教我如何化敵為友

年多前跟某人突然由朋友變成了敵人, 雖然身邊朋友們都大感無奈, 不過我好感激朋友們未有插手干預, 因為當時我根本就不想再跟那人糾纏下去.  而事件發生至今亦快將近兩年, 我們絕大部份的朋友聚會中...他們都選擇了跟我出席而未有選"她", 內心裡我真的好感謝好感謝這班朋友對我的厚愛, 我實在太愛你們啦!! 

直至最近...某人可能已經連仔都生了的關係, 整個人好像看化似的, 突然極度憎恨我的態度亦開始軟化 (需則兩年來都沒人知道她何解會生我氣, 就連我自己亦未有去查證死因), 不過如今"她"跟友人J說, 事隔多時, 已經沒有再生我的氣了, 那我豈不是要說聲多謝, 嘩哈哈哈~ 

好老實...若然你問我是否真的不介意跟"她"化敵為友, 我想我是介意的, 但為了不想朋友們難做, 不想陳生跟"她"老公廿年兄弟情因我們而變得疏離, 我亦只好大方一點, 把舊事抹去.  不過自問自己絕非一個超大方的人, 所以心中那條剌可否消除, 我真的不知道.

今次亦因為"她"跟友人J說了這句 - 事隔多時, 已經沒有再生我的氣,  而令他們想為我們做和事佬.  唉...我心裡好矛盾呀.  何解兩年前跟兩年後, 我都要是做被動的那位, 被"她"牽著我走呢?! 

算...吐了一口氣, 往後的事就一切隨緣.


P.S: 希望星期天的飯局, 不要因為"她"堅持出席而變得尷尬. 

(這兩年來的聚會, 如我沒空出席, 朋友們都會邀"她"出席, 因為有我出現, "她"一定不會到, 相反我沒空出席呢, "她"就一定會到.  所以今次友人們都好意外, 何解"她"明知我出席, "她"都堅持說想參與.)

Sweet Sweet~

陳生向來愛吃甜點, 所以我們耐不耐都會自家整一些超簡易甜品來滿足一下口福.  今次就輪到陳生自家整牛乳布甸喇...

有人賣花讚花香, 勁讚自己出品的布甸好好味呢, 真係唔知醜!!   

盡量避免7月節帶BB去夜街

其實我個人一直都有少少迷信, 但...就不是全部盡信囉, 不過今次真的不到我不信了.

事關昨日農曆七月初十, 距離七月十四就只有四天之隔, 剛好昨天又是星期日, 附近居民就於我家樓下空地位置舉行了一個盂蘭法會喇, 即使舉行盂蘭法會都好正常, 始終中國人嘛...中國人就是這樣的啦, 但除了燒街衣外, 由早到晚都有法師在場敲鑼打鼓吹"Di Da", 確實造成大大不便, 尤其對於有小朋友的我們來說. 

昨天跟小B及小B爸雖一早就外出了, 至晚上九時多才回家, 原本還以為今年可以避過了這場法會, 不用整天在家聽到樓下傳來的敲鑼打鼓聲, 誰不知當我們回家時, 法會仍未結束呢, 那刻我已經心感不妙, 一來怕小B會看到些什麼, 二來又怕那些敲鑼打鼓聲會把小B嚇壞, 所以當小B爸一泊好車後, 就馬上叫他抱住小B快步行入大廈, 還叮囑小B爸把小B雙眼遮住.  當然...小B無啦啦, 又豈會讓人把她雙眼遮住丫, 不過我相信她應該是什麼都看不到的. 

回家後一切如常, 小B繼續開開心心自己玩, 我還在想...小B真大膽, 竟然未有被那些敲鑼打鼓聲嚇怕.

直至凌晨二時多...小B喊了兩聲, 但我好快就把她氹回入睡, 繼續覺豬.  誰不知還不到一小時...小B又醒了, 今次還要大喊呢, 小B爸見狀, 就把她抱到大床上, 跟我們一起睡, 不過小B依然喊得厲害, 怎樣氹都未肯入睡, 最後小B爸唯有把她擁入懷中, 給她一點安全感, 再待她睡著後才放回床上.  可惜每次一放回床上, 小B都好像知道似的, 又再大喊, 最後要小B爸攬實她睡才肯收聲, 如事者試了好幾次, 才可以在大床上睡至今早.  唉...原來那些敲鑼打鼓"Di Da"聲真是會嚇倒小B, 只是半夜才讓我們知道, 加上我倆見小B一直捉緊拳頭攬實小B爸, 就知道她一定是受驚了.

所以若然可以, 7月節的晚上, 真的最好不要帶BB外出啊... 

