Reward Chart

最近小B越來越唔聽教, 即使軟硬兼施依然惡攪, 結果近乎晚晚都家嘈屋閉, 我有我鬧佢有佢嗌, 真的非常非常討厭, 為了盡快改善一下這種情況, 媽媽我終於要整個Reward Chart, 實行好孩子獎勵計劃, 希望小B可以做個好孩子, 媽媽亦唔洗再勞氣太多!!

記得上次媽媽我出獎勵計劃這招來鼓勵小B返學唔好喊, 結果小B真的返學無再喊呀, 有見及此, 希望今次同樣可以起到作用啦...

其實之前9月尾時, 學校曾推出過有禮貌孩子計劃, 要小朋友每天回校時跟不同老師或嬸嬸打招呼, 只要能做到...儲滿3個貼紙, 老師就會獎勵小朋友, 雖然最後小B只得兩個貼紙 (因為有一日缺席), 但小B現在已經可以做到跟不同老師打招呼啦, 叻叻~

好多媽媽話獎勵計劃永遠萬試萬靈, 但如果長期都用這一招, 我怕小B好快就會打回原形.

好...今晚回家馬上實行, 遲些再報告一下情況吧!!





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^