妹妹B ~ 8個月

12.10.2014

又一個月啦...祝我家妹妹B八個月大快樂!!  希望妹妹唔好再成日做喊包, 唔好剩係做痴媽B同痴婆B, 要做個人見人愛車見車載嘅BB!!

好...報告一下妹妹發展先~

體重: 大約16.5磅 (10月初時睇醫生磅過)

食:
奶 ~ 3-4餐 (每餐6安, 近排又可以一口氣食到尾, 可能前排有少少厭奶, 所以才要分兩, 三次食)
固 ~ 1-2餐 (午餐因婆婆無時間煮, 所以食大約5-6安杰糊仔, 晚餐就食大半碗爛飯仔)

食物方面已試過好多款, 無特別記低, 暫時未見有出現食物過敏情況, 希望繼續唔好中招!!

暫時仍算是個超愛吃的寶寶, 每次見我地食時又要問攞食, 己懂得問食就講mum mum, 唔俾食就出絕招 ~ 喊, 所以婆婆經常性投降, 基本上妹妹B已經試食過好多1歲以下的遺禁食物 (如蛋, 雪糕等).

訓: 自家姐開學後, 妹妹都一樣跟著早起, 大約8時多起床, 午睡情況繼續係差, 一日兩次小睡, 短則15-20分鐘, 長則2小時左右, 有時甚至可以全日只小睡一次, 晚上大約10:30訓, 多數在床上食奶自行入睡.

活動能力:
- 由訓變坐, 由坐變企
- 向前向後向左向右周屋爬
- 開始嘗試扶著物件開步行, 暫時可以試行兩, 三步
- 間中識反轉身落sofa (爸爸好早時已教)

性格:
比較慢熱而且勁愛人抱, 算是痴身膏藥一名, 依然最愛痴婆婆和痴媽媽.
比較懶惰, 點都唔肯自己拎野食, 菜, 手指餅等食物都唔肯自己拎, 一拎就玩, 相反大人拎住食物時, 妹妹就會自動自覺把口伸過來.

有日陪家姐睇DVD時, 懶到將頭仔放在公仔上...難道妹妹覺得自己個頭好重嗎?! 

嘩咔咔咔,  懶人代表, 一定非妹妹B莫屬.

雖然我湊妹妹的時間比起當年湊家姐時間多, 但一下子要我講妹妹發展, 我又好難太詳細講出,或者我這個媽媽實在太得過且過喇, 哈哈.

7個月和8個月的發展好像都差不多, 有些事媽媽甚至都已經忘記了, 所以希望每個月都盡量記低...  記得小B當年, 媽媽超懶, 見唔係自己湊更加無特別去寫每月進展, 所以現在好難用妹妹來跟家姐進度作比較, 不過大致上妹妹都算跟得上, 只係難湊過家姐.  :P





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^