媽媽真係快將被你溶化啦~
再黎跟老師們影相留念...

班主任 - 對小朋友超有愛心之餘仲好幫得媽媽手, 每次媽媽喺湊小B方面遇上問題時, 李老師都會逐一幫我解決, 真係好多謝你呀!!

相信小B比之前變得乖巧, 或多或少都是受李老師影響吧~ 
楊老師 - 好善良好有愛心嘅一位老師, 小B開學初期最鐘意跟住佢, 每當小朋友喊, 楊老師就會出動氹佢地, 所以楊老師好得小朋友歡心架.
以上呢兩位老師, 相信應該係小B最多接觸嘅兩位老師, 至於校長, 主任及其他幾位老師合照就唔逐一放喺度啦.

今日分別聽到校長, 主任及老師們嘅話後, 我對小B轉校後嘅能力信心都大大增加, 原來一直都只係媽媽自己過份擔心, 其實小B並非我想像中唔惦架, 哈哈!!

明明放學時間係4:30, 結果我哋都留到6:00先走, 期間喺呢間咁充滿溫情嘅學校裡面, 大家都傾到眼濕濕...

兩個要轉去新學校嘅小朋友, 你哋一定要加油努力呀~
小B:  我的PN班生活就此完結, 好快我就升上K1做姐姐, 哈哈!!





我們的Facebook專頁 - 小b與妹妹b之成長日誌

為未來而安排嘅儲蓄保計劃

自從我哋由兩口子家庭變為三口子, 再變四口子之後, 家裡開支真的有增無減,而且倆姊妹又開始大, 洗費已經不只限於奶粉尿片上, 有見及此我覺得係時候有需要做多一份儲蓄保險計劃啦, 為日後倆姊妹讀書上興趣班, 補習班等做多點準備, 而且媽媽我話過希望每年至少全家人去一次旅行嘛, 但一家人去旅行開支真係好大, 所以都希望可以盡量多儲蓄, 而現今銀行儲蓄又無利息(有跟無沒分別), 所以就開始留意一D儲蓄保險計劃喇. 

既然早前家居保已選定買富衛, 今次一想到再買儲蓄保時, 當然亦都會先留意富衛啦~

剛剛見富衛推出咗一個首創零收費自助息理財壽險計劃, 以儲蓄為重點, 首三個保單年度內更提供保證年利率, 又不收任何費用, 係咪好著數先.  計劃亦可以隨時提取戶口價值以內嘅金額, 以應付不時之需, 真的相當吸引呢...

富衛儲蓄保險最大特點:
- 保費一筆過繳付
- 最低供款金額: HKD 30,000
- 最高供款金額: HKD 400,000
- 提款次數: 沒有限制
- 最低提款金額: HKD 1,000 
- 最高提款金額: 提款後之戶口價值不可少於最低戶口結餘
- 最低戶口結餘: HKD 3,000

如果你搶唔到iBond又想搵一D穩陣而有著數嘅儲錢方法, 又或者係唔得閒睇住個市, 不妨去富衛網上投保平台睇睇, 考慮一下呢個計劃!! 

為咗倆姊妹, 爸爸媽媽只好為未來多作準備啦~ 

如果想了解多D, 可以上富衛網站睇睇:





我們的Facebook專頁 - 小b與妹妹b之成長日誌

2015年8月17日 星期一

CATALO健康食品

自從小B去年開始返學之後, 生病次數真係多到十隻手指數唔晒, 由最初一個月睇兩至三次醫生, 到宜家平均兩個月睇一次, 雖然已經叫有進步, 但做媽媽嘅當然唔會想小朋友病啦, 所以我覺得應該要揀D健康食品俾小B試試...增強一下抵抗力.

可惜媽媽一直都只係想而未有行動, 因為唔識揀囉, 幸好喺呢個時候, 收到PR姐姐送上嘅一籃CATALO健康食品, 等我, 小B同妹妹都可以試食, 真係好開心呢!!  ^^
首先出場介紹一下兒童藻油DHA奧米加3軟糖.
美國家得路兒童藻油DHA奧米加3軟糖選用專利高純度life’sDHA™天然微海藻植物DHA精華,確保無任何海洋污染物及魚腥味, 此成份更被美國食品及藥物管理局(FDA)認可為安全食品,有助兒童腦部和眼睛健康發展。加入提取自天然奇異籽油,有助兒童健康成長。每食用份量含134 毫克奧米加3,42毫克奧米加6,13毫克奧米加9及50毫克DHA。全植物成份天然純淨,無任何人造調味及色素,不含魚類、花生、奶、蛋、大豆、麩質 等,敏感體質的兒童也可安心食用,特別選用天然檸檬和香橙味,易於咀嚼,美味又有益,小朋友必定愛不釋手!

