14122013
今日妹妹B剛踏入32wks, 我終於都拍了大肚照啦...雖然是團購Package, 對相片質數沒什麼期望, 但總算拍了我人生的第一輯大肚照嘛, 開心開心!!
一早就已經講過, 小B爸只是抱著還我心願的心態去跟我拍照, 原意是極不情願的, 加上小B爸全程又要湊住小B, 初頭給我感覺都有點Hea. 幸好今日的主角是我而不是他倆, 所以就由得他們吧, 但小B今日好叻呀, 好快就熱身完畢, 雖然於一小時的拍攝過程中都帶不少攪攪震成份, 但小B難得地肯配合攝影師姐姐的要求, 結果最後就連小B爸都自自然然投入了, 所以今天他倆整體的表現尚算令我滿意. (如照片出來的效果不是太差, 那就更加"啡呢骨"喇, 哈哈!! :p)
說實話...由於是買團購關係, 其實就連我自己都有點Hea架. 我竟然到今早出門前才想好大家的衣著, 原本都有打算整少許道具來拍照用, 但亦因為懶而一拖再拖, 結果當然又是無了影啦, 不過臨出門前, 我都有帶備少許初生BB用品, 可惜最後都用不著. 因為當我們去到影樓的一刻, 我就知道今次只可以抱著純玩心態來拍照, 不要過於認真. 何解我會這樣說?! 或許是這影樓加上攝影師姐姐給我的感覺都不太專業吧, 而且就連她的搵食架生都竟然不及小B爸早年玩的那部單反機質數好, 所以.....我和小B爸互相給大家Signal後都心照了, 隨隨便便用攝影師姐姐拿給我們的道具完成就算.
話雖如此, $299的價錢, 其實我又豈敢有要求丫, 所以...整個過程都算玩得開心.
原本我有打算叫小B爸幫我偷影一兩張相來寫Blog, 不過影樓地方好細而且勁勁勁開揚, 大家完全看得見大家在做什麼, 所以唯有放棄. 現約了兩星期後再去睇相, 希望到時不會太難挑選吧, 更加希望可以順利揀選得13張相啦, 哈哈~
P.S: 今日攪笑事 - 小B見我穿著Tube Top, 攝影師姐姐和助手幫我拍攝縹緲效果時, 小B竟馬上走來我身旁話醜醜, 還指我入去更衣室穿回衣服呢, 真想不到少少年紀的她, 竟然那麼保守, 哈哈~
我自己都買左個團購,諗住遲D等BB出世後再同佢一齊去影!!當玩下咁:D
回覆刪除299 又確係低 食餐飯都要
回覆刪除當平平地玩一個鐘, 仲可以有紀念品拎咁囉, 都唔錯既, 哈哈~
刪除直頭係！我都想去玩下
刪除唔知仲有冇呢？ 攞嚟送比朋友做聖誕禮物一流
刪除個團購完左lu~
刪除$299又好平啊！期待快d睇靚相！
回覆刪除小b識話醜醜又要你穿番衫，真估唔到咁小小年纪都識呀！
嘩，好抵呀，一定會靚o既，懷孕中的女生係最美麗的，heehee ^^
回覆刪除小b 真攪笑 ^^
留個念都好，我之前影的都麻麻，不過睇番好開心心
回覆刪除我記得你係amoeba studio影, 小b半歲時我地都有去個間影過, 都係好一般般, 不過團購返黎既, 預左...
刪除最緊要係影相一刻嘅開心，當然出來嘅相都靚就更加好啦﹗等睇你D靚相﹗
回覆刪除期待睇你既相, 我相信點都靚既~
回覆刪除我之前有位朋友介绍我这家彼奥泰珂斯研究中心代孕服务，听他说这家代孕所得配套和它的服务都非常完善，我们将建立一个个人治疗方案，以满足您的自身条件，心理和情感需求。最重要是合法的，也有多语种的工作人员使客户留在诊所更舒适，还可签百分之百成功的配套，非常值得，他们也提供客户的舒适漂亮的住宿，饱满的三餐以及司机的载送。在这里我要写出一些评论其实biotex名声非常好，医院也很可靠。很多人喜欢这间公司，我们的朋友去过biotex，当成了幸福的父母。
回覆刪除