反轉小檬家

星期日我哋約埋大爺一齊去咗小檬屋企玩...真係要多謝檬媽借出地方俾我哋玩足一日呀, 最後仲俾小朋友們反轉咗屋企咁滯, 希望夜晚姐姐返屋企時無嚇親啦, 哈哈!!  ^^

事前一日我已經同咗倆姊妹講會去小檬屋企玩, 可能因為咁, 所以佢倆個今日好興奮呀, 一早8點就已經起咗身, 之後整個朝早就不停問住幾時去街街喇.  不過好老實, 我見佢倆姊妹今朝咁早起身, 當然點都要迫佢哋瞓一陣先出去玩啦, 如果唔係搭車時兩個都瞓咗我就真係大鑊鳥嘛, 結果我哋就比大爺遲咗少少先到.  :p

一去到...B Be就好盡地主之誼拖倆姊妹入去.

然後仲好熱情咁攬攬小B同妹妹, 只可惜我哋妹妹未熱身呀, 所以仲未可以同小朋友們玩呢.  其實媽媽一直都好想俾妹妹同多D小朋友玩, 等佢可以唔洗成日咁痴身, 另外都希望隨住妹妹年紀大DD, 媽媽又帶佢去玩多D而可以有所改善.

B Be呢個親善大使, 真係好可愛呀!!

終於過咗唔知幾耐, 妹妹都開始肯玩啦.

無辦法啦, 小檬屋企實在有太多好玩嘅玩具, 你叫妹妹點抵擋得住啵, 哈哈~

大爺揸的士, 其他小朋友就做乘客.

小朋友開心就係咁簡單~

玩到咁上下, 再齊齊落去反轉Play House...

大家似乎都好鐘意條八爪魚呢~

Sir滑梯~

經過一輪跑跑跳跳放電後, 似乎大家都開始有D倦意啦~

最後當檬爸去買晚餐時, 小朋友們就喺平台繼續玩, 今日真係辛苦晒檬爸.  :p

小情人又再手拖著手拍拖去...

5個望海的小孩~

有齊5個人頭啦, yeah~

B Be究竟做咩事咁憂鬱呢?!

唔通佢諗緊點解玩咗咁耐, 明明已經肚仔餓, 但係媽媽都無俾野食佢醫肚...哈哈~

媽媽話...乖乖嘅小朋友今晚有雪糕食.  ^^

好啦, 玩咗成日...大小朋友都係時候要開餐啦~

最後真係有雪糕時間架...你睇3隻小鬼幾開心.

今日由天光玩到天黑, 小B話玩得好開心呀.

最後要再一次多謝檬媽一家嘅熱情招待, 期待下次再聚啊!!





我們的Facebook專頁 - 小b與妹妹b之成長日誌