今日產檢超快手, 20分鐘內就可以完成兼走人, 所以我一向都比較喜歡助產士約我於最早時段來檢查的, 雖然最早的預約時間為8:30, 比上班時間還要早, 但每次等候時間則可大大縮短啵, 試過有幾次約10點後, 結果最少要我罰坐個多小時, 唉...
不過今日小B爸車我反而比我自己坐車去還要遲, 幸好8:40到達, 完全未見有孕婦等候, 真奇怪.
首先來個指定動作, 自行驗小便, 量血壓及體重, 然後馬上就被叫進房內見助產士喇. 嘩...原來不知不覺間, 我已經重了22磅啦, 不過比起陀小B時, 好像還是輕了一點點, 但助產士今次檢查話妹妹B追得好好呀, 已經由細碼偏細B, 追回到細碼, 助產士還說由於都是偏細的關係, 應該生產過程都不會太難, 所以若然一有見紅, 穿水, 陣痛等徵兆就要馬上入院, 加上妹妹B又已經開始落盤, 所以說得我又再一次緊張起來.
送上37w的大肚照...
真係入直路喇。。祝一切順利
回覆刪除係呀...仲有兩星期左右, 妹妹就要出黎啦~
刪除個肚吾算細, 重好圓好靚呀!
回覆刪除快喇快喇, 就快見到妹妹b了^^
其實我都覺得唔細架, 對於我黎講仲已經好辛苦添啵, 又重又墜, 唉~
刪除做馬女好呀，剛剛有報紙話馬女係4個旺夫生肖中的其中一個呢!
回覆刪除唔到我控制嘛..不過我都好希望妹妹做到馬女~
刪除真係話咁快妹妹又差唔多出世,加油!!
回覆刪除btw~真係好羨慕你一啲都唔肥
我肥晒係塊面同大脾到咋...就連小b爸都頂唔順話我pat pat勁左呢, 唉~
刪除時間真係快過~
回覆刪除希望妹妹聽聽話話新年後先出世啦~
P.S我記得yin b出世前一星期,都好似有d作動的跡象(但果時我仲未放產
假),之後聽朋友仔講不停搓肚同佢講唔好咁快出黎住呀, 等埋媽媽爸爸放
假先,最後佢係我放產假的第2日就出世啦~哈哈~不妨一試呀^^
wakaka...其實我都有咁做架!!
刪除陀小B時, 我同老公成日都叫佢1月1號先好出世, 點知小B真係1月1號就出黎, 所以今次我地都有同妹妹講, 叫佢立春之後先好出世架, 但妹妹聽唔聽話就真係唔知喇~
等見你ar妹妹b,不過要立春後ar!乖
回覆刪除我地都好希望佢乖乖立春後先出黎見大家... ^^
刪除好緊張呀~所有野都順利架~你真係要有野就入~第二胎好快架~佢家姐真係好快架~
回覆刪除咁係咪真係痛好多呢??
刪除我啱啱都係QE生左呀，咁啱跟我個助產士陳姑娘幫我生返
回覆刪除我覺得佢地真係好好...
係呀..其實QE都算唔錯架~
刪除佢地都跟得幾好既....