成功轉讀上午班

今天媽媽真的好開心好開心, 皆因一大早就收到學校來電通知, 小B可以成功轉讀上午班啦...  媽媽煩了好幾個月, 一直擔心如果未能轉讀上午班, 返下午班時間上的安排有點難就婆婆, 幸好今天問題終於得以解決, 而當日媽媽決定一大清早就走到學校門外排隊交後補上午班表是沒白費的...

小B...希望9月轉校之後, 你能夠盡快適應新學校的K1生活, 而且証明媽媽沒有幫你做錯選擇啦!!

小B: Yeah, 得左~

倆姊妹已經有Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

K班大作戰結果 - (保良局歐陽少芳) Unsuccessful

最後一張面試成績表都已經收到了, 一如我所料, 小B最終還是被Reject!!

說實的...面試當日由行入課室門口開始, 我就已經知道會是這個結果, 因為首先一開始小B就已經被外藉老師嚇窒, 然後這是一個全英語的面試, 面試期間小B因聽唔明, 結果完全無理睬老師, 最後我亦清楚見到那位老師有點嫌棄小B的模樣, 見小B唔理睬她就唔理小B, 相反其餘兩位小朋友因有俾過少少反應, 所以老師就不停跟他們說話.  而且媽媽自己答問題時亦不算好, 所以這個結果絕對合理.

Um...第一次被Reject的感覺還算好吧, 真心覺得這是一個好好的經驗啊.

最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

K班大作戰結果 - (救世軍陳昆棟) AM Offer

早前面試的第4張成績表終於收到了, 小B成功再得一個AM offer呀!!

不過其實媽媽我一早就預計到救世軍會收小B啦, 因為面試當日只從遊戲中觀察, 根本就無考小朋友, 所以只要表現正正常常無大吵大鬧的應該都會被取錄.

但學校導覽日和面試日當天, 實在讓我見到有太多新移民, 所以我唔會考慮喇.





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

去與留?!

雖然媽媽我一早就已經打算明年K1會幫小B轉校, 但當時心想...若然最心儀學校唔收就繼續留低, 亦沒想過小B今年竟然會有幸獲得心儀學校Offer, 所以當知道有Offer一刻真的爆興奮, 但隨住收到學校的去留問卷後, 媽媽內心竟然開始掙扎呀....究竟最終媽媽做的決定是否真的適合小B呢?!

一向唔屬於怪獸家長的我, 從來對小B要求都唔算高, 只要按進度發展及認知就可以, 絕對係超級Hae媽一名.  但現今香港的教育制度, 又確實令人好擔心啵, 所以就算我Hae極都當然希望小B可以入讀一間較好的幼稚園啦, 起碼上小一時唔洗太辛苦, 媽媽到時又唔洗太擔心嘛.

其實心儀那間學校出名催谷而且程度深, 出路應該不成問題, 家長們亦不用太擔心, 但小B能力是否真的能夠應付得來呢?  媽媽又能否應付得到小B的功課呢?  突然媽媽有好多好多的憂慮通通全部跑了出來, 唉~

大家都知道救世軍係Happy School, 課程比較淺, 所以這3個月以來, 小B返學完全無壓力, 我想每天返學小B都應該當成去玩一樣, 所以好明顯係開心嘅.  不過如果繼續留低的話, 將來小B上小一時就會比較吃力, 這一點就連校長自己都已經親口證實.

做父母當然都想小朋友有個愉快童年啦, 所以當我看過鮮魚行校長的報導後就更加唔知自己決定是否正確喇.

http://happypama.mingpao.com/cfm/parenting3.cfm?File=20141202%2Fnewa%2Fona1.txt





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

K班大作戰結果 - (迦南) Waiting

又有學校信通知收唔收小B啦, 跟幼稚園媽媽gp媽媽傾開先知道, 原來未獲取錄, 學校通知信真係會直接寫不獲取錄架, 等我還以為所有唔收的都會被列入作Waiting處理.  由於去年大部份學校通知信都係寫Waiting, 所以我就有呢個錯覺喇, 幸好...暫時直到目前為止都未有學校直接寫不取錄小B咋...不過還有兩間未有消息, 所以都唔敢太大聲講, 哈哈~

今年跟去年一樣, 迦南只收小B做後備生, 亦即代表有90%唔會有迦南Offer, 雖然兩年我都只拿迦南作後備用, 但兩年結果都只係得Waiting, 看來小B唔太合這間學校的老師眼緣啵.  不過媽媽話就話以這校來作後備用者, 但其實無正選位, 都有少少失望架.

