一家大細遊昂坪 (360 + 市集 + 天壇大佛)

11.10.2014

今日難得個個放假, 一於帶婆婆出去玩下, 就當是預早幫婆婆慶祝的生日活動吧!!

一早我們就向東涌出發, 原本打算坐23號巴士到昂坪市集, 不過見車程須約50分鐘後, 爸爸馬上縮沙, 提議改坐纜車前往, 反正我們又未坐過, 而且來回標準車廂亦不貴, 好...馬上排隊購票先, 難得今日坐纜車的人數不算太多, 所以好快就順利上到纜車啦. 

準備上纜車前, 小B表現得好奇又興奮...至於妹妹呢, 已經訓到變豬仔了.

雖然坐纜車好安全, 但其實媽媽我有畏高架...所以千萬唔好要我坐水晶車廂, 我只選坐標準的就可以, 哈哈~

Wow...我的可人兒今天好美啊, 請不要介意我間中自戀一下自己個囡吧.  XD

 媽媽攝於小B手中同樣美, 嘩咔咔咔!!

一家人有講有笑拍拍照, 25分鐘時間眨下眼就到...

其實今日主要目的係食齋, 所以到步後快快去齋堂購票, 可能已經過了正午時間啦, 所以齋堂內人數不多.

全齋宴, 而且少有味精, 好健康的一餐呢...可惜我家老闆和大小姐完全不合胃口.

相反二小姐都有捧場飲湯, 食紅蘿蔔和豆腐架.

有得食又有得玩, 笑都笑得特別開心.

飲飽食醉後, 我們再四周圍逛逛, 其實我已經好多好多年無黎大佛啦, 對上一次大概已經是8年前了.

大佛前留影~

家姐就扮大佛擺Pose, 妹妹就如大佛般坐車, 哈哈!!

原先見到幾百級樓梯真沒打算要行上去, 不過我家小B好堅持, 一定要我們全家總動員一齊行, 結果...揹住妹妹行上去, 回家後的我雙腿肌肉馬上酸痛起來, 唉...

小B時不時就擰過頭來叫我們行快一點  ~.~"

小B好叻, 幾百級樓梯竟然可以自己行上行落, 勁呀!!

到步啦, 又擺下Pose影相先...

逛一會兒拍拍照, 近距離望望大佛, 小B已經好滿足, 如果可以真想每星期都帶小B到郊外走走.

回地面前再來張一家四口照吧.  ^^

回到地面, 小B累得馬上跳上BB車, 然後我們再去食一人一碗豆腐花, 接著於市集逛逛就坐纜車回東涌去喇.

最衰穿崩, 如果唔係應該幾好笑...

今日我們一家都玩得非常開心, 主要是小B實在帶給我們太多歡樂吧.

另外預祝婆婆生日快樂, 身體健康, 繼續幫我好好照顧兩位小魔怪.

最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^