100 days to go~

時間過得真快, 不經不覺...還有100天, 妹妹B就要出世啦, 爸爸媽媽希望你不要太早出來, 最理想的日子就是2月7喇, 因為爸爸話他自己生日是11月27, 而小B生日就是1月1, 假若妹妹B的生日真的能在2月7, 那她倆姊妹就剛好能併為11.27, 到時一定會同爸爸好夾喎.

雖然唔知爸爸這番是什麼偉論, 但如果真的能夠併為11.27, 又確實蠻有趣呢, 哈哈~

不過計我話, 如果倆姊妹真的湊巧能併為爸爸的生日日期, 我想爸爸前世一定是欠落她們倆好多好多, 因為囡囡就是爸爸前世情人嘛, 她們倆今世實行要來痴到爸爸實一實, 弄得爸爸團團轉, 哇咔咔咔!!

這一年零十個月, 爸爸應付小B一個, 都已經常嘆沒時間休息, 遲些兩個一齊...爸爸實行不用休息啦.  不過我知小B爸覺得囡囡愛痴著他是一件超冧的事啊, 所以他經常都走來給說話我聽, 問我有否丁點兒羨慕... #!^$%&*^  (我當然沒有啦, 反正她們倆大了, 一定會棄暗投明, 自動自覺走來我那邊, 所以我根本未驚過, 哈哈!!) 

雖然尚有3個月時間, 但有一件事, 我真的要開始好認真, 好決心地去想想喇, 這就是餵人奶與否的問題.  雖知道醫院現在勁提倡母乳餵哺, 所以每次去產檢時, 助產士都會加多兩分肉緊來游說我, 因每次她們問我會否餵母乳, 我都是答還在考慮中嘛.  其實我自己心裡一早就已經有了答案啦, 只是不想她們太過強迫我而已.

自有了妹妹B之後, 我一早已打算今胎嘗試餵人奶, 但我是不會太過強迫自己的, 抱住做到就做, 盡了力就算的心態.  我亦計劃了首3天在醫院時, 依舊餵奶粉, 直至回家後上奶, 才開始試泵.  始終我的心理素質還未是太好, 暫時仍好害怕埋身餵而帶來的痛楚, 所以我只會嘗試做泵媽, 加上我希望有人可以幫忙分擔餵奶的責任, 如全埋身餵, 最辛苦的一定是我自己, 加上我不覺得自己會是一個富媽媽, 埋身餵根本就好難知道BB食量.

為了做個成功的泵媽, 我現正開始努力刨文, 希望吸取多些其他泵媽的寶貴經驗, 更加希望自己能夠堅持, 不要未開始就先放棄.  無論如何, 今次我點都會去嘗試一下, 好讓自己不會後悔.

加油...

Hayden 2nd Birthday Party

27102013

多謝好友邀請...我們一家三口才第一次參加冒險樂園生日會.

(這個Party真的大人小朋友都好開心呢!!  唯一缺點是, 因每個家庭都掛住帶小朋友去玩機動遊戲, 所以大顆兒聚在一起的時間就變得好少, 除了切生日蛋糕那刻是齊人之外, 其餘大部份時間都是各自各的, 個人認為這樣好像失去了開Party的意義, 不過最重要主人家高興嘛!!)

這個Party的時間為下午4-6, 但只要拿過手帶後就可全日任玩, 剛好這個時段, 正正亦是小朋友的午睡時間, 所以一去到Party Room時, 只得小貓三數隻, 還要全都是大朋友來, 至於主角...原來因為太累, 所以爺爺嫲嫲帶了他到外面睡午覺.  既然主角睡了, 其他小朋友又未到, 那我們都不好意思把小B吵醒嚕, 就讓她先睡一會才玩吧, 不過冒險樂園這地方實在太嘈啦, 所以小B都好快醒了.

我們這一班, 影大合照永遠唔齊人, 究竟還有幾位大朋友跑到那裡去?!

算...照影...