希望其他心儀迦南的媽媽們會有這間學校的正選位啦.





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

排後補

今日晨早7:30到達心儀學校排上午班後補位...雖然未知最終可否成功轉讀上午班, 但媽媽我確實覺得自己好有心架, 皆因一早天未光就為了去排隊而爬起床嘛, 比起平時上班還要早起45分鐘有多.

雖然我好早就到達學校, 但因見學校內只開了幾盞燈和得一位嬸嬸在進行清潔, 所以未有入內打擾, 暫時眼見亦只得一位工人姐姐坐在公園等候交表, 之後才陸陸續續見老師們回校, 但因我記得老師有話過9:00才會開始收表, 所以我就一直只坐在門外等候喇, 直至8:15左右我見有兩位家長直接衝入學校交表, 但不夠5秒就拿著要交的那份表離開, 所以估計還未可以開始交表的, 突然有位老師走出來問我拿籌了沒有, 我才驚醒...原來要拿籌架, 好彩老師見我一直坐在門外才多口走過來問我一句, 否則我應該會一直等到9:00才衝入校內交表呢, 最終我就由原先的第4位變成第6位喇, 因那位工人姐姐的籌號是3, 所以原先我應該是第4的, 相信排第1, 2號籌的家長應該好早好早就到來拿籌了, Crazy.  @@"

上午班K1收生只得60位, 但我後補都要排第6位, 所以我想能夠後補上午班的機會應該未必有啦, 唉~~~

不過真的不得不讚讚父母們, 為了自己子女絕對是可以無條件付出, 即使今日要我凌晨去排隊我一樣會照排, 所以我真心覺得現今的小朋友們真的好好好幸福啊!!

最後結果只可以等學校電話通知, 希望小B能夠成功轉讀上午班啦...





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

K班大作戰結果 - (德信) AM Offer

嘩...今次真係要讚讚小B叻女, 因為小B又有Offer啦, 而且還要係上午班呢!!

只可惜一想到小B係女生, 對於未能直升這間學校的中小學問題就...真的要認真考慮考慮喇.

其實這間學校Interview時無特別考小朋友, 只係從玩玩具中觀察, 而且我仲記得老師問小B可唔可以一齊玩時, 小B好決絕咁答唔可以, 但最終竟然都收小B啵, 難道考K班時大B真的會著數一點?!  不過填表時, 因有填舅父是這學校的畢業生, 所以我想或多或少又會加一點點分數吧.





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

K班大作戰結果 - (明我) PM Offer

當大家還在忙著帶小朋友去Interview之際, 我這個Hae媽已經完成了5間學校Interview之餘, 而且還已經收到有學校Offer啦.

嘩...嘩...嘩...今次收到Offer真的超興奮, 勁開心呀, 因為這是我最心儀的幼稚園之一嘛.  雖然我申請的是上午班, 而今次Offer只有下午班, 但都已經好過唔收小B了.

果然有爸爸陪去Interview, 表現和結果都會係咁出人意表, 哈哈~

最後媽媽我希望下星期一可以繼續順順利利, 幫小B排得候補上午班學位...始終下午班時間無咁方便婆婆同無咁見洗嘛.

< 媽媽繼續自我興奮中 ^^ >





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

K班大作戰 - 5th Interview (救世軍陳昆棟)

08.11.2014

呼...終於都去到最後一場面試, 今日之後小B就不用再跟媽媽一起為幼稚園面試而瀕撲啦, 皆因一切都已成定局, 所以現在只可以平常心去等待面試結果!!

大家係咪覺得好奇怪, 明明記得小B已經讀緊救世軍學校都仲走去救世軍Interview呢, 其實今次In的這間救世軍是半日制的, 所以即使最終媽媽決定讓小B繼續讀Happy School的話, 都想小B可以轉返半日嘛, 所以有理無理照去報名.

