親親大自然之大棠有機生態園

天氣開始稍涼, 假日親子活動終於可以揀去親親大自然, 不再只局限於商場了!!

今日婆婆生日, 我們一家人當然要帶婆婆出外走走啦, 只可惜小B爸和馬仔哥哥都要返工, 算...沒有他們, 我們一樣可以玩得好開心, 但少了兩位壯男, 我們就要辛苦一點啦.

山長水遠, 搭西鐵轉巴士再步行約15分鐘, 用了個多小時, 終於到達目的地...

要入場首先當然要買票啦, 如果打算純參觀, 入場費只需$30便可, 但如果想參觀之餘仲想玩遊戲(3個), 那麼入場費就要$80啦, 每個遊戲會收一張遊戲劵, 如要騎馬則收兩張, 為了讓小B有足夠遊戲劵玩, 最後我們共買了兩張連遊戲劵的門票, 其餘兩張則是入場參觀門票. 

首先一去到就見到馬房, 我們當然入去睇睇啦.

難得近距離接觸, 點可以唔影相啵.

妹妹嘅視線, 完全離不開隻馬.

起初小B見到好多馬馬時, 不停叫住馬馬, 仲嚷著要餵馬, 但結果呢...當然係驚到唔敢餵啦.

姨姨同小B兩個真係好好笑, 又要驚又要餵...

最後成杯蘿蔔就由亞父來餵清光喇.

餵完馬, 隨便找個地方坐下來餵妹妹食飯仔, 然後輪到我們去食豆腐花, 之後再同家姐去餵錦鯉...

嘩...好多魚魚呀~~~

小B實在連興趣都跟爸爸一樣, 竟然鐘意魚囉, 你睇小B餵魚餵得幾開心...

其實咁多人餵魚, D魚會唔會飽到反肚架, 哈哈~

小B做乜東東呢?  原來佢要引D魚魚過黎俾妹妹睇...

餵完魚...又起程到下一個點啦, 今次小B話要玩吹氣彈床.  

返學後, 小B真的變得獨立了, 不再像以前般連玩都要我們陪在左右, 現在好明顯已經有毛有翼曉飛啦, 唉~

沿途經過見到有得坐牛車, 不過只圍繞著一小個地方行圈就要收一張劵, 我覺得好不值得囉, 而且亦覺得牛牛好慘, 所以最終沒有選擇坐牛車.

行到累了, 我們都想休息一下, 所以就讓小B在空地玩Bubble喇.

 

之後打算去餵羊仔...不過小B一開始就已經俾馬馬嚇親, 所以點都唔肯行過去.

叫到口水乾終於都肯行過去啦, 但唔夠10秒就閃開.

既然唔餵羊, 那就行過隔離撈金魚啦, 反正小B鐘意魚魚嘛.

似模似樣咁款...可惜撈唔到呢.

好, 一於再接再厲.

我撈..我撈..我撈..

都係撈唔到添...

 雖然最終一條都撈唔到, 不過一樣玩得好開心.

雖然大棠這個地方有點遠, 不過總算能夠讓我們跟大自然親近一點, 下月中小B學校親子旅行將會去錦田鄉村俱樂部, 到時我同小B又可以再玩過啦, yEAh~





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^