坐了一會兒又吃飽飽, 我們是時候周圍去玩啦...  不過剛打算去玩的一刻, 原來主人家已經叫齊所有朋友回來Party Room準備切蛋糕.

好...那就切完蛋糕再去玩啦.

嘩...反斗車王蛋糕呀, 好大好美呀, 內裡是朱古力來, 超級好味.  小B爸好不客氣地吞下了兩件, 厲害厲害!!

想要小朋友們坐定定影張合照嗎?  這個非常有難度啊, 最後還是將全部小朋友放入鏡就當是合照好了, 哈哈~

是日主角 - Hayden一家, 再一次多謝你們的邀請.

好...終於到小B期待已久的四圍玩時間.

首先當然要到小B最想玩的波波池啦...  小B勁鐘意用波波射全叔叔, 而全叔叔就好攪笑地跟桸桸站在中間任人射.  看來還是小B聰明一點, 因為她寧做射人一方都不願站出去被人射, 醒目.

玩完波波池, 再去玩車車...

 

每次到丟錢樂園必玩的打籃球...

最後一Game...

Party Room已夠鐘交還, 大部份朋友都各自散去, 我們都是時候回家了~

今日小B真的好開心...因為媽媽我問了她好幾次玩得開唔開心, 小B都答我心, 哈哈!!  (小B話: 心=開心)

上山拜公公

26102013

星期六...一家人出發前往拜祭公公前, 當然先去飲茶醫飽五臟六腑先啦.  但食到尾聲時, 小B又被爸爸惡攪了, 今次爸爸把芝麻糊塗到小B像生"胡鬚"一樣, 雖然大家都覺得好好笑, 不過此時小B已經表現得好無奈呢.

(有圖有真相) 

食飽飽...我們就要出發到沙田拜公公啦.

我家小幫手, 又再主動出擊幫忙拿東西, 雖知道去拜山的地方, 大多數都會有大鈄路及多級樓梯, 所以每次帶小B上山都確實是個大挑戰, 但今次有人好叻叻呀, 幫手拿著東東之餘, 還自己行了一大半路程, 只是上樓梯上到中段才要求抱抱, 抵讚.

原本有人要幫忙拿香燭, 不過怕她會覺得太重和累, 所以最後只讓小B拿鮮花...

揹著背包, 拿著東東, 簡直就好像在看TBB前陣子播影的小B大任務一樣.

(不過媽媽真心覺得妳好乖架, 啜爆你呀 *3*)

P.S:  有個乖孫係公公灰位面前大叫: "公...英英", 其實有人想講公公, 我係盈盈, 哈哈~

難為了家長

首先去應付Interview之前, 家長們除了要Train小朋友之餘, 還有另一大挑戰, 就是...填問卷喇.  雖然不是每間學校都要填, 但要填的學校也不少啊!!

而我最怕遇見的問題, 剛好都出現在問卷上, 唉~

1. 為什麼你認為本園會適合你小孩?

2. 你對本園課程之期望?

3. 你能描述本園之教學理念及宗旨嗎?

最後絞盡腦汁, 繼續發揮我最強的吹水本色, 足足用了3小時, 終於填好了整份問卷.

朋友話有些幼稚園不止填問卷那麼簡單, 而是要寫論文呢, 好像呂明才之類等學校...  繼我話, 如果要我寫論文, 我一定想也不用想就放棄, 因為我真的覺得沒有這樣的必要.

Baby性別揭盅

登..登..登..登..自22週照結構時, Baby性別已經早有定案, 不過待回才開估, 因為我好想呻下先, 哈哈!!
(今次朋友們都好關心我今胎的性別啊, 一知我有Baby後, 就不停問我是囝還是囡, 但今胎我想保持神秘感, 所以暫時都不算太多朋友知道答案.)