今日媽媽懶醒, 打算提早半小時去到就可以早點進行面試, 點知...原來連學校門口都唔入得囉, 只可以在門外等候, 幸好小B都好乖, 竟然靜靜的跟媽媽一起在門外排隊, 結果就連站在門外的老師都大讚小B乖乖呢, 哈哈~

等了大約25分鐘, 終於被安排入內聽簡介會, 一聽之下...果然跟小B現在讀的那間救世軍差別不大, 但眼見上次出席導覽日和今日出席面試的小朋友, 佔了一半都是大陸人, 媽媽....我...確實...巧矛盾啊!!

簡介會好快就完了, 小朋友們可以齊齊入課室面試啦, 今次的面試形式超輕鬆, 跟第一間德信一樣, 從玩玩具中觀察.  首先...好像都是有6位小朋友一齊進行, 入課室後老師安排家長及小朋友一起坐, 然後老師就跟大家講故事, 從中觀察小朋友是否明白, 而且亦會觀察家長們跟小朋友的溝通情況, 故事完畢就各自四散去玩自己心儀的玩具, 今次小B選擇了玩泥膠, 玩泥膠時老師和校長分別都有走過來跟小B傾計, 例如問小B名字, 跟誰來學校進行面試, 以及問問小B正在把泥膠搓出什麼東西之類等問題, 過程輕鬆又簡單, 完全不覺得自己正在面試當中, 所以大家都沒有壓力架, 整個過程大約30分鐘就完成, 12月中旬就會有結果, 不過兩間救世軍比較之下, 我還是喜歡小B現在全日的那間多一點, 最起碼我唔覺有大陸人囉, 就算有都應該唔多.

所以就算這間學校收, 我都未必會考慮, 原因係太多大陸人了...  





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

K班大作戰 - 4th Interview (保良局歐陽少芳)

08.11.2014

終於都去到最後一日Interview啦, 今年少少地跟去年一樣要In 5間學校, 不過今年出奇地覺得好辛苦囉, 所以真心覺得自己去年大住肚帶小B去In 5間學校好厲害架, 哈哈!!

一早起身小B就話唔想去學校面試, 可能去得太多, 小B自己都覺得辛苦, 但經我三言兩語之下, 好快小B就肯起床刷牙洗面換衫跟我出門去學校喇...

由於落雨關係, 媽媽免得麻煩, 所以選擇了搭的士.  我們提早15分鐘就到達學校, 之後好快就被站在門外的外藉老師 (應該是印度人)帶到課室門外等候面試, 等了不到5分鐘, 我和小B跟兩位家長及小朋友一起被安排到課室進行Group In, 家長有家長們In, 小朋友有小朋友們In, 整個Interview都是以全英語進行, 我信小B識答就奇啦...

不過媽媽我一早就於網上得知, 這間學校是會以全英語面試, 但唔試就連丁點入選機會都沒有嘛, 所以就即管抱住去吸取經驗的心態面試喇, 果然...今日媽媽我獲益良多呀, 終於見識到家長們如何Show Off自己了, 相反我就答得超Hae, 始終自問英文唔叻, 足以溝通已經覺得可以, 所以無謂講多錯多.  一開始外藉老師分別問我們3位家長幾個問題, 之後我就見有位本地老師行到小朋友台跟他們進行面試, 雖然老師是本地人, 但她都是以全英語跟小朋友們對話的, 我留意到除了其中一印藉小朋友算是有給老師反應之外, 小B和另一位小朋友都沒太理會老師, 雖然我聽唔到老師問小朋友的問題, 但小B完全無反應, 所以老師好快就In完小B, 我絕對有理由相信, 憑著我們倆母女的表現, 一定不會獲取錄.  算...反正我去學校前已經預料到會是這樣, 所以平常心啦.

面試完老師送上小禮物後就可以離關, 前後面試都不過15分鐘, 果然是快來快去.

離開學校時, 我問小B是否不明白老師問題, 小B點頭, 而我亦真心覺得這間學校的面試方式對於一個兩歲多的本地小朋友好像太難了, 因始終並非每一位小朋友都會以英語作為母語, 所以難怪小B於面試期間我見她有想逃離現場的衝動, 哈哈~

今次機會難得, 下次當我們再預到類似的Interview時, 希望大家都可以做得更好!!