主要功能:
促進腦部發展,頭腦更聰明,IQ更高
促進眼睛發展,視覺更敏銳

主要成分:
天然奇異籽油,高純度藻油植物DHA精華

食用方法:
2歲兒童:每日3粒
3-5歲兒童:每日2次,每次3粒
6歲及以上兒童:每日3次,每次3粒
相信大家都應該記得我成日講, 小B係好鐘意食糖嘅小朋友, 但食得太多糖真係唔好嘛, 所以以後每當小B話想食糖時, 我就可以用呢d軟糖代替啦, 哈哈~
然後到妹妹有份試食嘅DHA藍莓忌廉魚油.
妹妹問: 媽媽你影完相未呀, 快D開俾我試啦~
我唔等你啦, 我自己拆盒先...
美國家得路兒童DHA藍莓忌廉魚油特選優質天然無污染深海魚,採用嶄新先進科技,製成高純度、高濃度的奧米加3深海魚油精華。每包DHA藍莓忌廉魚油配方 提供200毫克DHA和50毫克EPA精華,此高 DHA 4:1 EPA比例 配方專為小朋友設計,能促進DHA吸收,為腦部及視力發展提供優質營養,提升學習所需的專注力、記憶力、觀察力和解謎能力,令頭腦更靈活,視覺更敏銳,小 朋友自然醒目又精靈。忌廉魚油配方吸收率比一般魚油高60%,更不含重金屬或有害物質,純正天然。採用木糖醇無糖配方,更無添加蔗糖,保護兒童牙齒健康, 不會引致蛀牙。便攜式的獨立包裝設計,讓小朋友隨時隨地可以即開即食,更絕無魚腥味,獨有天然藍莓味,香滑可口,讓小朋友一試愛上,亦可塗搽在麵包或餅乾 上成為美味小食,簡單、方便又健康。

主要功能:
促進腦部靈活發展,展現資優天賦
促進視覺敏銳,提升觀察力
提升記憶力及解謎能力
提高集中力及情緒智商(EQ)
改善易敏體質

主要成分:
高純度及高濃度深海魚油精華

食用方法:
1-2歲:每天半包
3-11歲:每天1包
12歲或以上:每天2包
冷藏後食用口感更佳。可於任何時間,撕開包裝後直接食用,或加進食物或飲品中食用。獨立包裝開封後請立即食用
 
為咗容易入口, 我選擇加入食物中俾倆姊妹試, 不過妹妹實在食得太Dirty啦, 攪到有潔癖嘅媽媽我掛住清潔而忘記影相.  ~.~"
第二日我再將一包魚油混在乳酪裡俾小B做下午茶, 結果有人心急得在廚房馬上搶食!!
講起健康產品, 一直最想俾小B試用嘅就係益身菌, 因為自小B大個女後 (唔記得由幾時開始), 已經唔再係每日一便啦, 雖然有時都會係每日一便, 但大多數都係隔日才有一便囉, 嚴重時更加試過幾日才一便呢, 所以我想這個兒童益身菌強健配方, 應該都蠻適合小B試用吧!!
美國家得路兒童益生菌強健配方
父母最擔心孩子的便便問題,因為便秘會引起腹痛及排便不適,影響寶寶的營養吸收及整體健康。美國家得路兒童益生菌強健配方選用獨特益生菌BLLA配 方,含有兒童需要的嗜乳酸桿菌及雷特氏菌,配合天然纖維果寡醣(FOS),100%純天然,經臨床測試能為一個月以上幼兒腸道製造更健康環境,調節腸胃健康。
BLLA配方能有助保持腸道益菌平衡,抑制害菌生長,促進腸道蠕動,解決腸道熱氣及過敏不適,減少毒素積聚吸收,紓緩偶發性便秘或腹瀉等問題,實驗 證明可以改善幼兒易敏肌膚問題,並增強免疫力,改善身體健康。市面上一般同類型產品的益生菌數量及其活性會因為長期貯存於室溫而嚴重流失,兒童益生菌強健 配方則採用了美國威斯康辛大學專利活性科技,能有效保存益生菌於室溫的數量及活性,發揮最大效用。
美國家得路兒童益生菌強健配方無添加糖及防腐劑,以獨立膠囊包裝,方便衛生。孩子便便暢通,吸收好,自然免疫力好。

