對我來說...幼稚園K1報名終於完結, 媽媽暫且可以鬆一口氣, 接下來11月的Interview就要交由小B自己負責嚕. 原先媽媽雄心勃勃打算報盡區內或區外附近我認為好的幼稚園, 只可惜心中那團火突然熄滅了, 講到底其實都係因為媽媽我懶者, 結果最終只報得6間學校, 究竟明年能否轉校就要看小B今年的彩數啦, 而經過去年的徹底失敗後, 我已經不敢再抱有期望, 一切就順其自然!!
近一星期, 陸陸續續收到學校的面試通知, 幸好媽媽最終只報得6間, 否則整個11月小B都將會忙過不停, 暫時4日時間就可完成6個Interview, 祝願我們順順利利吧.
雖然話就話有6個Interview, 但現在肯定有一個Interview要放棄, 因為當天小B學校親子旅行, 當我報完名交完錢之際才知道撞日子, 那就唯有放棄Interview喇, 幸好這並非是我最心儀的學校, 不去也未見覺得可惜.
還有個多星期, Interview大戰將會正式開始, 今年我沒打算事前幫小B做Training, 皆因我不想將我的壓力都轉嫁到小B身上.
究竟媽媽何以突然會變得毫不在乎似呢?!
是因為我真的太累了嗎....
還是對於這個龍年效應的搶學位遊戲一早已經打定輸數...
最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!! ^^
"不想將我的壓力都轉嫁到小B身上" 講得對!! 好認同!
回覆刪除可能順其自然會好D呢
我都係咁諗, 有時迫得太緊反而會有反效果~
刪除有N班讀緊, 點都有間係手, 今次可以輕鬆啲啦~
回覆刪除其實都係架...起碼唔會無書讀先, 只係我嫌呢間學校太過happy school, 驚佢第日上小學追唔上者, 如果繼續讀就唯有遲d俾佢出去學下野囉~
刪除我都真心覺得大人小朋友都辛苦，玩一次已經夠> <
回覆刪除你就好啦...今年唔洗再玩呢個遊戲, 我出年仲要幫妹妹報添啵, 唉~
刪除加油呀AMY MAMA
回覆刪除加油呀。。!!!!
回覆刪除加油! 大家都加油~ 我地今年都要玩呢個遊戲~
回覆刪除加油呀﹗小B咁叻又大個女咗應該會好好多﹗
回覆刪除我都係報左2間出名啲同區學校咋，講懶我一定懶過你 XD
回覆刪除