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

K班大作戰 - 3rd Interview (迦南)

07.11.2014

今日特地請假帶小B去Interview, 可惜爸爸要返工, 所以媽媽就只好單拖帶小B去面試喇.

我們按原定時間早了10分鐘到達, 在門外排隊等候了一會便可入內登記, 接著再帶小B到遊戲區玩, 等候簡介會開始.  原來今年教育局統一安排了所有參加學劵制的學校於明年1月22-24才可辦理入學登記, 那即是話...今年應該不用白交留位費了, Good!!

但大前提係...有學校收再算吧, 哈哈~

用了十數分鐘聽完簡介會後, 我們再到遊戲區等候叫名入課室面試, 可能太遲才交報名表, 結果我們的編號都算是蠻後的啊, 好像差不多是尾2, 尾3位才到我們面見.

一入課室, 小B依舊照媽媽意思, 跟老師講午安, 然後老師便開始進行面試喇, 首先老師問小B名字, 是誰帶她到學校, 接著就叫小B穿珠仔, 穿完珠仔當老師準備收時, 小B好有手尾地拆完珠仔才交給老師 (這是小B學校教的, 因要訓練小朋友有手尾), 結果老師大讚小B乖, 然後老師再拿出拼圖, 由於這幅拼圖對小B有少少難度, 所以媽媽和老師都有輕輕協助她, 結果最後當然順利拼回啦, 接著老師拿出4張英文字畫咭問小B, 出奇地...原來小B識答架, 等我一見到英文字畫咭時還馬上替小B擔心添, 最後老師再叫小B按大少次序疊高, 問媽媽幾條簡單問題就完成.

由上星期至今的3個面試表現都令人滿意...Good Job~

最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

K班大作戰 - 2nd Interview (明我)

01.11.2014

繼上午Interview完之後, 下午我地又再出戰, 今次這間明我是媽媽最最最心儀的學校, 所以如果明我肯收小B, 媽媽一定會開心到傻!!  其實上年我都有幫小B報名架, 只可惜因剛生完妹妹B出院太忙, 我竟然連面試日期都錯過了, 結果...當然係事後才突然醒起啦, 唉~

今次有爸爸相伴, 小B表現得好開心, 爸爸在的士上更不斷提小B記謹要回答老師所有問題, 然後再隨便問些有關幼稚園會考的問題, 小B都能夠逐一回答爸爸, 最後有爸爸陪伴下, 小B面試表現非常之好, 絕對值得一讚, 所以即使最後未被取錄, 我都當小B成功.

原本媽媽預早了時間出門, 打算早點到學校好讓小B熟習一下環境, 但今日可能因為太多學校面試日的關係, 結果塞車囉...幸好最終都能夠準時到達.

一去到門口登記完, 再到等候區等候, 約5分鐘左右, 老師就安排了10位小朋友與10位家長到玩具室玩玩具, 入到課室...小B問我點解爸爸唔入得, 又話想出去搵爸爸, 幸好媽媽輕輕講了幾句, 小B都好乖自己玩玩具, 然後老師逐一走過來跟家長們對名, 再問小朋友名字, 幾歲, 小B答完後我見老師有在報名表背後寫下幾句, 老師又問我小B還有否午睡習慣, 接著到問下一位小朋友時, 小B突然話想去洗手間, 其實我覺得...這樣可以順道表現給老師知道, 小朋友已成功戒片也未嘗不是一件好事.

去完洗手間, 老師指示我們再到第2個等候區等候面試, 今次我叫爸爸陪小B入課室, 免得小B心掛掛爸爸.  起初爸爸跟小B講, 爸爸未見過老師會驚驚, 叫小B跟媽媽入課室, 但小B突然好老積地拋下一句"爸爸唔洗驚, 有我係度嘛"!!  嘩...真係想笑死人咩, 幾時學得咁老積架.  最後爸爸被欽點之下, 當然要陪小B入課室見老師啦.

好快...老師就叫小B在門外準備啦, 老師話小B好高大, 問小B幾歲, 小B好乖自己答老師, 雖然未入課室面試, 但是日所有老師問的問題, 小B都唔怕醜自己回答, 叻女.