上胎政府好好, 竟然有期安排給我照結構, 最初於BK見好多媽媽話政府照得好求期, 所以我都有點擔心, 但最後照完, 我跟小B爸都覺得算是仔細, 所以就無另外再去私家照結構.  不過今次政府無期安排給我喇, 而我看開的那位醫生又沒有幫人照結構, 最後經朋友介紹下, 終於找了何美華醫生.  見有兩位朋友找何醫生照過, 而且收費又不算貴 ($1500), 那就即管一試, 但好老實...我覺得何醫生比政府照得還要一般, 加上全程亦只用2D, 害我超超超超失望呢.  就連小B爸都話上次於QE照時好像比今次照得還要好.  唉...總之就多付$300, 找媽媽會勁多人推介的孫醫生啦.

算...反正都已經照過, $亦已經付了, 現在來呻亦無補於事.  其實大家最想聽的都是希望醫生能跟自己說一句, Baby一切正常, 健健康康者, 幸好最後何醫生都有跟我們說這句話, 聽到這句話足以安心又放心了, 再懶得理照結構的過程喇.

好...等我開估啦...今胎究竟會係弟弟定妹妹呢!!

答案係: 妹妹呀~ 
(以後小B就可以有個伴啦, 希望妳倆會是一對感情要好的姊妹啦, 哈哈!)

衣櫃大掃除

天氣開始涼, 又是時候要收拾一下衣櫃了.  這是繼洗廁所後, 我另一樣討厭做的工作, 但如果我唔出手, 還有誰會來代我出手呢, 唉...命苦!!  (男人...是否向來都不會做這些事情的呢?)

其實我都有好一段長時間未有收拾過衣櫃啦, 但今年為了迎接Baby, 我不得不將我的大衣櫃割愛一小格給小B, 再將小B的衣櫃騰出一半給Baby, 結果...選擇了用螞蟻式方法來收拾衣櫃的我, 足足用了兩星期才完成, 因為又起身又坐低, 我的腰骨都快要斷開喇, 還是逐少逐少收拾比較明智, 哈哈!! 

繼早兩星期丟掉了一大袋夏天衫後, 今次又有三小袋冬天衫被我丟掉啦...  真沒想到原來不停買不停買, 但當中其實有些還未穿過呢, 有的更連招牌都未剪, Crazy~

現在雖然我房的衣櫃已經收拾好, 但小B那個, 還是無從入手, 人仔細細多衫到不得之了, 雖然好多是朋友轉贈, 但亦因為太新淨, 我又沒理由把它們丟去嘛, 唯有遲些再慢慢來收拾.  暫時眼見小B的厚褸仔+羽絨仔都已經有6-7件之多, 究竟真的會著得完嗎?  好凍好凍的日子又會有多少日呢? 

小B衫未執好, 還有Baby初生的那堆等著我, 看來單是她們倆的衫都足以玩到我年尾, 唉~

學做好家姐

爸爸話...我們差不多是時候要教小B做個好家姐啦, 今日爸爸一次過教小B抱BB, 然後再教小B怎樣拍拍BB覺覺豬, 最後更教小B餵奶奶和掃風呢!!  爸爸一次過教齊小B做以上行為, 難道他真的以為自己可以完全放手不理嘛, 看來有人想得太多了, 哇咔咔咔~

(我只會講, 媽媽回家頭幾天, 是不會做這些事情的, 因為我要爭取時間休息, 待爸爸放完假後, 媽媽就一直忙到放完產假為止啦.  其實如果小B可以幫手, 都真的不錯, 所以小B要加油啊!!)

似模似樣, 有辦有眼~

我絕對相信你可以成為一個好家姐, 哈哈.  ^^

淘玩具

嘩嘩嘩...淘了兩星期, 終於收齊貨啦!!  (無辦法, 誰叫我忍不住手, 不停加單加單再加單, 結果淘足兩星期才收齊所有貨)

今次除了淘衫淘褸給自己之外, 其實我都有順便淘玩具給小B...  但小B向來唔太好玩玩具, 所以淘少少就算了.

動物拼圖版 @ RMB 2.9 - 買來訓練一下小B玩拼圖, 因為見有媽媽話Interview時會考.

