放心...小B今次返健康院做評估純粹係個人要求, 並非小B發展方面出現大問題.
其實之前喺學校開家長會, 老師叫我4歲帶小B返健康院驗眼時, 順道叫姑娘試下幫小B約期去做言語評估, 不過我知政府排期一向好慢, 所以見咁岩妹妹要返健康院打歲半針, 就提早幫小B約返健康院見姑娘, 看看可否幫忙早點排期喇.
每次返健康院指定動作, 量體重, 見姑娘...
體重: 14.7kg
大小肌肉發展評估: 叫小B扭樽蓋 @@"
(這些基本日常生活小動作, 我想連我家妹妹都能夠做到吧!!)
言語評估: 叫小B數1-10
(當數完1-10後, 姑娘就話小B發音無大問題, 起碼未有將3講為擔, 所以未能幫忙轉介約去做言語評估, 假如媽媽真係擔心, 到4歲時再返健康院見姑娘時再看看有否轉介嘅必要)
好彩今次係帶妹妹返健康院打針順道見姑娘, 否則真係浪費時間~
我們的Facebook專頁 - 小b與妹妹b之成長日誌
扭樽蓋 --> 我又真係冇俾阿囡做過WOR? 有D 擔心
回覆刪除平時你無俾佢飲樽裝飲品? 放心啦...咁簡單嘅動作唔會難到佢地架, 你可以俾小霸王試下~
刪除即係語言過關？咁就唔使去評估啦
回覆刪除你都有聽過小B講野, 知道佢唔係樣樣都講得清楚架啦...只係健康院太Hae, 準則亦唔知點定, 佢話3歲半只要講到1-10無唔清楚就已經話OK, 至於有其他字發音唔準, 就要去到4歲先再衡量洗唔洗轉介喎~
刪除哇...原來咁簡單，好似愈大愈易咁 ^^""
回覆刪除其實健康院嘅TEST係好簡單, 我見有D媽媽臨返健康院時會特別TRAIN BB, 其實又唔洗咁誇張嘅, 哈哈~
刪除健康院唔轉介，或者就要靠大人平時一聽到佢咬字唔正就糾正佢睇吓有無改善啦，燒腩仔D S音字都讀得比較差，例如刷會讀咗做殺，青會讀咗做升，我會執住呢個字不停repeat要佢再讀，又或者教佢講其他同音詞語，佢練得多慢慢都會講得返啱㗎
回覆刪除我地都有教番岩佢正確嘅發音, 不過有部份都仲係發唔到, 其實已經比之前好咗好多, 但既然老師話可以試下去做評估先, 所以我咪諗住做左評估先囉, 小B嘅發音問題唔算嚴重, 但比同齡嘅小朋友確係差D, 所以我地都想快D攪惦佢~
刪除