2013年8月30日 星期五

重要消息 - Yahoo Blog要摺埋


嘩嘩嘩...Yahoo Blog終於宣佈要關閉了!!


雖然Yahoo Blog會將開放用戶的資料進行備份安排, 備份檔案下載以及備份檔案(輕鬆搬家)等, 但我真的好怕所有資料都會遺失呢...畢竟都叫花了一段時間去寫這個Blog嘛, 而且更不希望跟Blog友仔們失去聯絡, Blog友們你們會怎樣安排呀?  會轉到Yahoo提供新的平台Tumblr使用嗎?

即使這個Yahoo Blog有更多需要改善的地方, 但突然說要關閉就關係, 我好像有點不捨得呢~



Btw若希望可以繼續保持聯絡, 有興趣可先加我fb啊.

肚皮漲大時


上胎陀小B好少拍下大肚照, 今胎反而好想留下紀念, 因為生完這胎後, 我便會正式封肚!!  既然明知是最後一次, 當然想好好留住這些美好回憶啦...

大概今胎是第二胎的關係, 肚子大得比第一胎時快, 不過驟眼看起來, 仍未有人看得出我大肚呢 (除了我已告知的朋友及同事外), 所以上下班乘火車/巴士時, 憂想有人會讓座給我.

不過老公都覺得我的肚子大了很多, 最近叫小B錫錫BB, 小B會隔著我肚皮咀咀他/她呢, 相當惹笑. 

Week 13 - Week 16 (全部都是早上拍下來的, 若然吃飽飽後, 肚子會漲得更加厲害啊)
記得上胎, 好像到了好後期時, 肚臍才稍為凸了出來, 但今次不知怎的, 肚臍已經經常凸起啦, 尤其在吃飽後情況更為嚴重, 但早上醒來時, 肚臍又會平番, 有人知道點解會這樣嘛?!

2013年8月29日 星期四

朋友生日飯 @ 老上海飯店

昨天一行十人為好友Ivy慶祝生日, 是次地點算了位於世紀香港酒店地庫下的老上海飯店. 

聽個名, 還以為是好舊式好舊式的上海飯店, 誰不知我都錯了...

一向喜歡食上海菜的我, 今次要求點了砂窩雲吞雞及咸肉津白, 其餘朋友點了薰蛋, 上海小籠包, 甜醋魚塊, 膳糊, 蔥油餅, 雞絲粉皮及醉雞.

十個女仔, 叫了九個菜, 而且每碟份量都好大, 意想不到的是, 我們不停叫飽, 不停密密食, 最後竟然可以把九個菜都全部清光, 勁呀!!

除了醉雞不夠醉, 薰蛋我沒有試, 其餘樣樣都好好味呀...  遲些找個機會, 帶小B婆婆來試試才行.


好了..又到大合照時間啦~
壽星Ivy, 我祝你生日快樂, 心想事成, 快快生B!! 

多謝你們, 又給了我一個愉快的晚上~

2013年8月28日 星期三

迦南幼稚園

每年8-11月, 都是報讀各大幼兒園的高峰期, 雖則不算怪獸的我, 仍在懶懶閒中, 但有睇我Blog的媽媽應該都知我一幫小B拿了出世紙後, 就已經開始報讀幼兒園了, 大大話話小B剛滿1歲時, 媽媽我已經幫小B報了6間學校啦, 雖然這6間幼兒園都不是什麼名校, 但要在學校少學生多的油尖旺區爭得一學位, 那媽媽我可以做的就只有可報則報, 最緊要快手, 待有學校收小B時再慢慢揀選吧.  (當然我好希望我有這個選擇的權利, 但結果還是要看小B的彩數啊.)

原本迦南於去年取消了學券後, 我已打消了報讀這校的念頭, 但想深一層...其實N班根本就不會有學券, 如果收的話, 最多讀一年再轉校, 反正明年我都會再為小B報讀些較好的幼稚園, 除非我心目中的那兩間心水學校已收取了小B讀N班, 否則都會再搵.
若然你都有興趣幫小朋友報讀迦南, 就要記住以下日子啦....

