可愛孖辮Look

前陣子婆婆經常幫小B紮孖辮, 但姨姨不懂欣賞之餘還嫌棄紮了孖辮後的小B變得不可愛... 

(其實紮辮好簡單, 不過小B好唔合作, 所以姨姨從來都唔會幫小B紮辮.  有次姨姨帶小B出街, 婆婆幫小B紮了孖辮後, 姨姨一出街就whatsapp了小B的孖辮Look給我看, 結果當然笑死我啦, 因為真的好醜嘛, 最後姨姨更以9秒9把它拆掉, 哈哈!!)

不過媽媽就唔相信, 小朋友紮孖辮竟然會變得不可愛, 所以今日一於再試... 

出發跟太公太婆飲茶前, 明明已經食了一碗飯仔, 但見婆婆食包, 小B又要搶吃.   

小B: 金仔哥哥, 你乖乖呀, 我地出去飲茶, 好快會返, 你幫我睇住門口一陣, 知道嘛?!  啜啜啜~ 

小B媽: 姨姨同你玩咩, 笑得咁開心呀?!

小B: 太公太婆未到, 等我幫手點定野俾佢地食先...

現在看似還好精神, 但不出十分鐘, 有個BB已經謝皮了, 哈哈哈哈~

大家話我個孖辮Look可唔可愛先?!?!?!