不經不覺今年已經係媽媽我連續第三年帶小朋友去考學校啦, 說真的已經再無過往緊張嘅感覺, 一切只抱平常心去面對.
今早妹妹11點去Interview, 剛好遇著家姐要回校上興趣班, 不過好彩兩間學校只有一個屋苑之隔, 所以媽媽先帶家姐回校, 然後再帶妹妹去Interview, 而時間上亦剛剛好, 無遲又無早!!
一入學校登記好後, 就係自由活動時間. 一入Playground妹妹已經好開心, 急不及待四圍去玩啦, 完全沒有一點怯場感覺, 厲害.
雖然妹妹係玩得好開心, 仲笑到四萬咁口, 但只要一見媽媽拿起手機影相, 四萬嘅笑容就迅速收起, 明正言順Cool妹一名, 幾時都要保持住外表冷酷嘅感覺, 真係有型...(吹脹)~
玩了大約10分鐘, 老師開始安排小朋友進行面試, 我哋在等待叫名面試期間, Cool妹繼續周圍玩, 今次Cool妹選擇了埋枱玩積木, 最激氣嘅係...Cool妹將枱上兩盆積木全都倒在枱上, 明明枱上已經好多積木都硬是要將盆裡的倒出, 如果我係老師, 真係一句唔該就扣你分囉, 好彩無人發現咋.
而妹妹將積木倒出後, 我哋就馬上聽到老師叫我哋入房面試, 當然媽媽都有叫妹妹快手收拾積木啦, 妹妹本身都肯做架, 只不過收拾了丁點, 就有另一位老師過來叫我哋唔洗收拾, 所以...
入課室後, Interview就正式開始, 當老師正在翻看問卷及問媽媽問題時, Cool妹已經忍唔住自己出手拿枱上玩具玩啦, 最終老師應該頂佢唔順, 快快就拿過來考Cool妹. ~~"
今年老師無再問小朋友名字, 一開始就直接叫Cool妹名, 然後在枱上放幾張圖片及公仔 (海豚, 海星, 鴨仔, 魚), 叫Cool妹做配對, 將公仔放在圖片上. 由於老師未有先做示範, 只用口講, 所以Cool妹起初只將所有公仔都放在同一張圖片上, 然後老師忍唔住示範一次, 之後Cool妹就全部做對喇.
接著老師再拿一張圖片, 叫Cool妹分別指出正確物件, Cool妹好叻, 全部指對.
最後老師再拿了3樣食物(香蕉, 橙, 麵包), 分別叫Cool妹將它請老師食, 請媽媽食及請自己食, Cool妹都好叻...又係全對, 不過老師拿著香蕉問Cool妹這是什麼來時, 就未有回答嚕.
考完Cool妹, 老師忍唔住問媽媽係咪之前都有黎過學校面試, 我好老實回答, 係呀...今年己經第3年, 之前兩年係帶家姐黎, 然後老師話難怪我咁熟口熟面喎, 佢話佢有印象見過我囉, 唔講真係以為我係學校忠實粉絲呢, 哈哈~
(雖然係咁, 我哋明年都一樣會繼續再黎架, 因為媽媽當俾妹妹做賽前熱身嘛) :p
臨走前, 媽媽叫Cool妹同老師示意Bye Bye, Cool妹有做, 媽媽叫Cool妹拍櫈, Cool妹亦有做, 雖然唔係Cool妹自己主動去做, 而且妹妹在拍櫈嘅同時, 老師又一支箭咁行咗去另一邊拎小禮物俾Cool妹而未有察覺, 但始終有做總比無做好, Right?!
即使今次取錄與否, 媽媽都已經好滿意今日Cool妹嘅表現, 原先媽媽預期Cool妹係會完全唱反調, 但今日竟然出奇地合作啵, 所以真係值得一讚啊.
我們的Facebook專頁 - 小b與妹妹b之成長日誌
