推介 ~ 舒特膚保濕霜

雖然已為人母差不多三年, 而且生的兩個都是囡, 但其實我一直都無特別研究買邊款保濕Cream俾兩個囡用架, 直至跟朋友傾開才知道, 原來朋友一年365日, 每天早晚都會幫愛囡揸Cream的, 難怪朋友個囡皮膚可以幼滑如絲啦, 相反我兩個囡早晚都無揸Cream, 結果皮膚猶如沙紙般的"鞋"!!  唉...看來我要多加注意, 好好幫她們保養, 免得她們長大以後走來怪我就慘了.

之前每逢冬天我都會買盒馬油幫小B揸面及揸身, 不過馬油好大盒, 而且存放期短, 加上太油膩不適合夏天用, 所以基本上過完一個冬天後整盒馬油已經可以丟掉, 有見唔環保兼太浪費, 所以今年我唔再買馬油啦.

至於Sample我也有用過Mustela和Kiehl's, 但就是不太喜歡囉...

Mustela - 香料味實在太重, 香到我接受不了, 而且質地又不夠滋潤, 所以試了兩三次就無再用喇.

Kiehl's - 經皮膚醫生測試及認可, 而且沒有香料, 理應是不錯的, 但質地偏立, 當皮膚乾燥爆拆之後才用未能即時見效.  (當然不是人人都像我一樣, 到乾燥爆拆才去找急救方法啦, 所以如果是持續使用的話, 這款Cream還算是不錯的.)

試用過兩款Cream都未有岩心水, 最後唯有找些媽媽朋友來介紹, 經2月媽媽朋友介紹之下, 我選擇了買舒特膚來試試, 一黎好多醫生推介使用, 二黎敏感肌都適用嘛, 我和小B的皮膚都屬易敏感型, 三黎它亦標榜對付濕疹皮膚有不錯效果, (Touchwood)雖然倆姊妹無濕疹, 但爸爸濕疹就非常嚴重喇, 所以都想俾爸爸試用一下, 剛好一盒兩支裝, 即買.

近日天氣乾燥, 倆姊妹兩塊面豬都變得乾乾的, 買回家後馬上幫倆姊妹揸, 雖然好像有少少立, 但好快就完全被吸收了, 直至第二天當我再摸倆姊妹面豬時, "鞋鞋"的感覺已得到改善, 連續用了兩天後, 皮膚還迅速變回滑滑的呢, 讚呀!!

希望忙到暈嘅媽媽我可以盡量記住每日都幫倆姊妹揸一次Cream啦.  XD





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^