今日我哋約咗一大班朋友仔一齊去郵輪碼頭玩......水, 今次真係要多謝艾菲嘅介紹, 郵輪碼頭個噴泉廣場真係好正呀, 玩到個個小朋友都唔捨得走, 下次放假我一定要捉埋爸爸帶倆姊妹再去玩過先得!!
為咗避開猛烈嘅太陽, 我哋約咗4點後喺公園等, 好彩去到小巴站時遇到Cathy, 如果唔係去到我應該會迷路, 因為嗰度實在太大啦, 雖然郵輪碼頭公園又大又正, 但如果唔揸車去真係有少少唔方便架, 夜晚走時如果唔係Cathy Call到的士, 我都唔知點走好, 你知啦...玩咗咁耐, 小B又無瞓晏覺, 萬一搭車時小B瞓咗, 我就會好論盡嘛.
喺等埋其他朋友仔黎到一齊玩水之前, Cathy又幫大家影靚相. ^^
原本我同Sammi見小B同巨龍不約而同著埋同一款鞋, 真係好想叫佢哋影張合照, 只可惜...巨龍實在太活潑啦, 完全停唔到落黎企定定影相.
巨龍真人好白好滑, 如果我D皮膚有佢一半咁就太好啦, 哈哈.
有時媽媽我都覺得自己幾Hae架, 每次出街都可以唔幫倆姊妹準備玩具同零食, 好彩當大家吹Bubble時, Cathy有多支Bubble水, 小B先可以一齊玩... :p
唔記得由幾時開始, 原來小B已經學識吹Bubble...
好啦, 差唔多齊人, 小朋友都急不及待要去玩水啦...入到去大家好快已經玩到忘我境界.
其實我哋都係第一次咁樣玩水, 你睇...小B玩得幾開心.
(我好鐘意呢幾張玩水相, Cathy影得好靚呀)
玩完水換好衫, 大家又再玩下Bubble, 玩下汽球, 不過小B明顯開始無電, 變得有少少呆啦.
一支Bubble槍, 終於令佢有番少少衝動去玩...
出黎玩, 當然唔少得影大合照啦~~~
其實我知小B已經好攰, 所以本來都打算返屋企, 但小B又話想同小朋友一齊食飯, 見佢今日表現幾好, 所以我就同大家食埋飯先走喇.
臨走前踩草地...
今日真係玩得好開心呀, 期待下一次跟大家再聚啊!!
我們的Facebook專頁 -
小b與妹妹b之成長日誌
Cathy影的相真係影得好靚喎!
回覆刪除係呀, 佢本身已經影得靚, 仲要同大師上過堂, 真係不得不讚, 哈哈~
刪除Cathy影得好，小b又靚女！
回覆刪除尋日都無機會同包包玩添, 我地係咪約食lunch者~~~~ ^^
刪除巨龍真係好白淨!
回覆刪除可惜我地有事要早走，原來你地去了草地影相，影得好靚呀！
係草地影左幾張咋, 下次再玩過 ^^
刪除好好玩呀！ 有咁多個小朋友一齊玩，點都開心呀！
回覆刪除肚b 媽確係勁，唔知幾時授課呢，嘻嘻
俾佢地同多d同年紀嘅小朋友一齊玩真係好開心~
刪除小b 好靚女呀，又識望鏡頭，張張都影得好靚女喔 ^^
回覆刪除係啦，其實巨龍都冇午睡，不過一來到公園時佢已經自high 咁走左好多轉，無限精力啊......
巨龍仲要男仔嘛...當然精力無限啦~
刪除小b由細到大都咁靚女，又高，全部似哂媽咪！
回覆刪除e...你咁講我會面紅架, 哈哈~
刪除小B真係可以做毛豆呀, 愛美你要做星媽啦~ hehehe!
回覆刪除無可能, 佢咁怕羞, 一定做唔到毛豆!!
刪除肚b媽影相真係好靚，但都要小b靚，咁先完美
回覆刪除個個都大讚肚b媽, 下次一於叫佢做大會攝影師先得, 哈哈~
刪除我都好鐘意肚B媽張相，仲要小B嘅表情好好，成件事太perfect啦
回覆刪除艾菲影相都好靚丫....你同肚b媽一於下次幫手影大家啦, 哈哈~
刪除小b真係好乖，而且重好靚女添呀。
回覆刪除Btw，肚b媽啲相影得好靚
我決定要叫肚b媽做我地大會攝影師, 哈哈~
刪除小b真係好靚女，似足你呀。
回覆刪除多謝你地咁樣讚佢, 哈哈~
刪除小B真係好少女feel, 好清纯呀！
回覆刪除好老積就真 :p
刪除