食:
奶 ~ 3-4餐 (每餐6安, 多數要分兩次食, 食到最後50ml時會自動撥開奶樽抖抖)
固 ~ 1-2餐 (午餐因婆婆無時間煮, 所以多數食奶或糊仔, 晚餐食粥)
食物方面已試過好多款, 無特別記低, 暫時未見有出現食物過敏情況, 希望唔好中招!!
暫時算是個超愛吃的寶寶, 每次見我地食時又要問攞食, 唔俾食就出絕招 ~ 喊, 所以婆婆經常性投降, 基本上妹妹B已經試食過好多1歲以下的遺禁食物啦.
訓: 自家姐開學後, 妹妹都一樣跟著早起, 大約8時多起床, 午睡情況繼續係差, 一日兩次小睡, 短則15-20分鐘, 長則2小時左右, 有時甚至可以全日只小睡一次, 晚上大約11:00訓, 多數可自行入睡.
活動能力:
- 由訓變坐, 由坐變企
- 向前向後向左向右周屋爬
- 開始嘗試扶著物件開步行, 暫時最多會試行一步 (這樣實在是太快了吧, 暈 @@)
有圖有真相...百厭到不得了.
比較慢熱而且勁愛人抱, 算是痴身膏藥一名, 暫時最愛痴婆婆和痴媽媽.
之前唔太跟爸爸, 最近都開始愛上爸爸啦.
唉...大部份親戚都話妹妹B比起小B更加百厭, 而自問我地一家都好有同感, 所以如果當過一排見我無再Update Blog時, 應該都係因為俾兩姊姊激死了!!
好, 記錄完畢...8個月時再Update~ ^^
最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!! ^^
犀利呀，咁快就識行識企，咁好快會獨自行了，叻女 ^^
回覆刪除未識行, 佢努力試緊扶住行者!!
刪除估唔到係百厭妹喎。
回覆刪除唉, 百厭到不得了呀~
刪除咁痴身真係有排煩呀！
回覆刪除咁快就識企，叻叻！ 不過距離搞搞震時候又不遠了，嘻嘻嘻
唔知點解妹妹超痴身...明明我地都已經唔係成日抱, 唉~
刪除其實我媽都會話little k naught過我細個好多....=.=
回覆刪除但我好樂觀既, 我會話...咁咪好lor, 咁先醒目...hhahahahhah
妹妹你係醒目bb黎架喎~~~~~~~~~~~
所以爸爸同我講...乖個d小朋友你先應該要驚呀, 哈哈
刪除7個月肚B都係剛坐穩咋，細妹已經識扶住行，勁呀！
回覆刪除好彩有個家姐幫手看下百厭妹，如果唔係真係忙到暈呀
家姐唔會幫手看妹妹架...只會襯我地唔留意時蝦妹妹 ~.~
刪除Yeah，妹妹痴媽媽，姊姊痴爸爸，你地可以一人mark一個，唔駛呷醋了！
回覆刪除妹妹七個月大已食了咁多野，真係为食妹一名呀！
一人mark一個都忙到暈, 如果一人要mark兩個的話, 真係唔得惦呀!
刪除