16.9 ~ 可於網上下載報名表

26.9 - 27.9 ~ 於指定時間親臨各分校遞交表格

善忘的我, 已於公司日曆大大隻字記下了~ 

2013年8月24日 星期六

Home Gathering

原本今日可以參加Blog友安排的全日Play House任玩活動, 可惜前兩天, 小B突然患上感冒, 見她鼻水長流, 因而怕會傳染給其他小朋友, 所以只好被迫取消, 希望好快又再有機會出席Blog友活動啦!!

雖然今次我們未能出席Blog友活動, 但星期六我真的不想一家三口都悶在家呢.  幸好臨急臨忙俾我約到團友仔朋友一家來我家作客, 結果小B在家跟姐姐玩足一日好開心呀...哈哈~

一早起床先來一個招牌笑容迎接新的一天...  等爸爸幫小B換好衫後, 我們就出街食早餐和去街市準備是晚打邊爐用品喇.
朋友一家來了, Warm Up一會兒, 小B繼續用她的招牌笑容來招呼客人... 
其實我真的好喜歡跟朋友一起在家打邊爐或叫到會架, 因為可以慢慢傾慢慢食嘛, 感覺好正好舒服, 但無奈家中地方淺窄, 所以絕少安排朋友來我家. 
(家中小得連飯枱都不夠放食物, 廚房還有一大堆等著我們呢~  )
食飽飽, 來讓親善小姐餵大家食飯後果啦, Sweet Sweet!!
看來大家今日都被小B迷倒了, 要輪流跟小B合照, 可惜小B突然把笑容收起, 好不容易跟姐姐合照時才笑一笑.  (原來小B最愛的是姐姐呢, 哈哈)
爸爸都唔執輸, 又要攬住小B影相...
今 天的Home Gathering, 大家都好開心呀...  團友仔朋友一家更賞面地逗留至11時多才離開, 有人陪小B玩, 又有人陪小B睇DVD, 更有人陪小B唱歌跳舞, 相信最開心的一定是小B, 期待10月跟這家朋友再聚啊!!

2013年8月22日 星期四

一家三口旅行用品清單

嘩..嘩..嘩..究竟是我誇張了, 還是真的有這個需要? 

於其他媽媽的旅行Check List中稍作修改後, 我家大小的旅行用品清單馬上變得水蛇春般長.  (大家看後有否傻了眼呢, 哈哈)

向來小心+細心的我, 最怕去旅行時帶漏東東, 所以每次都只會帶多不會帶少, 即使帶漏東東去到當地可以買到, 但心裡總是覺得不安.  若然陳生知道我又是這樣, 他一定會說我太過緊張, 請我放鬆一點. 

以下這份清單, 希望沒有錯漏之餘, 又可以供將會出門旅行的媽媽參考參考. 

***相信今次三人之旅, 需要帶一大一小旅行o急才可放得下所有用品***


  Kit Amy Anke
護照 v   v   v  
身份證 v   v   v  
機票 v   v   v  
入台證 v   v   v  
悠遊卡 v   v   x  
現金 (旅行水腳) x   v   x  
酒店Voucher x   v   x  
行程表 x   v   x  
旅遊書籍 x   v   x  
x   v   x  
             
內衣/ 4   4   5  
訓覺衫 1   1   2  
出街衫 4   4   6  
外套(按需要) x   1   1  
襪子 4   4   5  
涼鞋 1   1   1  
BB枕頭 x   x   v  
BB被 x   x   v  
貓貓公仔 x   x   v  
太陽眼鏡 v   v   x  
眼鏡盒 x   v   x  
隱形眼鏡 x   4   x  
眼藥水 x   4   x  
             
洗面乳 x   v   x  
護膚用品 x   v   v  
潤唇膏 x   v   x  
寶貝濕疹膏 x   x   v  
沐浴露, 洗頭水, 護髮素 x   v   v  
x   v   v  
頭髮用品 (夾, 橡筋) x   v   v  
牙膏 x   v   x  
牙刷 v   v   v  
清潔棉 x   x   v  
棉花棒 x   v   x  
大毛巾 x   1   1  
洗面巾 1   1   2  
毛巾仔 x   x   2  
充氣浴盤 x   x   v  
鬚刨 v   x   x  
止汗濟 x   v   x  
化妝品 x   v   x  
膠袋 x   v   x  
             
