午市推介 - 八海山

好久好久以前於第一間公司任職會計時已認識這日本餐, 因為我三幾日就要打電話去追收票嘛, 但就一直未有試過到這餐廳用餐囉.  今日Lunch時同事竟提議到八海山, 見近近地又可以訂位就試試啦, 反正我一向都愛食日本菜嘛, 點知一試之下...大家竟然火速愛上, 還說下星期要再來光顧呢.

Lunch期間座無虛席, 所以最好還是要預先訂枱啊!!

原先我是一心打算去食雜錦魚生飯的, 但見昨天才跟家人食過元氣壽司, 加上餐牌上亦有好多其他吸引我的選擇, 所以最終我就改選了其他定食喇.

而每個定食都會配有蒸蛋, 沙律菜及餐飲...

這就是我點選的豚肉泡菜定食啦, 份量多, 味道濃, 送飯一流...讚呀!!

以下兩款分別係同事點的燒牛肉定食和燒鯖魚定食, 雖然我無試過, 但同事們就大讚好味囉.

其實光看碟鯖魚, 絕不比晚市散叫的細條, 而且這幾款定食都只需$58 (另收加一), 所以真心覺得好抵食, 好想推介給附近上班的朋友, 絕對可以再Encore.  ^^





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^