難得濕平

嘩哈哈哈哈...我又去敗家啦!! 

是日下班後馬上到新城市跟小小會合, 由於自小B出世以後, 我已經極少有地跟朋友濕平, 所以可謂未出發已先興奮, 更一早就構思好了自己想要買的東東呢, 雖則是次濕平主要目的...是要買朋友的生日禮物, 但難得有空四圍逛逛, 當然要好好把握一下敗家機會啦~

可惜最後除了買得幾份生日禮物給友人之外...

我就只敗給了這支Laura Mercier防曬有色面霜粉底而矣.

用後感遲些再報告!!

至於這隻品牌的化妝品, 向來都好多人讚呀...雖則貴就貴了一點, 但我仍好想試試看. 

腸胃炎

剛過去的週末, 小B媽我患上腸胃炎, 去得最多的地方不用問當然就是廁所啦.  原本打算週六日跟小B去街街, 最後都不能成行, 唉...這樣就白白浪費了一個週末啦.  遲唔病早唔病, 週末先黎病, 真唔爭氣!! 

好彩小B媽病倒, 還有小B姨姨頂上...

雖然無街出, 不過小B依然好開心, 你睇佢笑到變左豆豉眼就知啦~

順便講講...原來我小B人仔細細都好愛環保, 好識幫媽媽慳$架.  點解?!  因為佢鐘意玩唔洗$買既玩具囉, 要$買既反而未必鐘意. 

這個屈人寺水樽, 小B就當寶日日攬住喇...正一傻妹, 哈哈 

有你真好 *3*

8號波前夕, 有陳生做我司機之餘, 他還親自下廚, 所以我幾時都話, 有你真好!! 

雖則對好多人來說, 這只是兩道簡簡單單的菜色, 一頓求求期期的晚飯, 但對我來說真是好窩心的呢...

其實陳生下廚都不是第一次了, 但這個卡邦尼意粉 + 煎牛扒, 就真是第一次啦.

最後出來結果, 出奇地好味呀, 尤其那碟煎牛扒, 真的令我回味無窮.  所以向來喜歡認叻的他, 又不停在讚自己有廚藝天份啦...哈哈!! 

靈丹妙藥

今日跟友人閒談時, 她無心快語地重提到我跟某人的不快事...  雖然事隔多時, 而且那人在我心目中亦算不上什麼, 但不知怎的, 整個人就是悶悶不樂.  雖未至於心情壞透, 但我知我的情感又被牽動了, 或許我仍未得到一個為何無端白事被人宣判死亡的答案吧, 這個死得不明不白的我, 真的有點心有不甘, 但...算吧...反正跟那人已經不再是朋友, 我亦不希望再跟那人扯上任何關係了.  

幸好每次當自己心情唔好時, 只要見到小B, 或望望她的照片, 媽媽我都可以立即開心起來...否則我的低落情緒又不知要持續多少天啦~~~

所以幾時都話小B你是我的靈丹妙藥啊!!

笑一笑...世界更美妙!! 

Gap涼鞋仔

嘩嘩嘩...好美的涼鞋仔呀!!

多謝Cherry姐姐... 

小B...你知道嘛, 有那麼多人愛錫妳, 妳真的好幸福啊!!   

買唔買榨汁機好呢?!

早前曾經有打算買這些蘋果汁給小B飲用...不過當今日我嘗試過了這盒免費蘋果汁後, 已經打消了這個念頭, 因為味道好像怪怪的.  我知大概是不夠甜的關係, 我才會覺得怪, 但若然要讓小B飲用蘋果汁, 我寧願買部榨汁機榨新鮮果汁給她了.

但買榨汁機, 我又是否真的會經常用呢?!  好苦惱呀......

去飲宴

同事W結婚了, 祝她新婚快樂, 幸福美滿. 

(雖然同事W勁唔鐘意我祝她三年抱兩, 但我真的好想祝她三年抱兩呢, 咔咔!!)

第一次去九展飲, 個宴會廳超大, 樓底又高, 整個場內的佈置更是新娘子自己設計的, 好有心思.  (不過跟同事們掛住玩, 所以未有四處留影)

嘩...打出個大玉背呀, 馬上去篤篤她背脊先, 哈哈!!

就是以下這個影相區, 好讓我跟同事們玩了大半小時.  真的好喜歡新娘子提供的拍照道具, 呵呵~

可人兒

這個甜美笑容 - 真的超讚!!

大家又Like唔Like呢?! 

去街街食Lunch

今日姨姨帶了小B去諾士佛臺食Lunch, 同台者是一班姨姨的同事. 

