小B生病了

小B自小抵抗力比較弱, 兩個多月人仔已經開始常去探醫生, 幸好每次都只是小病而已, 而醫生更說這是每個小朋友累積抗體嘅必經階段, 所以媽媽一直對於小B這些小病都唔太特別擔心, 加上小B算乖...對於睇醫生, 食藥都唔抗拒, 所以還算容易應付. 

但最近幾次每當小B生病時, 爸爸媽媽都總係特別擔心, 因為近幾個月每次一病, 都離不開發高燒, 而且還要是持續高燒那種, 所以每次我都好驚小B會燒壞腦.  究竟係乜野原故, 每次一病都離不開會持續高燒呢?!

呢兩日小B又生病了, 自星期一晚起小B一直在發燒, 最高燒到40.1度, 最低都有38.x度, 而平均出現得最多嘅數字係39.3-39.6度, 結果呢兩日最常見到嘅小B就係咁喇...

小B呀小B...雖然你燒得不至於呆呆滯滯, 但麻煩你快D完完全全咁退燒啦, 媽媽我已經連續兩晚未有瞓好, 我唔想半夜又要叫你起身探熱同食藥呀~

同學仔媽媽告知, 原來近幾天好多同學病咗無返學. 

天氣開始轉涼, 大家要注意保重身體啊!!





我們的Facebook專頁 - 小b與妹妹b之成長日誌