入到課室, 我在門外偷望他們面試, 首先老師再一次問小B名字, 幾歲, 然後就正式開始喇.  我見老師拿出生果, 杯等物件叫小B回答這是什麼東東, 小B當然識答啦, 之後老師就拿出拼圖叫小B拼, 由於老師有先作一次示範, 所以小B都能夠跟住做, 接著再叫小B入形狀, 平時在家叫小B入形狀, 無一次可以成功全中, 因為小B唔肯正經入囉, 不過老師叫就竟然好順利入中啵, 最後老師拿著一幅圖畫, 再問小B圖中是什麼動物, 小B都能夠一一作答, 對於下午這個Interview的表現, 爸爸媽媽真的非常非常滿意.    

之後小B跟爸爸再被安排到主任室見主任, 拿過小禮物就完成了整個面試.

你合作時, 爸爸媽媽都好合作, 一於去公園玩過飽玩過夠才再回家, 哈哈!!

餘下我們還有3個Interview, 小B你要繼續加油啊~





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

K班大作戰 - 1st Interview (德信)

01.11.2014

踏入11月份, 亦即代表K1 Interview大戰正式開始...今年媽媽我會抱住順其自然的心態樂觀面對, 皆因根據去年經驗所得, 取錄與否其實跟小朋友表現沒有太直接關係, 反而家庭背景才是主要因素, 所以有學校收其實都已經好好了, 至於心儀與否就只能講彩數啦...

其實我真的好想問問幼稚園收生準則究竟是用什麼來定斷, 有媽媽朋友於九龍塘名牌學校任職教師, 她說她們學校所收的學生, 父母個個都屬專業人士, 由此可見...這間學校收生準則就好明顯啦, 但我們考的並非九龍塘區名校, 究竟收生又以什麼來做準則呢?!?!?!

好...還是入正題吧, 反正我永遠都不會找到真正答案. 

今日小B要In兩間學校, 幸好時間方面配合得好好, 上下午各In一間就可以, 小B...你要加油啊~

首先第一間 - 德信

(之前幫小B報讀這間學校時, 曾經爭扎了好一陣子.  如果小B是男生, 我想也不用想應該就會報名, 因為可以直上德信小學及德信中學, 只可惜小學和中學都是一間男校, 女生的話就要另作安排, 但唯一好處是...超近婆婆家, 約5分鐘路程就可回到學校, 所以最終還是報名了.) 

我們準時10:15到達學校登記, 然後按照指示到等候區等候.

一開始時, 小B好像有少許緊張...

 不過同姨姨影完一輪相後已經變得好輕鬆啦...

雖然中小學是男校, 但想不到幼稚園都有蠻多女生報讀啵, 莫非大家都貪近, 哈哈~

等了一會兒, 我負責陪小B去面試, 而姨姨就負責去聽簡介會, 首先6位小朋友及家長安排到一個課室裡, 然後老師會叫小朋友自己玩玩具, 而家長就坐在另一旁, 我見有兩位老師從玩玩具時觀察小朋友, 間中會問問小朋友問題, 但都只是以好輕鬆形式去問, 完全唔似考小朋友.  而有另一位老師就負責跟每一位家長逐一問幾句.

首先老師問我有幾多個小朋友, 然後又問放假會帶小朋友去邊度玩, 最後問點解會報德信, 有否看過德信網頁就完成, 超Hae...  不過媽媽我都答得好Hae, 所以如果唔收, 可能都係因為媽媽我答得唔好, 哈哈~

另外我見小B玩玩具時, 老師都有問小B叫咩名, 又問小B邊個係媽媽, 之後隨意拿著一塊積木問小B顏色, 不過小B無答, 接著老師問小B一齊玩好唔好, 小B竟然答唔好, 真吹漲, 前後大約15分鐘左右就完成整個Interview啦.

離開時, 每人獲贈汽球一個.

今次就當係一個熱身, 希望下午場Interview小B會有好表現啦!!

唔知點解, 小B話唔鐘意呢間學校, 即使回家後再問了小B好幾次, 答案依舊係唔鐘意.

P.S: 不得不提...返N班後去Interview, 對老師表現出奇地有禮貌, 就如今次Interview觀察得知, 會主動跟老師說早晨, 再見及謝謝, 離開坐位時更加會自動自覺拍櫈, 學校果然係教導有方, 哈哈!!