釣魚玩具 @ RMB 17.8 - 這個是希望能夠訓練小B耐性, 相信爸爸一定會爭住同小B玩!!

未知這些少玩具, 又能夠吸引小B玩多久呢?  上次淘的那套煮飯仔, 除了頭一兩星期日日玩之外, 現在已經被她遺棄在一旁了, 真的好久不久才會拿出來玩一會兒, 唉~

懷孕歷程

話咁快...我的孕程已經過了一半有多, 再過不足4個月, Baby就要面世啦.  未知是否今次因為要照顧小B的關係, 懷孕過程好像比上胎快得多, 上胎望穿秋水, 好不容易才過一個月, 相反今次好像眨一眨眼又過了一週似的. 

雖然我又不是未曾生過BB, 但正正就是因為有了第一次經驗, 上胎唔識驚唔識死, 今胎則變得好早就已經開始驚了, 加上我實在聽得太多生第2胎時會讓你痛得比第1胎更慘烈的例子嘛... 

希望今次Baby跟家姐仔一樣, 錫住媽媽, 唔好要我痛太耐啦, 上胎家姐好乖, 我由大痛到生產只需兩個多小時, 如果今次可以再減一半時間, 當然就最好.  總之現在每次一再想起生產過程的慘痛經歷, 就真的有少許想縮沙的感覺, 哈哈~

Anyway, 祝我今次一切順利!!

wk 20 - wk 23

這4星期裡面, 肚肚時大時小, 好像沒什麼大分別, 不過走路開始不能走得太快啦, 因為有時一行得快, 肚子下邊就會扯著扯著, 好像在警告我要行慢一點, 所以好多時, 行行下我會突然蝸牛上身, 但我仍是會堅持走多點路, 因為我絕對相信多些郁動, 是有助生產的.

救世軍卜凱賽琳 - 校園導覽日邀請

昨天收到救世軍通知, 下個月16日將會有校園導覽日, 雖然出席時間有點早, 而且又不能帶小朋友同行, 但為了參觀和了解一下這所學校, 即使單拖我還是會選擇去看看...

曾經聽過有媽媽講, 於救世軍就讀的小朋友, 一般自理能力都比較高, 因為學校比較注重這方面的培養, 雖然未知是真是假, 但總括而言, 這所學校給我的印象還算不錯, 而且有朋友的姨甥也是讀這間, 評價好像亦不差啊, 所以暫時卜凱賽琳是我的第二選擇!!

遲些待參觀學校後再作詳細分享...  ^^

新一代舞后

從小到大...小B對音樂都好敏感, 只要一聽到音樂, 身體不其然就會擺動起來, 家人及親友們亦一早就已經見慣這種場面, 但每次見到小B舞后上身一刻, 依然覺得好好笑!! 

最近一星期, 小B還愛上了看演唱會DVD呢, 不過小B好麻煩, 對選歌跳舞好有要求, 如果覺得唔岩聽, 小B就會示意我們轉下一首, 攪到爸爸都有點怕怕.

有時爸爸會話, 可能因為他年輕時經常落D, 所以小B亦有他這方面的基因遺傳... (妖~~~~)

送上小B攪笑舞姿, 跳得唔好, 姨姨們唔准笑架... :p

與契媽短聚

小B契媽即是我的最最最好朋友, 一向都好愛鍚小B, 雖然近幾年大家都各有各忙, 但每隔一段時間都總要約出來見見面的, 即使時間不許可, 契媽還是久不久就會叫我Whatsapp新相給她看, 契媽更經常無情情送禮物給小B呢, 所以我遲些一定要不停灌輸小B, 將來除了孝順我們之外, 還要孝順契媽啊, 哈哈~

好有一家人的感覺...so sweet!!

希望這個畫面, 會快快出現在契媽身上啦, 我知契媽和Franky哥哥都超級勁鐘意囡, 不過你們要先快快計劃結婚啵~  :p

鏡頭一轉, 又是笑容一致的兩父女...

