開學一個月, 基本上小B已經完完全全適應了學校生活, 所以媽媽我都已經無再擔心啦... 只是偶然無所事事時還是會掛住小B, 幸好...返學一個月, 學校就安排了家長會, 家長會讓媽媽清楚知道小B每日在校的情況, 有相有片有真相, 學校果然好細心呢, 哈哈!!
今次家長會長達兩小時, 首先跟K1班的家長們一起聽校長講解學校運作模式以及要注意事項, 接著就到主任以播片播相形式來輕鬆介紹學生們每天的上課情況, 每次媽媽一見到小B個樣出現都特別醒神, 因為我見到小B每張相都笑得好開心囉...
然後N班家長再跟班主任到課室, 聽班主任講講大概這一整年N班的教學內容, 暫時9月份, 學校比較著重N班學生的自理及品德.
之後到家長們亙相認識時間, 分享湊B心得之類, 最後再由班主任跟我們講講小朋友在學情況. 就以老師所言, 小B是個比較Social的學生, 鐘意跟同學仔玩, 又愛跟同學仔攬作一團, 更會主動拖同學仔手, 另外自理方面大致上都已經無問題, 能夠自行如廁, 穿底面褲等, 亦可自行穿回鞋襪, 不過在食方面就一般喇, 老師話小B都算揀食, 但只要迫一迫, 出少少招數阻嚇小B, 小B就會把食物吃清光, 之後更會自行收拾餐具. 點解係學校能夠自己做的事, 回家後通通唔可以自己做呢?!
至於有一樣老師叫我們要多加注意的, 就是小B的專注力問題喇, 老師話觀察了小B好一段時間, 發覺小B專注力比較差. UM...有時我會想, 如果是在遊戲時間, 問題都不算太大者, 學校引誘多的是, 要小朋友專注玩一樣野, 當然未必能夠做到, 不過我還是會按老師要求, 大家一齊再觀察一下, 希望只是老師多疑啦, 唉...
每天最享受的時刻 - 親自送返學 ^^
最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!! ^^
好叻呀，小豆子唔識穿襪
回覆刪除小B學校主張自己的事自己做, 所以係佢地能力範圍內做到嘅野, 老師都會訓練佢地, 咁樣又可以減輕到老師們嘅工作嘛!!
刪除Hannah 都係比老師話專注力麻麻，可能太多其他野係學校對佢黎講好好奇，再觀察下先
回覆刪除暫時我又唔覺有好大問題, 不過佢係學校同屋企, 完全係兩個人黎, 所以都真係有待觀察~
刪除班主任都話一仔專注力差，可能见佢坐唔定吧？
回覆刪除小B間學校真係好好呀，又貼心！
我相信大部份小朋友都係咁, 再大d可能就會好d~
刪除係咪救記呀? 好叻叻呀小B入到救記!! 真係一間好學校!!
回覆刪除而家小B好叻, 只係N班咋, 全部自理都做到哂 ^^
係呀...其實呢間學校真係幾好, 不過就太happy school囉, 所以出年K1我多數都會幫佢轉校 (如果有學校收嘅話).
刪除大部份全日制嘅學校都好著重佢地嘅自理, 因為咁樣老師先唔會咁忙丫嘛!! ^^
小B, 你湊埋BB返學啊??XDDDD
回覆刪除係呀..佢日日都要帶埋BB先肯返學架, 因為係學校訓覺時佢要搵野陪丫嘛, 係咪好醜怪呢, 哈哈~
刪除間學校好好喎，專注力問題，我估呢個年齡嘅小朋友好多都會咁呀，唔使太擔心
回覆刪除其實老師已經講左兩次, 初初聽時覺得無乜野, 不過再聽就硬係好似有問題咁.. 雖然我都明白呢個年紀嘅小朋友大多數都會係咁, 所以我會盡量叫自己唔好太擔心, 應該再大d就會好d架喇!
刪除