妹妹也病了

小B自上星期一晚開始發燒, 繼而一病病足五日後, 妹妹星期日最終都宣告失守了~~~

原本見妹妹幾日都未有發病先兆, 以為妹妹抵抗力真的比家姐好, 誰不知原來妹妹已經中招啦.  尋日中午時份當我準備帶倆姊妹返婆婆家時, 一拖妹妹之際, 突然驚覺妹妹手仔好熱, 再摸摸頭仔原來發燒呀, 仲要係一黎就發高燒囉, 但明明出門前仲好精神咁同家姐玩緊, 結果當然係拿拿聲去睇醫生啦, 好彩醫生未收工咋, 如果唔係就要去醫院排急症啦.

一上的士妹妹開始扭計, 去到醫務所一量體溫, 原來已經燒到39.6度, 難怪...突然又惡妹上身啦.  其實我真係好怕好怕小朋友喺街扭計+爆喊, 點知喺醫務所時妹妹竟然全部做齊, 真係樣衰又呢Hae到媽媽我想搵地方呢埋...  算, 知妹妹病, 妹妹都好辛苦, 媽媽唯有盡量安撫, 滿足妹妹每一個要求, 結果等睇醫生期間, 攰到極速瞓咗, 真係好陰公豬囉.

由尋日中午起, 妹妹一直未有退燒, 跟家姐上星期一樣喺39.x度徘徊, 燒到面仔都紅卜卜.  原本已經難攪嘅妹妹變得比平日更惡攪, 就連家姐都忍唔住幾次話想妹妹快D好番.
  
唉...妹妹呀妹妹, 媽媽祝你早日康復, 要快快將病菌打低啊!!

妹妹加油~

我們的Facebook專頁 - 小b與妹妹b之成長日誌