 Franky哥哥話, 要預習一下, 哈哈~

短聚兩小時, 大家都好開心, 希望快些再有時間可以安排下一次聚會, 否則就要到1月小B生日才可再聚了.

小B學洗衫

平時婆婆湊小B, 鐘意用手洗衫多過開洗衣機, 因為要儲夠一機衫實在需時, 為了慳水慳電, 婆婆還是喜歡每天用手洗多一點.  久而久之...小B每天見著婆婆洗衫, 好快就學會了, 小朋友模仿能超高嘛!!

有晚, 我和爸爸坐在梳化睇電視時, 小B便自己走到廁所拿了一盤衫出來洗呀洗...洗呀洗, 真的似模似樣, 跟到十足架, 哈哈...

小B大任務 - Interview衣著

人人都話去學校Interview時, 幫小朋友穿衣之道都是一門學問來, 因為穿著得宜也許或會令老師們留下良好印象.  不過我自己卻偏偏對Interview衣著不太講究啵, 一直認為只要穿著得整齊, 穿著得舒適就已經可以了, 即使我自己去Interview, 都不會穿得太Formal啦, 哈哈!!

我知道小男生去Interview時, 大多是穿恤衫牛仔褲, 這樣看起來已經好醒目的模樣.  但小女孩又該怎樣穿呢?  一定要穿條裙子嗎?  媽媽我確實有點苦惱呢...唉~

這兩天幫小B收拾衣櫃時, 發現了小B爺爺女友去年送給小B的裙子, 不過媽媽我就是覺得有點老積, 所以一直未有幫小B試穿.

大家不妨給我一些小意見, 究竟應該要這樣穿, 還是穿回平日上街的裙子就已經可以呢?

相聚一刻

13102013 (Sat)

今日我們這一家又跟團友仔朋友一家飲茶相聚...  近幾個月, 我們兩家人越來越多見面, 証明我們真的已經成為了好朋友啦, 難道同姓真的三分親嗎, 哈哈!!  不過跟團友仔一家相處, 一直都好開心, 好愉快, 而且一開始時就已經無所不談, 所以能夠成為好朋友亦非意料之外的事!!

我們亦已經約好遲些再次一起去旅行呢...真是期待期待, 希望明年暑假可以成事啦, 如明年未能起行, 後年都一定要去, 哈哈~

送上一幅小B與桐桐姐姐的合照 ^^
(當初幫小B改名時, 真有想過叫凱桐, 不過最後不記得被誰否決, 如果真是叫凱桐, 那麼她們倆就會同名喇)

桐桐姐姐好叻架, 年年考試都一定是三甲之內, 而且年紀輕輕已經擁有八級鋼琴資格, 又經常代表學校出外參加比賽獲獎, 所以媽媽我成日都在想, 如果小B有桐桐姐姐一半叻, 爸爸媽媽就真的放心了. (又再日光日白做夢中)

兩位陳小姐...雖然相隔八載, 不過依然投緣, Good~

只要有手機玩, 小B跟誰玩都沒問題, 就算要求她錫錫, 小B都不會托手踭, 明正言順"市儈B"一名.

今日真要多謝桐桐姐姐代為照顧小B, 我們兩位爸爸媽媽們才可以輕輕鬆鬆手拖手地逛街.  :p

最後多送一張合照...希望將來她倆仍然繼續岩Key, 哈哈~

   

小B愛買鞋

嘩..嘩..嘩..小B今年終於有Boots仔著啦.  其實去年都已經超想買, 可惜就是找不到合適的尺碼給她, 可能太遲先買的關係, 所以好多都已經斷碼了.  今年姨姨繼續努力, 一開始轉季就四出搜尋, 結果終於買到合適小B的Boots仔啦, 多謝姨姨~

話說...小B姨姨有朋友於Zxxx做, 所以買鞋前先叫我帶小B去試穿一下, 前兩天藉著假期, 馬上帶小B去試試看, 誰不知有個BB試鞋後, 竟然不肯把它除下來, 硬要穿著這對新鞋走人, 結果當然不行啦, 姨姨又沒有同行, 我又不認識姨姨朋友, 這樣買了豈不是無Discount, 媽媽我唔會做出這種傻事囉, 最後爸爸幫它換鞋時, 小B還要爆喊起來, 加說了一聲靚靚.  嘩哈哈哈...年紀這麼少的小女孩, 竟然已經愛貪靚, 女孩子果真是女孩子.

