與Hello Kitty共進午餐

以Hello Kitty為主題嘅中菜軒已經開業幾個月, 雖然餐廳位置真的好近娘家, 而開始時我亦想過帶倆姊妹去潮聖一下, 但一直去潮聖嘅人實在好多, 所以直至最近見大家對Kitty熱潮稍為減退, 我先敢帶倆姊妹去同Kitty共進午餐咋.

看...門口人龍已經不再, 即使有都唔算多.

(所以如果你哋都想去同Kitty開餐, 宜家隨時都可以啦!!)

由於侍應安排我哋坐喺Kitty公仔隔離...所以倆姊妹坐下來後表現相當興奮, 還不停指住公仔叫Kitty.  ~.~"

至於家姐見到枱上餐具都印有Kitty樣後, 今餐當然不用我哋餵食, 可以自行進食啦, 哈哈~

餐牌內選擇其實唔多, 幸好今餐只有婆婆, 我同倆姊妹, 所以只要餵飽倆姊妹就已經可以.

最後我們只選了....

牛肉腸

 馬拉糕

 蝦仁蛋白飯

 流沙包

餐廳價錢方面雖走中高檔路線, 可是食物質素卻有待改善啊, 不過每款點心嘅賣相確實相當不錯, 亦因為個賣相...小B今餐仲食咗好多呢 (其實我見大部份食客都係相機食先架)!!  見倆姊妹食得開心, 媽媽就當然開心啦, 而且亦已經應承咗倆姊妹, 如果佢哋可以乖乖聽話唔扭計, 就會間中獎勵佢哋再去同Kitty共進午/晚餐.  ^^

最後食飽飽當然要同Kitty合照嘛...

是次消費: $361 (婆婆就梗係話唔抵食啦 :p)





我們的Facebook專頁 - 小b與妹妹b之成長日誌