奶粉 x   x   v  
即棄奶樽 x   x   1  
即棄奶袋 x   x   v  
奶樽咀 x   x   3  
水壺/杯 x   v   v  
電熱水壺 x   x   v  
BB零食  x   x   v  
BB飲品 x   x   v  
BB較剪 x   x   v  
BB餐具 x   x   v  
口水肩  x   x   4  
玩具  x   x   v  
             
紙巾 x   x   12  
濕紙巾 (大) x   x   1  
濕紙巾 (細) x   x   3  
尿片  x   x   40  
             
電話充電器 v   v   x  
相機充電器 v   x   x  
萬用插頭 v   x   x  
相機 v   x   x  
記憶卡 v   x   x  
腳架 v   x   x  
             
雨具 v   v   v  
指甲鉗 v   x   x  
平安藥 v   x   v  
藥水膠布 v   x   x  
BB蚊怕手帶 x   x   v  
BB蚊怕水 x   x   v  
             
BB車 x   x   v  
Hipseat x   x   v  

若然有媽媽需要, 我可以把以上這個Excel File轉發給你. 

2013年8月19日 星期一

美食博覽2013

剛過去的星期日...小B姨姨一早就已經約好小B去美食博覽湊熱鬧, 可惜爸爸要上班, 所以飲完茶後就只得我, 小B, 婆婆, 姨姨和馬仔哥哥一行五人去會展.

最 近我發覺小B有一個好嚴重的問題, 就是她好像患上了跟爸爸分離恐懼症一樣, 每次當小B知道爸爸要走的一刻, 小B一定會攬實爸爸不肯放手, 若然我們硬要把小B搶過來, 放爸爸走人, 小B就定必喊到拆天+Lur地, 看來小B真的好愛好愛爸爸呢.  (不過大家請放心, 小B媽我是絕對不會因此而呷醋的)

攪了一大輪, 終於可以出發去美食博覽啦...

可憐的小B喊累了, 但因為有街街去, 所以點都唔願訓.
一個鐘意望海的小B, 或許因為未搭過天星小輪, 所以感覺好新奇, 結果全程就站在窗邊望海.
好快, 我們就到了會展啦...  雖然今日是星期日, 但感覺不至於好迫好多人, 加上我們又推著BB車, 可以行特快通道, 感覺還算不錯.

一入到會場, 小B就唔肯再坐車, 要自己落地行, 但又唔肯俾人拖, 始終人太多的關係, 好怕小B會走失, 所以我們就只好輪流抱著她, 結果今日我對手好酸軟呀... 

**Btw小B你越黎越重啦, 果然無嘥米飯, 媽媽希望你繼續長肉啊.** 

今次去美食展純粹來逛逛打發時間之餘, 就是試食試食再試食.  但最令人意想不到的是, 小B竟然可以由頭食到尾, 就好像去了食Buffet一樣, 追食追食再追食.  即使有多眼訓, 也不忘食...小B話有得食我撐得住, 哈哈~

大家來看看小B的胃食樣吧...失禮失禮!!
 
 
不過亦好在因為有小B, 所以我們絕對是值回票價架, 哇咔咔咔~

直至六時多, 見時間不早, 加上小B又一直未有午睡, 所以決定先打道回府, 待晚一點再外出晚飯, 但小B聽到我們說要離開, 竟然耍手擰頭唔願走囉, 問她是否想繼續食, 她就點頭, 真沒想到人仔細細竟然可以咁擦得.    (最後要婆婆"Tum"她, 她才肯乖乖離開.)

回家途中, 原本以為累極的小B好快就會無電, 但小B卻竟然越夜越精神, 結果整日都未有午睡, 有朝頂到晚.  整體而言小B今日都算幾乖, 除了爸爸要去上班一刻勁扭計之外, 全日表現都好好, 未有因為眼訓而發神經, 叻女.

晚上待爸爸下班回來, 我們又去街街食晚飯啦...  全日有街去, 好明顯最開心的一定是小B, 而大家都覺得小B今日好像食錯藥般, High爆了.