其實試Boots仔前, 爸爸去買波鞋, 小B見爸爸試鞋時, 已經要我拿對給她試, 試完後有人還學爸爸走到鏡前照鏡呢, 最後就連Sales姐姐都忍不住笑她.

慘...小B將來會否像其他女生一樣有鋪買鞋癮呢?    

小B大任務 - 1st N班 Interview 通知 (Cannan)

等了又等...等了又等...終於都收到第一間幼稚園通知約Interview啦.

兩星期後, 小B將會面對她人生第一次interview.  話明第一次, 媽媽我當然不敢抱太大期望啦, 加上小Ｂ近期又愛扮怕羞, 要warm up一大輪才可做回自己, 所以媽媽我亦預計到小B將會10問9唔答!!  (不過幾位有經驗的媽媽朋友們都說, 一般學校都比較喜歡收大B, 所以叫我不用太擔心小B沒有學校取錄.)  話雖如此, 在龍年效應下, 媽媽我又豈敢大安旨意~ 

不過老實說, 迦南又並非我首選的學校, 因為自去年起, 學校已經再沒有參加學劵制啦, 所以即使真的收了, 我亦只會讀一年N班後再轉校.  但手頭上又不得沒有一間半間學校在手, 真矛盾.

算...輕輕鬆鬆等兩星期後去Interview, 有就有...無就無...今次就當是幫小B儲一個面試經驗.

祝我小B好運, 哈哈!!

專一?

小B爸一向有鋪買波鞋癮, 但近年已經收歛了不少, 不過我發覺每次他偏愛的都是差不多款式的波鞋, 今次有人更買了同款不同色的呢...唯一不同就是新的那對比起舊的那對更貴.

不過有人卻認為自己專一囉...吹脹!!

父女溫馨遊公園

正所謂當人人都話...囡囡是爸爸前世情人時, 這句話我半點都沒有質疑過, 因為我家那倆父囡平日真的愛的好溫馨, 好纏綿, 就連媽媽我和婆婆等人都快要受不了.

前幾天產檢完後, 那倆父女又好溫馨地手拖手去遊公園啦, 完全當我這個媽媽透明...

無視我存在, 媽媽我只好跟在後面, 唉~

倆父女連"sir"滑梯都要攬在一起, 真的無眼睇了...

再黎...

突然有人記得我存在, 終於可以暫且分開一下, 襯機影番幾張小B單人照先.

有爸爸陪玩, 心情確是不錯...

難得笑笑口肯望鏡頭影相...

看來有爸爸陪著, 小B的心情真的蠻不錯呢, 所以媽媽我決定以後陪玩這一部份, 就交由爸爸負責, 媽媽我不再插手, 好讓媽媽有更多私人時間, 哇咔咔咔!!

免費送出 - 水溶性乳霜

前陣子聽講座時, 收到了這盒水溶性乳霜, 而且都幾大盒的, 不過好老實, 我真的沒有用開這些Cream, 所以如有媽媽需要, 我可以轉贈給你, 免得浪費嘛!!  ^.*

我要增肥

22w4d @ 私家產檢

昨天私家產檢後, 得知Baby暫時又是細碼偏細B(即是又同小B一樣), 結果昨晚跟小B爸傾枕邊話時, 一提起Baby的事就馬上被人連番轟炸, 明明我已經密密食密密食, 但始終就是不長胎不長肉, 直至目前為止, 我體重亦只是增長了10磅而已.  雖然個人認為只要Baby一切發育正常, 健健康康沒什麼大問題就已經足夠, 但小B爸就是不認同.  小B爸跟一般人想法一樣, 覺得BB太細粒, 會比較難養, 但小B現在不就是好好嘛? 

