2017年4月3日 星期一

學校親子旅行 - 馬灣公園, 科學園 & 大尾督

24.03.2017

今次係妹妹第一次參加學校旅行, 妹妹當然好期待啦, 11月秋季旅行時遇著爸爸媽媽有事未能參與, 所以媽媽話過今次春季旅行一定要同妹妹參加.

一大早準時返到學校集合, 小朋友們在等齊同學仔之際, 跟老師一起唱歌傾計, 爸爸媽媽們就好似睇小動物咁不停舉機影相, 場面好好笑.
好啦...我哋1號車齊人可以出發啦, 轉眼間仲已經到咗馬灣公園添啵.
 上鳥望台睇風景...
明明馬灣公園影相好靚, 可惜妹妹就係唔肯影相.  ~.~"

行完馬灣公園, 我哋就出發去科學園食午飯, 不過將近落車時妹妹就瞓著左, 同學仔媽媽仲擔心妹妹會瞓好耐無飯食, 點知...呢個時候妹妹話咁快就醒左Lu.  

食完飯有時間就梗係要四周圍行下啦...  (唔講唔知其實媽媽未黎過科學園架, 哈哈!!)
未夠鐘上車去下一個景點, 個個小朋友都在跑跑跳跳...

妹妹實在太可愛啦..啦..啦~
然後...轉眼間, 我哋就去到行程最後一站 - 大尾督!!
今日天氣唔錯, 去呢D郊區地方真係好舒服...雖然全日嘅行程坐車時間比較多, 而且唔係太多野玩, 但能夠有多一日嘅親子活動時間, 相信爸爸媽媽同小朋友都一樣好開心好滿足.

P.S: 雖然我唔知其他人會唔會同我有一樣想法, 但至少我好Enjoy囉...  ^^





我們的Facebook專頁 - 小b與妹妹b之成長日誌