Next 入手

相信好多人都知道只要用新Account, 再加Promotion Code於Next購物, 全單滿$500就可減$150, 所以我都開始入手了.  今次優惠只做到12月14, 所以要買就要快手啦!!

今次少少地買滿$500就收手, 稍後將會再開新Account買多兩轉.

是次除了對鞋仔不是小B, 其餘全部都是小B的...

以前小B嘅衫, 有8成以上都是由朋友轉贈, 而且好多都好新淨, 但隨住年紀開始大, 轉贈衫褲鞋襪予小B嘅朋友亦開始少, 所以今年開始每逢轉季都要買, 買, 買.  加上最近天氣開始稍涼, 去年的衫褲大部份都已經唔岩身, 唯有快快先入幾套睡衣和幾件上衣, 免得一下子轉涼時完全無衫著.

今次買的碼數是2-3歲, 衫身不算大, 只是衫袖略長1-2cm, 反而褲則略長4-5cm左右, 應該穿一整個冬天是沒問題的.

另外買了兩件白色長袖內衣返學著, 其實這款內衣是男裝來的, 因為女裝暫時只得背心款, 再者內衣都只不過是穿在校服內, 根本無人會知道究竟是男裝還是女裝, 所以就買來試試, 今次先買兩件試碼數, 遲些要再多入幾件替換.

至於買給妹妹的鞋仔, 碼數已經是買6-12個月, 但妹妹腳仔實在太大啦, 只是僅僅穿到而已, 或許應該可以穿到一個月吧, 唯有下次再買大一個碼1-1.5歲啦, 唉!!

雖然我並非首次於Next購物, 但今次的經驗確是有點不快, 可能因為Promotion期間太多人購買的關係吧, 反正問題已經解決, 全部貨品亦已收齊, 發洩亦已經電郵發洩過......今次我算數.

始終Next的質量確是比淘寶好, 所以我已經好耐好耐無淘衫俾小B啦.





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^