聞說小B今日好主動呀, 又獻吻, 又要人抱抱, 莫非小B見到有靚仔?! 

不過日後當小B長大了, 我想都真的要好好管教她才行.  因為朋友們都說小B太識嗲人啦, 長大以後一定"lum"死仔喎, 所以小B爸一定好擔心者, 哈哈~

好...去相時間...

小B: 姨姨點解你自己食, 我無得食?  我都肚仔餓呀...

姨姨: 我每次帶你去街街, 都會準備餅餅, 放心喎...

 

小B: 餅餅真係好味道!!

小B: 邊個姐姐整我牛角?  影相相有牛角唔靚喎...

時間過得好快...小B又渡過了一個愉快Lunch Time啦~ 

Happy Birthday to my Brother

吾家細佬1x歲生日, 所以是日外出用餐... 

大個仔啦, 生日快樂!!

再過一兩年讀完書, 吾家就靠你架啦, 咔咔~

日奶粉森永和光堂易食壞腦 碘含量超低

【明報專訊】本港父母一度熱捧的日本奶粉和光堂及森永，含碘量原來低得驚人，嬰兒隨時食壞腦。食物安全中心檢測首次揭發，兩款奶粉的碘含量，不及食品法典委員會所訂最低標準的三分之一，嬰兒從中攝取的碘質嚴重不足，可影響甲狀腺功能，損害腦部發育，政府估計，單是新生至6個月大飲用此兩款奶粉的嬰兒已有約1000名，當局急籲父母立刻停用有關奶粉，今日起安排相關嬰兒驗血。

不及標準三分一 足影響腦發展

食安中心檢測的首批14款初生嬰兒奶粉中，另有4款奶粉包括雪印、明治、美素佳兒和菲思力，碘含量亦只有每100千卡8.1至9.6微克不等，同樣低於食品法典委員會訂下的最低標準每100千卡10微克。中心指出，風險評估顯示嬰兒飲用不會有攝取碘不足的健康風險。另外，食安中心同時發現和光堂及明治初生嬰兒奶粉的維生素K、生物素成分不達標，森永和固力果亦有生物素不足問題，雀巢金裝能恩和萬朝Absolute宮有機嬰兒奶粉，則分別檢出泛酸和維生素C含量不達標。

和光堂及森永奶粉每100千卡只含1.2和2.4微克碘，按世衛建議嬰兒每公斤體重每日至少要攝取15微克碘，飲用此兩款奶粉的相關攝取量只有2.3至6.7微克，未及世衛最低標準的三分之一。食物及衛生局長高永文表示，碘質是製造甲狀腺素的重要元素，嬰兒缺碘可損腦部發育，為釋家長疑慮，今日起全港10間母嬰健康院會接受預約，最快明晚開始為食用此兩款奶粉的1至8個月大嬰兒抽血化驗。點解...點解奶粉商可以咁無良? 

奶粉成份不是應該有一個指標, 所有奶粉商都應該跟從的嗎?! 

既然奶粉是嬰兒主要食糧, 何解政府唔去限制所有奶粉一定要通過檢測, 才讓奶粉推出市面呢?!

我想生產奶粉的人, 一早就知道自己品牌是否符合世衛指引, 難道他們都無兒無女嗎?!  竟然可以讓這種事情發生...可惡.

幸好小B食用的美贊臣順利通過了檢測, 如不是...我一定會好自責.  因為小B一出世, 我就安排了她飲用奶粉, 未有餵哺過母乳. 

經過今次奶粉事件, 看來我們為小B揀選食物時, 要再嚴謹一點了~

在此衷心希望有飲用這幾款奶粉的嬰兒們, 沒有因此而影響腦部發展及甲狀腺功能!!

未知今次事件又會否引來一陣搶奶粉熱, 但為求穩陣起見, 我要盡快多入幾罐做存貨才行.  更希望奶粉商要有良心, 不要趁火打劫.

小B第一張證書

嘩嘩嘩...小B好叻叻呀, 7個月大就已經拿到了第一張榮譽證書啦, 媽媽我好開心呀, 咔咔!! 

雖然這張是榮譽證書, 但絕對沒有效力可言, 更不會為小B將來入學的Profile上加添任何分數... 

因為這只是媽媽上班無聊時, 幫小B用平日拍下的照片來參加精靈BB成長盃所得的.  

得的. 

不過...媽媽我真的好希望小B將來上學讀書後, 可以在校內校外得到更多更多的加許狀架, 

heehee~ 

 

淘物分享

雖然暫停了淘寶兩星期, 不過都真的好想分享一下早前淘得的這件牛仔襯衣, 皆因這件牛仔襯衣已經伙速成為了我近期大愛嘛...每星期必穿一次, 哈哈!! 