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

Take It Easy

對我來說...幼稚園K1報名終於完結, 媽媽暫且可以鬆一口氣, 接下來11月的Interview就要交由小B自己負責嚕.  原先媽媽雄心勃勃打算報盡區內或區外附近我認為好的幼稚園, 只可惜心中那團火突然熄滅了, 講到底其實都係因為媽媽我懶者, 結果最終只報得6間學校, 究竟明年能否轉校就要看小B今年的彩數啦, 而經過去年的徹底失敗後, 我已經不敢再抱有期望, 一切就順其自然!!

近一星期, 陸陸續續收到學校的面試通知, 幸好媽媽最終只報得6間, 否則整個11月小B都將會忙過不停, 暫時4日時間就可完成6個Interview, 祝願我們順順利利吧.

雖然話就話有6個Interview, 但現在肯定有一個Interview要放棄, 因為當天小B學校親子旅行, 當我報完名交完錢之際才知道撞日子, 那就唯有放棄Interview喇, 幸好這並非是我最心儀的學校, 不去也未見覺得可惜.

還有個多星期, Interview大戰將會正式開始, 今年我沒打算事前幫小B做Training, 皆因我不想將我的壓力都轉嫁到小B身上.

究竟媽媽何以突然會變得毫不在乎似呢?!

是因為我真的太累了嗎....

還是對於這個龍年效應的搶學位遊戲一早已經打定輸數...  





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

救世軍陳昆棟 - 導覽日

星期六早上, 媽媽帶了小B到陳昆棟幼稚園參觀, 其實這所學校正正就是位於小B學校樓下, 而且大家都同是屬於救世軍, 所以小B對於這所學校好像蠻熟悉似的.

由於我們遲到了, 所以一去到老師就快快安排了我們到其中一個課室聽外籍老師講故事, 今次小B表現出孚我所料, 竟然可以自行找個位置便隨便坐下, 完全未見有陌生情況, 老師問問題時小B還會舉手添啵, 或許這就是返學後的大進步吧.  最令我驚喜的是, 原來這所學校竟然是有外藉老師教英文的呢, 真是要讚一讚啊!!  聽完故事, 我們再被安排到二樓音樂室唱唱歌跳跳舞, 小B又出奇地表現得好主動, 看來返學後小B真的大個女了.  接著再去玩下美勞, 參觀一下校園, 再到平台的遊戲區玩了一會兒, 兩小時的校園導覽就此完結!!

最後有人竟然玩到話想讀呢間救世軍, 唔讀自己個間喎...哈哈~





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

大朦媽媽

今早媽媽特地叫姨姨帶小B返學, 好讓我可以早點出門去交報名表, 交表時間由9時開始, 當我落車行去學校之際還在想, 現在9時未夠, 究竟學校會否讓我先交表呢?!  結果我這個想法真的超級多餘, 因為當我一行到去學校時, 就見到大約有7, 80人在輪候交表喇!!  其實我都係第一次遇著交表要排隊, 再加上朋友提醒, 我才知道這間學校算是區內數一數二的呢, 難怪....

雖然交表人數眾多, 但慶幸學校收表效率蠻高, 大約差不多半小時左右, 我就已經可以去到前面位置喇.

可惜當我還未到櫃台交表時, 已經有在場老師話我資料不足, 要帶齊資料才可再來...唉~

明明事先已經知道要帶正本出世紙, 點知最終還是忘了帶正本, 變相今日就白行一趟嚕, 媽媽我真的除了無奈就只有無奈.

下次再去交表時, 一定要Double Check再Double Check, 免得浪費車錢又浪費時間.





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^ 

開始報K1

踏入9月之後, 家長們又要開始忙著報K1啦.

雖然最終未知明年會否幫小B轉校, 但今年我還是要繼續參與這個令人煩擾的遊戲...所以唔洗再煩報K1的媽媽們, 我真心想恭喜你地.

其實由小B上星期正式返全日班開始, 爸爸, 婆婆和姨姨分別都有提及過唔捨得小B讀全日班, 原因是要一個2歲多的小朋友返那麼長時間好像太辛苦了吧.  雖然間中我都覺得要小B讀全日班是有點殘忍, 但沒辦法呀...誰叫我家無工人, 又沒可能叫婆婆長時間一湊二, 為了想減輕婆婆負擔, 就唯有要小B讀全日班喇. 