主要功能:
保持腸道益菌平衡,抑制害菌生長
幫助排便,紓緩偶發性便秘或腹瀉
增強腸胃抵抗力,提升免疫力
促進消化系統健康,減少毒素積聚
改善腸胃及紓緩易敏肌膚

主要成分:
BLLA天然活性益生菌配方(嗜酸乳桿菌,雷特氏B菌), 果寡醣(FOS)

使用方法:
1-6個月幼兒:每天半粒
6個月至2歲兒童:每天1粒
3至5歲兒童:每天2粒
6歲或以上:每天2次,每次2粒
請於餐後服用
可直接食用;如幼兒不能吞服膠囊可打開膠囊將益生菌粉末加入各類飲品、食品中(如常溫或冰水、牛奶、果汁等)(建議以40℃以下溫度沖製以保持益生菌活性),拌勻後飲用

基於藥丸理由, 小B一定會好抗拒, 所以我快快手就將膠囊拆開放入杯, 然後再沖奶俾小B飲, 結果小B飲完都唔知, 哈哈~
最後終於都到媽媽最愛嘅...高鈣有機燕麥奶啦, 真係岩晒媽媽喺公司做早餐啊.
美國家得路高鈣有機燕麥奶採用優質非基因改造全麥及獲澳洲頒發有機認證的燕麥製成;燕麥或有助於穩定膽固醇,保持心腦血管健康,亦有助腸道蠕動及減輕偶發性便秘。加入卵磷脂和黃豆,更增加穀物的風味及營養。淡淡的麥芽香及燕麥穀物,同時給您豐富口感及飽肚感。高鈣有機麥奶含有豐富鈣質及每食用份量(30)含75毫克葡萄糖胺,有助保持骨骼及關節健康,
適合不同年齡人士及素食人士天天食用。

主要功能:
或有助於穩定膽固醇
保持心腦血管健康
有助腸道蠕動
有助保持骨骼及關節健康

主要成分:
澳洲認証有機燕麥(非基因改造)、全麥(非基因改造)、植物
奶、糖、黃豆(非基因改造)、碳酸鈣、卵磷脂、葡萄醣胺(此產品
含有麩質的穀類、花生、大豆、木本堅果及堅果製品)

食用方法:
3湯匙高鈣有機燕麥奶加入150毫升熱水攪拌,即可飲用
未試過這款燕麥奶前, 我習慣每朝早飲一盒燕麥味鈣思寶, 但自從試過CATALO高鈣有機燕麥奶後, 每朝早餐我都必定會沖一杯, 因為好味又健康嘛, 比起麥皮不至於啖而無味, 對我來說味道亦算剛剛好, 結果一試就愛上!! 
至於以下兩款脆脆燕麥, 我選擇放喺公司做小食, 因為平時我喺公司真係由朝食到黑架, 所以健康小食就最岩我喇.

左: 藍莓果仁及四籽脆脆燕麥
右: 小紅莓櫻桃果仁脆脆燕麥
藍莓果仁及四籽脆脆燕麥精選優質原片燕麥製造,含豐富的膳食纖維,有益心臟及腸道健康;香脆可口,加入天然乾果及果仁,多款口味可供選擇,包括香蕉果仁、小紅莓櫻桃果仁、藍莓果仁及四籽,是一家大小的健康之選。

主要功能:
含豐富的膳食纖維
有益心臟及腸道健康
不含反式脂肪
不含膽固醇
不含防腐劑
不含氫化油
不含高果糖玉米糖漿及人造香料 

主要成分:
原片燕麥,藍莓乾,蘋果乾,杏仁,胡桃,亞麻籽,南瓜籽,芝麻,葵花籽 

食用方法:
將1/3杯(約30克)藍莓果仁及四籽脆脆燕麥,加入牛奶或乳酪中食用
可作日常小食,或拌入沙津或麥皮中,更覺美味可口

小紅莓櫻桃果仁脆脆燕麥精選優質原片燕麥製造,含豐富的膳食纖維,有益心臟及腸道健康;香脆可口,加入天然乾果及果仁,多款口味可供選擇,包括香蕉果仁、小紅莓櫻桃果仁、藍莓果仁及四籽,是一家大小的健康之選。

主要功能:
含豐富的膳食纖維
有益心臟及腸道健康
不含反式脂肪
不含膽固醇
不含防腐劑
不含氫化油
不含高果糖玉米糖漿及人造香料

主要成分:
原片燕麥,小紅莓乾,櫻桃乾,杏仁,胡桃

食用方法:
將1/3杯(約30克)小紅莓櫻桃果仁脆脆燕麥,加入牛奶或乳酪中食用
可作日常小食,或拌入沙津或麥皮中,更覺美味可口
 
CATALO





我們的Facebook專頁 - 小b與妹妹b之成長日誌