最近每次見人之前, 媽媽我都會提小B一定要叫人, 因為這是禮貌的表現嘛, 然而小B大部份時間都好合作, 每次經我提點下, 見人都會肯叫, 不過如果唔提呢...小B就一定會側側膊唔多覺囉, 唔緊要, 從小培養, 我一定會把小B調較成一個有禮貌嘅小孩子.
今日笑料一側, 話說小B叫人時, 竟然將我一位較年長嘅同事叫作婆婆, 雖然當下一刻全場爆笑, 但其實媽媽好尷尬呢, 而小B在唔知情情況下又見個個大笑, 當然馬上被嚇呆啦. (究竟從小B角度, 係如何介定姐姐, 姨姨, 婆婆嘅定位呢?!) 或許下次媽媽要再教精小B, 係人都叫姐姐先得啦, 哈哈!!
好...入正題, 今日一去到同事屋企, 小B見到BB後, 馬上就痴實BB啦, 又摸頭仔又摸手仔又摸腳仔, BB幾乎全身都被小B摸透, 好攪笑. 真沒想到, 小B原來係咁鐘意BB架啵... 有人見BB係床仔訓覺, 仲企喺隔離唱歌俾BB聽呢, 好Sweet Sweet啊.
突然媽媽好懷念小B同妹妹初生嘅樣子, 不過湊兩個都係快D大比較好, 起碼爸爸媽媽唔洗太辛苦嘛, 做媽媽永遠都係咁矛盾嘅~
初生BB真係好可愛好可愛好可愛呀, 只可惜我已經再無生B嘅勇氣, 嘩咔咔咔咔...
我們的Facebook專頁 - 小b與妹妹b之成長日誌
兩個夠晒數啦，畀我都冇勇氣再生第3個 XD
回覆刪除如果發左達, 我會有勇氣, 哈哈~
刪除我發左，都唔想我第三個……
刪除小B都乖呀，媽媽提都肯叫人，燒腩仔次次都要扭擰一輪先肯叫㗎
回覆刪除係啦，我都想知佢哋到底係點分姐姐，婆婆定姨姨
呢排先叫好少少, 之前都好扭擰架...
刪除我想train到佢可以自動自覺叫人囉!!
叫人真的很重要，所以我都有教巨龍入屋要叫人，仲要大聲 d，而走時亦都同人講bye bye 呢 ^^
回覆刪除初生BB真係好可愛...對呀，不過湊時都唔容易啊....
巨龍咁乖, 一定可以成為有禮貌嘅好孩子, 不過小b有時都會扭擰下架, 有時又要扮下怕羞咁, 都唔知幾時先可以自動自覺自己叫人, 唉~
刪除2個真係夠數, 初生b都係玩人地個d好呀
回覆刪除認同, 哈哈~
刪除我除左叫南瓜仔賈叫人外，仲要望住人地講……
回覆刪除good~
刪除你教得南瓜仔好好 ^^
我就係教緊佢.....南瓜仔成日唔望住人！><
刪除仲細者...應該好快可以教得好嘅~
刪除我都係，而家大部分時間小檬已經自己主動叫，有時一個眼神已經知要叫人。。望住就一時時。
刪除你兩個都咁乖，快啲生多個啦。。！
回覆刪除我兩個一d都唔乖, 但你個兩個就肯定算係乖囉, 不如你諗諗佢啦, 哈哈~
刪除