今日雖然只係年廿四...不過因放產假的關係, 所以可以提早收爐!!
雖然我一直都好渴望可以過著不用上班, 只留在家中做大食懶的生活, 但今次純粹因放產假而不用上班, 心情並非想像中嚮往. 一來我怕妹妹B出世後, 突然多了一個初生B照顧而忙得大家有氣無定抖, 二來我怕小B爸放完十天長假上班之後, 我要和婆婆二打二, 面對著這兩小魔怪的情景, 三來我好怕妹妹B會是個難湊之人, 四來更怕在娘家坐月如同被收監的日子...總之就有好多好多的憂慮啦, 有時我會在想, 究竟今次會否因此而患有產後抑鬱呢, 哈哈~
其實我知以上的憂慮都是好多餘, 全因為我自己太過緊張才會這樣. 算...就隨便讓我呻兩句吧, 我知我好快就可以把負面情緒踢走, 大家不用擔心.
好老實...由於第2胎的關係, 一直都好怕自己會早產, 更怕於上班途中或在公司時穿水, 你知啦如果真是這樣, 好樣衰嘛. 幸好, 妹妹B還頂得住, 終於跟媽媽一起頂到產假前的最後一個工作天, 媽媽希望妹妹再頂多兩星期, 最好就是在預產期的那天或是前一天才面世, 知道嘛.
好...所有公事都已經交低了給同事嚕, 今天就好好的Hae住過.
同事們...辛苦了, 4月再見!!
應該無想像中咁難既，不過你遲下返番工後邊個湊佢地？婆婆一個湊唔到兩個吧。
回覆刪除婆婆個FD(住我地樓下)成日都會幫手湊走小B架, 到時可能小B就俾佢湊, 婆婆就湊妹妹囉.
刪除到9月開學, 讀全日班, 到時應該就會好好多啦.
你似有產前抑鬱多啲呀!
回覆刪除don't worry, you'll be fine!
wakakaka....你又講得岩啵, 睇黎都似係喇!!
刪除好好休息呀﹗迎接妹妹b~~
回覆刪除Thanks~~~ ^^
刪除一直都好怕自己會早產, 更怕於上班途中或在公司時穿水 <=我都驚呀。。。成日諗定到時要點做！不過希望唔會啦。。
回覆刪除你疊埋心水等BB出世，唔好擔心咁多喇
everything will fine 2 ~
由12月開始, 就見到太多媽媽會既媽媽話因為穿水入院生b...所以攪到我都好擔心, 好彩終於都捱到產假前最後一日, 你知啦...萬一真係係街穿水, 好lar hae架嘛.
刪除嗯, 過幾日我就會搬番娘家住, 到時真係疊埋心水等妹妹出世, 咩都唔理啦!!
吾會產後憂鬱。2打2正啦!可能小b 都幫手!加油!祝福你
回覆刪除多謝靚媽~
刪除2打2都ok,小b姐姐應該都乖，係坐月要小心啲，唔好想太多,我估妹妹b都好鍚mama頂到最後一個工作天，祝你順利呀.！
回覆刪除湊初生B一定忙架啦，好彩有婆婆幫手，大家有經驗就唔洗怕啦！祝愛美一切順利，成功做奶媽^^（不過唔好畀自己太大壓力呀）
回覆刪除好好ENJOY埋妹妹B未出世既日子, 之後你會好忙, 加油呀~~
回覆刪除唔好諗咁多,開開心心咁期待妺妹出世!!
回覆刪除唔好諗咁多,媽媽的情緒都會影響BB咖~你開心佢就開心..
回覆刪除有婆婆幫手就唔好諗太多~船到橋頭自然直呀XDDD
妹妹已好乖，等麻你放產假，会继续乖下去，係你地想的日子出世！
回覆刪除幫小B買了份礼物比妹妹未呀？