開始報K1

踏入9月之後, 家長們又要開始忙著報K1啦.

雖然最終未知明年會否幫小B轉校, 但今年我還是要繼續參與這個令人煩擾的遊戲...所以唔洗再煩報K1的媽媽們, 我真心想恭喜你地.

其實由小B上星期正式返全日班開始, 爸爸, 婆婆和姨姨分別都有提及過唔捨得小B讀全日班, 原因是要一個2歲多的小朋友返那麼長時間好像太辛苦了吧.  雖然間中我都覺得要小B讀全日班是有點殘忍, 但沒辦法呀...誰叫我家無工人, 又沒可能叫婆婆長時間一湊二, 為了想減輕婆婆負擔, 就唯有要小B讀全日班喇. 

但既然今次婆婆主動開聲叫轉半日, 所以今年一於主打報半日班K1, 所有全日班通通唔再考慮, 免得到時又心大心細.

暫時9月可以報的就只有這幾間, 10月還有一大堆報名表等著我呀, 唉~

另外去年報了圓方商場某間幼稚園N班, 雖然最終面試後未有取錄小B, 但今早竟然再一次收到該校寄來的面見通知書, 通知我們11月去進行K1面試呀, 但明明我今年無再報名啵, 不過...可惜這間是全日班呢, 所以我沒打算帶小B去面試了, 這些機會就留給其他小朋友吧. 

今年跟我一樣繼續要報學校的媽媽們, 大家一齊加油加油加油!!!!!!





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^