倆父女, 玩足全餐飯+笑足全餐飯, 究竟是否真的有那麼高興呢?!
P.S: 是日美食博覽的戰利品, 少少地都有...蝦膏, 蝦醬及有機西梅.

這款有機西梅, 無核無糖, 有益健康, 婆婆專誠買來給小B當作小食, 會展價$40/4包, 超抵呀!!  就連媽媽我都受惠, 拿了一包回公司做零食呢, 呵呵~

2013年8月17日 星期六

Oscar Test @ QE

30-7-2013 (Wed) - 12w5d

等了又等...等了又等...終於都等到今日可以見見Baby啦~~~ 

一 個多月沒見, 坦白講雖然今胎是第2胎, 但我都依然有好多憂慮, 可能媽媽會當中有太多負面消息傳出, 所以明明不太緊張的我都變得緊張起來.  上次見Baby時, Baby還是一粒小豆般大的東東, 今次再見, Baby已經長大了好多好多...  見Baby手仔腳仔郁, 再一次令我好感動, 原來我蠻喜歡懷孕的感覺, 不過我和陳生都已經決定好, 當Baby出世後, 我就正式封肚收工啦, 所以這種感覺就留待你們慢慢享受啦, 哈哈.  今次Baby好乖, 所以姑娘好快手就度完頸皮, 跟上胎一樣, 頸皮不厚, 好像是1.51, 如無意外應該可以順利過關, 當然最後都要看看抽血所得的數字啦, 但我對自己, 對Baby都好有信心啊!! 

今次幫我照Oscar的姑娘年紀蠻大, 一見到她...直覺就話我知, 這位姑娘是不會把Baby的性別告知我, 果然我又猜中了.  當我扮傻問姑娘能否看看性別時, 她只淡然回我一句, 這個週數不能看清楚, 日後你去看醫生時再問吧.     頂...明明Baby就已經將開了雙腿, 理應今次好容易就可以看到, 但姑娘竟然避過Scan Baby的下身, 真令人激氣.  算吧...反正今次QE給我的感覺就不是太好, 現在只求日後去產房生Baby那刻, 不要給我遇上可怕的助產士就好了.

見助產士 @ QE

20-7-2013 (Sat) - 11w1d

由4w3d知道自己懷孕後, 拖到5w2d才捨得去QE登記, 當時心想...登記時才5w, 應該算是早吧, 加上龍年效應已過, 政府又停收雙非孕婦, 床位及約期方面應該會比當年好得多, 誰不知...約期方面竟比兩年前時還要差, 唉...好失望呀~

5w登記, 第一次約見助產士已經11w了...

向 來守時的我, 跟約期紙上時間到達日間護理中心4樓, 事隔兩年, 安排上大都已經不同了.  以前一到4樓, 只需自己把約期紙放到檢查站的小箱內, 就會有護士跟進, 所以一去到我還懶叻地走到檢查站找那小箱, 誰不知...原來現在已經改為在大堂的繳費處登記呢.  登記完才再到檢查站度高磅重, 嘩...點解我好像越來越輕似的, 但其實我日日都密密食密密食, 算..唔好理, 本身就是瘦人一名, 身體健康才是最重要. (自我安慰中)  可能今天是星期星六的關係, 加上時間又早, 眼見只有6位新症, 已經比我想像中少, 好快好快聽完護士簡單講解流程, 派發過少許單張後, 就可以等叫名見助產士問症約期.

對上一次都是在QE生產的我, 相信QE會有我紀錄, 不過還是要簡單答答助產士的問題, 最後再約期抽血就可離開.

幸 好今次仍可安排我於13w內做早孕期唐氏篩查, 不過結構就沒上次那麼好彩, 今次要自費出外找私家醫生照嚕, 最後約了9月中見醫生, 但最驚訝的是助產士叫我當日預最少要等兩小時才可見醫生, 嘩...兩年前我每次到QE檢查都不用一小時, 今次她竟然跟我說要預兩小時等候時間, 我有聽錯嘛?! 