但既然今次婆婆主動開聲叫轉半日, 所以今年一於主打報半日班K1, 所有全日班通通唔再考慮, 免得到時又心大心細.

暫時9月可以報的就只有這幾間, 10月還有一大堆報名表等著我呀, 唉~

另外去年報了圓方商場某間幼稚園N班, 雖然最終面試後未有取錄小B, 但今早竟然再一次收到該校寄來的面見通知書, 通知我們11月去進行K1面試呀, 但明明我今年無再報名啵, 不過...可惜這間是全日班呢, 所以我沒打算帶小B去面試了, 這些機會就留給其他小朋友吧. 

今年跟我一樣繼續要報學校的媽媽們, 大家一齊加油加油加油!!!!!!





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

小B大任務 - 5th N班 Interview 結果 (駿發花園浸信會)

上月跟救世軍同一天Interview的那間浸信會, 今日終於收到通知信啦...  雖然小B面試當日做足老師所有要求, 而老師亦有讚小B全部都能做到, 所以我一直都認為學校應該是會取錄小B的 (雖然沒打算入讀), 但收信時結果卻出孚意料之外, 小B竟然只被安排為後備生, 有時真的好想知道每間學校的收生準則, 好讓家長們容易接受結果.

即使本身沒打算選入讀, 但見小B Interview時表現大好, 而學校又竟然不取錄她, 心中確實有點不是味兒.

誰說大B找學校會比較容易?  誰說大多數學校都愛收大B?  現在我絕對有理由相信找學校全都是靠小朋友自己運氣, 唉!!  ~.~

小B大任務 - 4th N班 Interview 結果 (救世軍卜凱賽琳)

Yeah...小B又有Offer啦, 正如我上次所講, 媽媽表現真的不錯啊, 哈哈!!  ^^

今次交過留位費後, 我決定放棄下個月的Interview了, 雖然那間明我才是我心目中的首選, 但到時我應該正在坐月中, 而且學校又只得半日制, 地點又不算太近婆婆家, 考慮過幾種因素後, 覺得都好像不太適合我們.  加上之前亦已經浪費了一千元於循道衛理交留位費, 為免自己想得太多和再花太多金錢在留位費上, 所以我決定聽小B爸話...疊埋心水讀這間就好了, 反正我一早就希望小B可以入讀救世軍嘛.

如無意外, 應該都不會再有變卦, 小B 9月份就會入讀這所幼兒園啦,  我見朋友姨甥仔讀這間學校好像很不錯, 希望媽媽真的沒有選擇錯誤啦, 我只希望小B的幼稚園生活可以過得開心愉快.

小B大任務 - 5th N班 Interview分享 (駿發花園浸信會)

18012014

緊接第一場Interview後, 馬上我們又要到另一間學校Interview, 幸好兩間學校距離不遠, 只是約10分鐘路程, 最後我們還提早了15分鐘到達...

等候Interview期間, 全部小朋友一起擠在校門外的小小Playground玩, 好迫好迫, 不過小朋友們一樣玩得開心, 雖然耍樂設施不多, 但小B都玩到唔捨得離開.  未知於我們Interview的時段裡, 小B是否最大一位的小朋友呢, 因為姨姨發現今日全場最高大的人竟然是我家小B呀, 勁~

(剪髮後的小B帶一點傻氣, 媽媽覺得好可愛呢!!  ^^)

玩了十多分鐘左右, 好快我們就被老師叫進禮堂進行面試啦.  今次面試非常簡單, 老師主要考小B疊高積木, 圖畫配對及會否聽指令收拾玩具等, 基本上對於小B來說, 完全沒難度可言.  而個人亦認為, 今日兩間學校都好大機會會取錄小B, 當然最後都是要等學校書面通知啦, 不過這間學校並不是我心水囉, 所以就算取錄, 我都未必會考慮.

除了並非我心水之外, 這間學校的上學時間都比別的學校早+長時間...一般全日制學校都是返8:30-9:00左右, 但這間竟然是8:00呀, 即使是我自己上班, 8:00還在家裡未出門呢, 所以要小B返8:00放4:30的話, 實在是說不過呀...