一不離二...二不離三

自從家中有了兩個小朋友後, 每次小朋友一病, 倆個總是會互相感染, 結果近幾次睇醫生都足以睇窮我, 今次5日內...倆姊妹就已經睇了3次醫生喇, 直至今日倆個都仍未完全好番呢, 唉~

前一篇Blog文才剛剛講過妹妹B國慶假期當天因為變了鼻涕蟲而睇醫生, 誰不知兩日後竟然又因為身體出現過敏情況而要再睇醫生.

星期五大約中午時分, 婆婆來電好緊張地話妹妹手手腳腳都長出了紅點, 像是被蚊叮一樣, 而且範圍越來越大, 為安全起見...當然叫婆婆馬上帶妹妹去睇醫生啦.

雖然情況看似幾嚴重, 但妹妹依舊食得玩得, 只是脾氣差了一點.

初初我還在想會否是食物敏感, 因為昨天飲茶時, 妹妹試了少許奶黃馬拉糕, 但醫生話由於只是手腳有, 身上沒有, 所以應該不關食物敏感事, 如果真的是食物敏感而起, 一定會全身都長出紅點, 所以今次大有可能是被蚊/蝨叮而引起的, 其實之前家姐都有試過類似情況, 所以我唔太擔心, 不過都要睇醫生食藥, 好讓紅點盡快減退.

再過兩天, 雖然妹妹未好, 但每次一不離二, 二總是不離三的, 今次終於到家姐要睇醫生啦, 其實星期五放學時, 姨姨已經發覺家姐有少少鼻水, 不過還是想多看幾天才去睇醫生, 但直至星期日早上, 家姐除了鼻水長流之外亦開始咳了, 最終還是逃不過要睇醫生的命運, 唉...

幸好倆姊妹病得黎都算精神...媽媽唯有以小病是福來安慰自己~

最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^