何解今次QE比我的感覺跟兩年前差了那麼多, 還好記得當年於頭一兩次檢查後, 我就開始對QE勁讚, 但今次一開始我就已經稍有不滿喇.  唉...希望未來幾個月, 在QE檢查及生B都可以像上次一樣順順利利啦.

2013年8月16日 星期五

落實9月台灣遊

Yeah..Yeah..Yeah..3年無飛鳥, 今年終於可以飛一次!! 

早早就已經計劃好的台灣遊, 其實差點兒因為我再次懷孕而泡湯, 不過我真的好想在小B未夠兩歲時, 帶她去一次旅行, 所以..出發日期已由原定的年尾更改為9月, 到時肚子還不算大, 我相信我可以應付得來, 若然再遲一點才去就難講了.  畢竟今次懷孕好像沒有上次那樣輕鬆, 雖然頭3個月依舊未見有害喜現象, 但就經常感到有點不適囉, 或許年紀真的大了, 哈哈~

這個星期, 終於編好行程, 訂好機票酒店...  9月尾時就可以出發嚕, 呵呵.

2013年8月14日 星期三

8號波下的半天假

多謝<尤特>給了我半天假期, 可惜我的另一半未能受惠, 早早就要上班去, 結果這半天假期就只得我獨個兒悶在家嚕!!

一早就得知今早大概不用上班, 所以一睡就睡至十時, 但依然好鬼眼訓呢...

起床後吃過早餐, 看過瘦身男女, Hae一會兒, 就準備了一個超簡單的午餐給自己.  (由於家中儲糧不多, 能夠食得健康一點的就只有這些, 嘩哈哈哈)
最後食飽飽, 就即刻聽到天文台宣佈改發3號波喇, 唉...相信那一刻, 大家都媽媽聲的在罵天文台中, 而我亦只好懷著極不願意的心情出門上班. 

額外所得的半天假期就在超Hae中渡過了~

2013年8月13日 星期二

第一次檢查 @ 私家

29-6-2013 (Sat) - 8w1d

今日生日, 我特地於早上安排了一個好有意義的節目, 就是一家三口去照Baby喇!! 

照計今日Baby已經有8週了, 如果順利應該可以照到心跳, 今次帶同小B一起去, 感覺蠻得意的. 

醫生見到小B時, 還攪笑地問小B記不記得他, 小B當然沒回答啦, 因為小B今次才第一次見他嘛.  不過醫生跟小B說, 我一早就已經見過你, 你真的不記得我嗎, 哈哈~ 

入 正題...原來上次32週後, 就已經再沒有到私家進行檢查了, 所以今日醫生都順帶問問小B出世時的狀況, 說小B出世時偏輕, 根據我最後一次產檢紀錄, 小B應該不止那個磅數, 叫我今次孕期尾聲時要多到私家進行檢查, 以便跟進.  今次為免Baby跟小B一樣偏輕, 我會乖乖聽話嚕...keekee~

閒話一輪後, 終於可以上床照Baby啦, 不過週數太小, 其實除了看看有沒有心跳, 以及量一量Size, 看看預產期是否需要更改外, 真的沒什麼好看.  不過小B見醫生在我肚皮上按來按去, 小B望得好入神呀...  回家後, 小B更經常走來摸摸我肚皮, 好像已經明白有個弟/妹住在我肚裡一樣, 感覺好得意. 

小B...你既然一向都有家姐風範, 將來弟/妹出世後, 你要幫爸爸媽媽好好照顧Baby呀~

2013年8月12日 星期一

Lunch @ 萬豚屋

半年無食了, 跟同事F都突然想食烏冬, 所以就即興去了萬豚屋喇, 每次到萬豚屋我們都會預先訂位, 但今日話明即興嘛, 當然無訂啦, 幸好早去...Walk In都不用等位, 不過我發覺近來萬豚屋門外的人龍已經沒有早幾年多了, 但若然晚上Walk In, 都仍是要等一會兒.

我這個大悶蛋, 每次指定必叫 --> 石鍋豚肉烏冬!!


