終於都去到最後一日Interview啦, 今年少少地跟去年一樣要In 5間學校, 不過今年出奇地覺得好辛苦囉, 所以真心覺得自己去年大住肚帶小B去In 5間學校好厲害架, 哈哈!!
一早起身小B就話唔想去學校面試, 可能去得太多, 小B自己都覺得辛苦, 但經我三言兩語之下, 好快小B就肯起床刷牙洗面換衫跟我出門去學校喇...
由於落雨關係, 媽媽免得麻煩, 所以選擇了搭的士. 我們提早15分鐘就到達學校, 之後好快就被站在門外的外藉老師 (應該是印度人)帶到課室門外等候面試, 等了不到5分鐘, 我和小B跟兩位家長及小朋友一起被安排到課室進行Group In, 家長有家長們In, 小朋友有小朋友們In, 整個Interview都是以全英語進行, 我信小B識答就奇啦...
不過媽媽我一早就於網上得知, 這間學校是會以全英語面試, 但唔試就連丁點入選機會都沒有嘛, 所以就即管抱住去吸取經驗的心態面試喇, 果然...今日媽媽我獲益良多呀, 終於見識到家長們如何Show Off自己了, 相反我就答得超Hae, 始終自問英文唔叻, 足以溝通已經覺得可以, 所以無謂講多錯多. 一開始外藉老師分別問我們3位家長幾個問題, 之後我就見有位本地老師行到小朋友台跟他們進行面試, 雖然老師是本地人, 但她都是以全英語跟小朋友們對話的, 我留意到除了其中一印藉小朋友算是有給老師反應之外, 小B和另一位小朋友都沒太理會老師, 雖然我聽唔到老師問小朋友的問題, 但小B完全無反應, 所以老師好快就In完小B, 我絕對有理由相信, 憑著我們倆母女的表現, 一定不會獲取錄. 算...反正我去學校前已經預料到會是這樣, 所以平常心啦.
面試完老師送上小禮物後就可以離關, 前後面試都不過15分鐘, 果然是快來快去.
離開學校時, 我問小B是否不明白老師問題, 小B點頭, 而我亦真心覺得這間學校的面試方式對於一個兩歲多的本地小朋友好像太難了, 因始終並非每一位小朋友都會以英語作為母語, 所以難怪小B於面試期間我見她有想逃離現場的衝動, 哈哈~
最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!! ^^
小B莫非有先见之明？預知是英文in ，所以唔想去in？
回覆刪除而家d幼稚園真係好巴閉，當吸收下經驗啦
回覆刪除