玫瑰玫瑰...我恨你

相信有小朋友的爸媽都好清楚玫瑰疹是怎樣一回事, 而我亦都已經是第2次接觸, 所以對於妹妹今次持續高燒時, 其實都未有表現得太過緊急, 加上最近有幾位同妹妹差不多大的BB都相繼先後出過玫瑰疹, 所以大概都猜到應該是輪到妹妹了.

相反當年小B出玫瑰疹時, 因是初次接觸的關係, 完全唔知如何應對, 睇醫生之餘還擔心因持續高燒會令小B變低B, 幸好...小B目前還算精靈, 哈哈!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

25.10.2014
星期六早上, 爸爸發覺妹妹好像有點熱, 但因家中沒有探熱器(當年只買得一個放在婆婆家), 結果當然是馬上外出購買啦, 順道食個Bunch才再回家, 在街時見妹妹無發燒就不以為意, 直至回家午睡醒來後, 當我抱起妹妹一刻, 嘩...好熱呀, 妹妹整個人好像在發滾似的, 一探之下原來已經燒到38.6度了, 雖然未算好高燒, 但為求安心還是決定馬上坐的士到佐敦睇醫生, 幸好鄭醫生今日收7點, 否則又要到醫院門診折磨好幾小時.

由於整個10月, 倆姊姊不停交叉感染, 而醫生亦診斷今次妹妹發燒是因喉嚨發炎所致, 加上我自己又正在大傷風中, 所以有一刻真的以為正如爸爸所說...我又惹病了妹妹, 但當仔細觀察了一會後, 我發現妹妹除了發燒, 好像都未見有其他症狀啵, 算...唔想去考究了, 只想妹妹快快好起來.

雖然妹妹第一日不算好高燒, 而且食過退燒藥後亦已退燒, 但免得玩得唔盡興, 所以都決定星期日取消出席Hayden哥哥的3歲生日Halloween Party.

雖然發燒...但依然生猛!!

26.10.2014
星期日早上, 妹妹好像未有再燒了, 當我和爸爸都以為可以放輕鬆之際, 誰不知由下午開始突然又再燒起來, 而且越燒越高, 即使食過退燒藥, 塞肛, 高燒依然未有減退, 維持在39.5度左右, 就係因為咁, 我開始懷疑妹妹唔係喉嚨發炎, 而係出玫瑰疹.

27.10.2014
凌晨開始, 妹妹久不久就喊醒, 媽媽同婆婆當然徹夜難眠啦, 久不久就走去幫妹妹探熱, 結果最高燒時原來燒到40度呀, 一整晚未有退燒, 真係好陰公豬囉.

由於媽媽實在太眼訓, 最終決定請假同婆婆一齊照顧妹妹, 幸好家姐要返學, 妹妹又肯訓覺休息, 媽媽才可襯機補眠咋, 真係眼訓到呢...

直至下午開始, 妹妹由高燒變為低燒, 一直徘徊於38.5度左右, 然後到晚上...燒終於開始退了.

 

28.10.2014
一切回復正常...

既然無事, 妹妹究竟喊乜呀?!

我猜...可能是因為不滿面上和身上都長出玫瑰疹來, 覺得自己好醜樣, 所以用喊來表示對玫瑰的憎恨, 哈哈~





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^