超濃郁的豬骨湯底, 令我忍不住大叫...好味道呀, 吃完整個烏冬後, 還一口一口的喝了大半碗湯, 現在好飽好滿足呢~ 

有了你/妳

不經不覺...Baby靜俏俏到來了一段時間, 亦即代表小B好快就榮升做家姐啦!! 

最初知道懷孕時, 真的既驚又喜.  驚是因為怕Baby沒人照顧, 喜當然是因為你/妳的出現啦.  至於陳生最初的反應, 竟然跟我一樣, 驚大於喜.  幸好經過一輪心理調整後, 我倆都好開心地欣然接受了.  大概是因為一早就已經計劃了生兩個的關係, 那麼是遲是早, 根本就不是一個大問題, 對嘛?!  但其實我內心仍然好怕, 怕Baby出世後, 我倆的負擔會增加不少, 當壓力大了, 人的開心指數亦會隨之而降, 不過陳生還是繼續他的一貫宗旨說 -->  船到橋頭自然直.

算...其實有Baby是一件開心事, 我應該要把那些無謂的煩惱拋諸腦後, 順應陳生的作風, 做個開心孕婦, 生個開心Baby, 就像個小B一樣愛笑的Baby.

今次懷孕, 我好像有先兆一樣, 所以即使未到黎M日, 我就已經猜中了, 其實未確實有孕時我曾經跟陳生提及過, 可是他覺得我想得太多, 既然他不信嘛....我就即管驗一驗吧.

第一次驗孕 - 3/6/2013, 大概因為初期的關係, 所以紅線還是好淺好淺, 陳生見到當然不相信啦, 因為他說淺到幾乎看不到.  我說他自欺欺人才是, 哈哈!!

第二次驗孕 - 5/6/2013, 既然他不相信, 我就要令他相信為止.  好...再驗一次, 今次不到他不信了, 因為紅線已經比兩天前深色, 好容易就已經可以看到啦.


既成事實...他今次扮作輕鬆地跟我說, 一早就說好生兩個, 他倆年紀相若都是一件好事, 而且一次過辛苦, 總好過辛苦完一個到一個. 

雖則最初知道這個消息時, 我倆好像有點難消化, 幸好這都算是我們計劃以內的事, 只是時間上早了一點, 所以好快我倆都可以開開心心地接受這個令人開心的事實.  現在希望Baby一切健健康康, 順順利利, 像家姐一樣叻叻, 要到足月先好面世呀~ 

2013年8月11日 星期日

最佳奶粉Sample

近一年來我已經收過好幾罐各大奶粉商的奶粉Sample...不過全部都是細罐裝.

所以今次當我收到這罐900g Illuma後, 真的大感意外.

若然A+都可以貼心地送我一罐900g奶粉, 那就真的太好了, 哈哈~  (發夢中 )

2013年8月5日 星期一

Sky100

坐言起行, 昨天才收到BK寄來的入場券, 今天馬上就跟陳生和小B去Sky100打個白鴿轉.

出發去街街啦, Cool Baby可以笑一下嘛?!



小B: 媽媽...今朝我6點起身, 仲要不停玩了好幾小時, 現在眼訓+累到極點, 真係笑唔出呀~

小B媽: 好好好...那你快快來個小睡吧.

小B: 遵命!!

到了Sky100, 小B還在跟周公子談心中, 爸爸話等小B睡醒才上去, 最後於Elements逛了好幾圈, 小B終於起身啦.



一入場就有工作人員為每個單位拍照, 又是一門好生意, 可惜在爸爸阻止下, 我放血失敗.  (雖然照片拍出來效果一般, 但我總愛花錢來買全家幅嘛)

上到100樓, 其實都不外如事, 真的逛一圈就可以走人, 但帶住小B, 當然要讓她慢慢來放眼看香港啦.

地少人多...密密麻麻的高樓大廈...這就是我們的香港了~ 


到此一遊~~~


最後因小B肚餓要去醫肚, 所以逗留了約45分鐘左右就離開喇!!

2013年8月4日 星期日

免費天際100入場券

嘩..嘩..嘩..多謝親子王國又送我免費入場券呀!! 

天際100 - 其實我想去好耐了, 不過陳生唔理我, 今次有免費入場券, 相信他再無藉口推我啦, 哈哈~