雖然任何時候都興牛仔, 但要遇上一件自己好喜歡而非買不可的牛仔襯衣, 這真是可遇不可求. 

早前我跟雀屎閒逛時, 於Boutique見到了這件牛仔襯衣, 一拿上手就已經好喜歡了, 但價錢方面又好像不太值.  加上自兩年前開始淘寶後, 我深信於淘寶尋一尋的話, 一定可以尋到我想要而一模一樣的東東, 於是我好狠心就放下了, 沒有即時買它回家.  結果第二天馬上上淘寶尋一尋, 不出一會兒, 終於找到啦, 嘩哈哈哈~  起初我都有擔心過質量會否跟我看的一樣, 幸好最後收貨時, 跟我看過的完全沒有大分別, 只是價錢平了一半而矣.

所以真的難怪我們經常上淘寶買衫... 

Family Day

是日吾家Family Day...出席者有我, 小B, 小B婆婆, 小B姨姨及馬仔哥哥(姨姨男友) 

(以前每逢放假, 大多數時間都只跟朋友聚在一起, 極少有安排家庭活動.  但自從有了小B, 吾家的家庭活動亦隨之而增加了不少, 相反朋友聚會卻減少了一大半, 我想這就是有小孩跟沒小孩的分別吧.  現在我終於明白何解身邊朋友們經常說, 日後當大家有了小孩, 我們的聚會就會變得少了!!)

今日一早起來做了兩小時家務後, 就開始今日既行程喇. 

青衣城 -> 柴灣 -> 香港仔, 雖然地方唔算多, 但如果無車無司機, 我想我一定不會願意帶小B去那麼多地方, 因為小B爸今日要返工, 沒有了御用司機, 要自己搭車去實在太唔方便了.  幸好今日還有馬仔哥哥, 做了吾家一整天司機, 及充當我們的攝影師, Thanks!! 

無情情做乜鬼去青衣城?  咪就係因為春天花花幼稚園囉... 

不過由於攝影師未交出相片, 所以未能去相...

去完青衣城, 就向柴灣進發, 探望小B姨婆婆.  我們一家衷心祝福姨婆婆身體健康, 早日康復, 快快打低病魔.  姨婆婆妳要加油啊, 知道嘛?! 

最後一站就是香港仔太婆家喇, 雖然太婆太公好想抱抱我小B, 可惜自小B開始認人後, 就不喜歡讓他們抱抱了, 不過...只要見到小B一面, 他們倆老都已經開心不已.  食過晚飯後, 我們還為小B舅父預備了生日蛋糕慶生日呢.

一天的假期就這樣結束, 又是時候要想想下次帶小B去那兒玩啦, 咔咔~   

BB展

今日專誠放假一天, 跟我的戰友雀屎一起去血併BB展, 今次我們在有準備之下, 算是大收豐的一次了, 雖則這才是我第二次參與.  但我相信, 未來幾年我和雀屎仍是會繼續努力出戰於BB展的, 呵呵!! 

還記得去年, 我跟雀屎一起放了半天假去行BB展.  不過當時大家都未有做足準備功課, 最大的準備就只是印好Label而矣, 連門券亦未有預先買下, 最後排隊買門券到可以入得會場都已經差不多4時了, 結果大部份贈品亦都一早派光.  雖然我倆未至於空手而回, 但能夠拿到的贈品真的少之又少, 好...好..好.好失望呀!!    所以當時我倆就已經決定好, 今年BB展...一定要趁早入場, 越早越好, 嘩哈哈哈~ 

吸取了去年經驗, 今次我醒目啦!!    早排見申請入OZ Kids BB會, 可以免費得到BB展門券兩張, 我當然二話不說馬上入會啦, 結果一星期後就收到BB展門券, 門券準備好之餘就連買門券之銀兩亦可省回, 勁.  繼而要準備的就是大量Label, 方便入會唔洗自己填餐飽.  最後看看那家參展商的贈品是自己想要, 準備好會場Floorplan, 於Floorplan上圈定想到的攤位, 那就方便易找又省時喇. 

結果今次大戰5小時後的戰績尚算滿意, 其實如不是背囊和手推車都宣告爆滿, 我倆一定不會甘願離開, 咔咔!! 

這全是今次的贈品... 

這是買給小B及幫我表舅父買給快將出世的BB用品...  好抵, 全部$400有找~ 

最後要感謝雅培送出的手推車...如果沒有它, 我真不知如何從會展拿著這些戰利品回家, 啜啜啜啜啜!!