地獄媽媽煮蕃茄飯

星期六小B因腸胃炎去睇醫生, 之後媽媽就直接帶小B回家喇, 因爸爸今個週末無假放, 所以妹妹只好留在婆婆家中過夜, 始終我都未敢挑戰自己一湊二嘛.  其實只湊小B一個係好輕鬆好輕鬆的, 所以如果妹妹快點長大, 那在照顧方面就輕鬆得多了.

爸爸今晚夜返, 只得我和小B兩個撐枱腳, 即使我唔食, 小B都要食, 結果我就決定試煮近期臉書爆紅嘅原個蕃茄飯喇, 貪佢夠方便之餘又有益.

如果只得蕃茄, 我又略嫌太Dry, 所以另外再加入了預先醃好的肉片和小B最愛的菇菇.  出奇地...味道又真的好不錯啵, 雖然賣相麻麻, 但好彩小B都好捧媽媽場, 自己食光一碗蕃茄飯, 最後媽媽當然亦忍不住要讚讚小B啦.

不過因為我實在太耐太耐無煮過飯, 所以在份量控制方面出了少少偏差, 原本打算煮兩碗飯, 最終只煮得碗半飯, 幸好婆婆預先還幫我預備了半斤菜心和半舊鯇魚咋...

至於這個蕃茄飯, 個人認為真的蠻適合我這種廚藝不精而且懶惰的媽媽試煮呢.  下次若然再有機會只得我和小B二人撐枱腳的話, 媽媽一於再加以改良一下, 務求令小B知道唔止爸爸識煮飯俾佢食, 媽媽都一樣識煮飯俾佢食先得, 哈哈!!





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^