算...我都知他是為了Baby好, 才對我作出連番轟炸, 那我唯有乖乖聽命, 再食多些食多些食多些.

平時早餐大多數只吃麵包+奶的我, 被小B爸評為食得少+沒營養, 所以我想在早餐方面, 我要改吃其他東東了.  至於Lunch, 因大多數帶飯, 所以就照舊不理.  晚餐我們亦只在婆婆家食, 當然又是不用多理啦. 平日下午茶, 我則大多數吃垃圾食物來滿足自己, 或許我要將下午茶改為食雞蛋或水果, 這樣好像比較有營養一點.  早前明明講過要每日一雞蛋, 不過天天烚蛋真的食到我嘴歪, 所以好快就已經放棄了.  今次為了Baby, 我要努力食食食...一於食到變肥婆, 哈哈~

大肚相..介紹?!

各位靚媽們, 有沒有好的Studio或攝影師介紹呀?

上次陀小B時, 老公未肯陪我拍大肚照, 結果我當然覺得有點遺憾啦, 所以今次藉著最後一次機會, 好想可以拍一輯呀...  最重要是今次還可以帶著小B一起拍大肚照嘛, 相信出來的感覺應該會幾得意.

其實我個人不太喜歡死板的影樓照, 如果可以...真想一家三口+肚中Baby去影一輯外影生活大肚照呢, 如有好介紹, 不妨留言給我.

勇於嘗試

向來原地踏步, 廚藝多年仍然保持著低B班程度的我, 繼續勇於嘗試, 簡簡單單又完成一餐, yeah!! 

今次小B爸好俾面, 未有彈我半句, 而且還好支持地給我吃清光呢, 多謝多謝~

下次我要向難度挑戰, 煮些較難的才行...  :p

新車落地

姑姐送給小B的米奇單車...終於第一次落街啦, 相信從此之後, 每逢放假, 小B一定會嚷著爸爸帶她到樓下公園玩車車!!

台灣遊之買買買

今次一家三口台灣之旅, 花錢花得最多的並不是吃喝玩樂, 而是買手信, 老公說...我今次旅行就好像是為了去幫人家買台灣特產一樣.  ~.~"

其實去旅行買手信給親戚好友就一定要啦, 他自己豈不是又要買手信給同事及好友們, 超!!!!

鳳梨酥...奶油酥餅...海苔鱈魚片 - 是買給家人及親友的.

鳳梨酥 - 是買給朋友及同事的.

小天燈 - 都是買給朋友及同事的.

貓貓飾品 - 是買給小B爸的貓痴表哥, 希望表哥表嫂把它放在寵物美容店後, 生意繼續多到做唔停, 哈哈.

另外還有鴨舌 - 是買給小B爸好友的.  (不過一回家就快快入冰箱急凍, 沒有拍照)

接著就是我和小B的戰利品啦...反而沒有爸爸份兒, 咔咔~

多謝老公送我一對New Balance, 雖然這款香港都有售, 而且台灣還要賣得比香港貴, 但老公依然照買給我.  因為近大半個月前, 我就已經四出找這雙波鞋啦, 可惜就是找不到囉, 曾經在V City見過, 不過當時沒有立即購買, 結果當我再想買回它時, 已經找不到了, 傷心...  所以今次一見到, 老公就話, 既然想買而台灣又有, 即使貴一點也好, 都不如把它據為己有, 否則我又有排呻, 哈哈.  (老公真是最了解我呢)

買得心頭好, 貴一點都值得的.

 這是買給小B的木屐拖鞋, 小B好Like呀, 現在經常穿著它落街, 夠方便又易襯, 讚!!

最後是買給自己的甜點, 雞蛋布丁....Yummy~

還有...還有數盒生果味果凍, 不過好快就被爸爸KO了, 所以未來得及拍照.  :p