有時認真諗...真係覺得做細嘅幾陰公, 因為得好少獨佔爸爸媽媽嘅相處時間, 唔知係唔係因為咁樣, 我家妹妹變得好霸道好霸道, 所有事情都要同家姐爭一大餐, 而且仲一定要爭到手先肯罷休.
無可否認, 自妹妹出世以黎, 我獨自一個跟妹妹相處嘅時間真係唔多, 所以好多時當妹妹要爭我嘅時候, 我都會盡量先安撫家姐, 然後再去陪妹妹, 而妹妹亦好醒目, 好識分隔開我同家姐... 坐永遠要坐我同家姐中間, 瞓永遠要瞓我同家姐中間, 拖手永遠只准我拖佢, 真係好多時都激到家姐紥紥跳, 但無奈家姐最後亦只可以接受, 其實漸漸地家姐都已經開始習慣呢個模式, 所以都廢事再同妹妹爭了.
今日難得媽媽放假, 家姐又返咗學, 媽媽一於要襯機好好陪下妹妹先得!!
去學校接家姐放學前, 我們倆母女先去公園玩個飽玩個夠...
真心的...我希望我可以盡量做到公平一點, 唔想忽略其中一個嘅感受. 不過暫時去玩方面, 我仲未係好應付得到一拖二, 即使一拖二都要揀個安全地方, 免得走失一個就更加糟糕.
我們的Facebook專頁 - 小b與妹妹b之成長日誌
要一拖二出去我都唔敢，係試過一次推住妹妹拉住hannah 去買包咋，遠d 真係唔敢想像！
回覆刪除咁我叻d...我間中都有一拖二去玩, 不過唔多囉 ^^
刪除