N1下學期家長日

剛過去嘅星期六係小B學校家長日, 雖然我哋快將轉校, 但學校老師對媽媽之前曾經提及過小B嘅有關問題, 竟然未有忘記, 仍然有幫我去跟進及去改善小B, 真的超級抵讚~

今次評估報告比上學期明顯有進步, 就連老師最近見到爸爸媽媽送返學放學時都會不停讚小B, 似乎小B表現真的好不錯啊, 而且又越黎越得老師歡心, 難怪老師都唔捨得小B嘅離開啦.

雖然各方面都有進步, 但對於語言發展方面還是要多加留意, 其實又唔係話小B有特別問題嘅, 媽媽覺得佢講嘢好叻添, 因為轉數快駁咀勁嘛, 但係發音始終都係唔太準囉, 所以媽媽已經決定要帶小B去搵言語治療師跟進, 希望口齒可以快快變得更加清晰.

 以下係老師每月嘅日常小觀察分析...

其實媽媽要求好簡單, 只要知道小B進度跟得上同齡小朋友, 媽媽就已經好滿意, 唔會特別去催谷.  ^^ 

不過黎緊媽媽都會按老師指示, 盡量抽時間去幫小B溫習, 等小B唔好學完轉頭就還番俾老師.  其實黎緊轉校後, 我都真係有呢個必要架, 似乎媽媽要好好督促自己唔好懶惰先得啦, 唉~  上學期媽媽每天幫小B複習生字, 結果小B好快已經將生字完全記住, 直至今日都未有交還俾老師, 相反下學期媽媽一放鬆, 無幫小B複習生字, 小B好快就忘記得一乾二淨, 所以呢幾個星期我真係要追番時間, 不停幫小B重覆溫習下學期所教過嘅生字先得啦, 等佢將N班學嘅生字都要全部記住.

小B, 你要加油, 加油, 加油!!





我們的Facebook專頁 - 小b與妹妹b之成長日誌