Cool妹出戰 の 求得面見機會

救世軍係Happy School, 未必人人鐘意, 但救世軍N1學位真係一位難求, 有心要入讀救世軍嘅...大多數係一攞出世紙就去報名.  而據學校所講, 每年嘅輪候名冊亦都排到水蛇春咁長, 真係誇張到你唔信.  不過重點係N1班只收10個學生, 而且學校係根據輪候編號而收生, 唔係你想爭就一定爭到一個半個學位, 所以1月以後出世嘅小朋友, 入讀N1嘅機會率就會比較低喇.
(去年家姐嗰班, 真係佔咗大半數係1月B)

我家妹妹雖然都係大B, 不過就唔係1月囉, 當我哋2月尾報名時已經輪候到1X啦, 當時媽媽心想...排1X都一定會有機會啦, 因為家姐讀緊嘛, 點知最終家姐轉校了, 結果今年我哋就唔可以憑著呢個優勢有優先處理嘅權利喇.  另外除咗有家姐哥哥在學會優先處理外, 所有救世軍職員子女同樣都係優先架, 唉...你話10個N1學位又點夠分呢.

黎到11月中, 媽媽非常擔心, 因為知道學校11月會開始進行面見, 但我哋就係一直未有信通知去面見, 心想...唔係連面見機會都無嘛, 如果連面見機會都無, 今年妹妹入讀N1嘅機會就真係等於零, 結果媽媽近半個月已經打去學校查問咗3次...  :p

最終媽媽亦忍唔住要打去搵主任, 然後成功爭取一次面見機會, 因為原先學校首輪面見只安排見14人, 所以理應係無妹妹份.  雖然主任都話即使安排面見, 但暫時能夠成功入讀嘅機會都唔算高.
(為咗想入救世軍, 今次媽媽要硬住頭皮去打人情牌) 

希望有得面見就會收到有好消息啦, 真心覺得妹妹性格比較適合讀全日班, 而且亦好需要學習獨立, 所以救世軍真係我哋嘅最佳選擇.





我們的Facebook專頁 - 小b與妹妹b之成長日誌