前陣子當我向朋友問及餵人奶一事時, 友人二話不說便借出自己那部Medela Swing給我, 其實是因為她知我是個三心兩意的人, 怕我會像她一樣, 買了奶泵後卻沒有持久意志去餵人奶而浪費金錢, 所以我真的巧感動呢, 哈哈!!
雖然這個奶泵, 她用了一個月都沒有, 但基於衛生問題, 就只借出個膽而不借出配件. 我...當然沒所謂啦, 反正一心只打算試試, 不用我買個全新奶泵都已經好好了.
最後同事幫我問價, 發覺剩買配件都不便宜, 假如肯多花幾百元的話, 更可以在Gmarket買得一部全新的Spectra M1奶泵呢. 聽後真的不知如何是好, 究竟我應該買個全新的Spectra M1還是剩買配件用回這個Medela Swing好呢?!
(近日媽媽會都有媽媽介紹Spectra M1, 聞說這個奶泵便宜得來亦相當好用, 看似絕對是個好的選擇啊.)
而昨天另一位媽媽朋友又話有兩個Avent手動奶泵可借我, 叫我不要買個全新奶泵之餘, 就連配件都先不要買, 因她建議我可先用手泵試試看, 如果真的能夠堅持餵人奶才再買.
唉...突然變得好苦惱呀?! 有經驗的媽媽們, 你們可給我一些意見嘛?!
可以睇定D, 唔駛買住... 如果有奶,之後SWING都好夠呀... 用左AVENT手泵先...
回覆刪除坐月最好都係埋身呀, 如果可以, 咁就最快上奶~~
讚成先用手泵，因為已經有唔使買。我果時都係，電唔電只係之後可以行人奶路之後先決定買，等自己舒服啲。
回覆刪除我之前個泵已經還返比人，所以今次反而會一個
今次打算買邊款呀?
刪除Spectra M1是新出嗎？第一次聽！
回覆刪除我人奶唔多，用Avent 手泵，拎返工方便，但泵了9個月，尾段开始手碗痛，可能我泵d手勢有問题。
如果下次多人奶，又埋身餵ok，再返工前先買电泵。
要有奶一定埋身餵同食好多野，所以你坐月最好埋身，直頭唔用揼，到返工前仲有奶才改泵出來儲存，返工才定時用電泵儲奶，可能lunch time, 放工又泵一次架！大前提要有奶！真係唔易的，我自己頭一個月全埋身人奶，坐完月要照顧bb已經食少好多野，開始泵奶儲奶入樽，但食少左野奶既質量見到開始淡色，而且泵出來儲到都餐餐清，見人地有spare奶好羨慕，之後見冇乜奶就停了人奶，希望你成功同堅持到！加油！
回覆刪除如果有人比個手泵你，不如試下先啦！ 如果到時真係泵得好暢順先買都吾遲，雖然係辛苦少少，但起碼都有得泵！
回覆刪除我冇用過手泵，聽聞會好鬼攰呀！
回覆刪除雖然我唔成長埋身，不過之前爬文話埋身先最快上奶，泵唔係唔得，但要比埋身個次數更多，花更耐時間先得（我果時一日泵10次每邊泵起碼20分鐘，追左一個月先追到肚B奶量）
其實上左奶順左之後單泵都ok架，我返工單泵每邊泵10分鐘內，都夠肚B食1餐半架
我嗰時都係買手泵先,因為怕無奶嘥晒啲錢,不過用咗1次之後,隻手斷咗咁滯,之後即刻買咗個電泵。不過如果你朋友可以比你,都不防試下手泵先,覺得可以繼續人奶至買電泵
回覆刪除我當日係用avent手/電兩用奶泵，不過用手泵真係堅攰同初初未係好上到奶，用手渣仲快過用手泵，而且坐月期間D關節會鬆好容易整親手要小心﹗
回覆刪除我第五日返屋企已經上奶，所以手泵唔太泵得出時就即刻轉咗用電泵，我覺得單泵已經好夠用，除非你返工泵奶真係好趕時間先一定要用雙泵，否則用住swing單泵先都得呀﹗
我都覺得用左手泵先再買電泵~ 其實我覺得埋身先係最重要~ 又方便, 又唔洗洗配件, 上奶又好d, 又溫馨d~ 埋完身再手清奶, 又清得多, 又快wor~ 不過手清都真係幾攰o既~
回覆刪除我有个朋友因无法怀孕，但他们选择了代孕机构因为比较安全，试管婴儿特别伤身，推荐你们一家彼奥泰珂斯研究中心，他们的代孕机构算是世界级别的，也有多语种的工作人员使客户在诊所更舒适，我在网上看到很多对biotex诊所的评论，有的好，有的坏，我决定写出真实意见，biotex名声好，医生也很专业。如果你们有这样的需要，彼奥泰珂斯中心在辅助生殖方面是举世公认的领域配备了先进的技术设备和科研成果。我们在当地拥有专业的胚胎学单位和实验室，手术确保高出生率，关怀和便利。
回覆刪除