其實我家妹妹都15個月大啦, 已經唔再係小BB, 但何解妹妹缺乏安全感嘅程度尤如初生B一樣呢...超恐怖!!
妹妹一向痴身, 應該無人唔知, 不過由星期六開始, 妹妹痴身程度突然又再嚴重了, 而且由痴婆B變成了痴媽B添啵, 爸爸婆婆通通唔要, 實行剩係痴住媽媽我, 其實個囡咁痴自己, 理應好開心先係, 但太痴身實在令我吃不消, 因為我連行開兩步嘅機會都唔得, 莫講話去廁所, 就連起身拎張紙巾都唔俾囉, 真係少D EQ都會好容易爆發, 而我當然已經忍唔住爆發咗啦, 但鬧係唔會有用嘅, 你越鬧佢越喊然後就只會再痴身D, 總之就好麻煩啦~
近幾日妹妹嘅嚴重程度已經係...
-喺屋企要用Hip Seat揹住
-訓覺要拖住手
-睇廸士尼DVD要攬住睇
以前家姐細個, 婆婆都已經覺得佢算痴身, 但原來一山還有一山高囉, 宜家妹妹實行日日做樹熊挾大脾, 問你怕未?! @@" 突然間...我真係好有衝動送妹妹去返全日班, 而且仲要係馬上個隻, 因為咁樣湊佢嘅人先可以抖下氣, 只可惜妹妹仲有一年先到入學年齡, 看來呢一年都應該有排辛苦了, 唉~
其實講咁耐, 我都係想求解決辦法, 有無媽媽有類似經驗可以分享下, 等我可以唔洗再長期俾妹妹牌萬能膠痴住呀?!
倆姊妹已經有Facebook Page Anke & Karena - 小b與妹妹b之成長日誌 有興趣的話就入黎Like一Like支持下啦!! ^^
睇黎呢個專屬你的小樹熊暫時唔想放你走
回覆刪除咁樣我應該開心定唔開心好呢...唉~
刪除相信係過渡期, apple 以前都會有呢個過渡期, 可能係1個月, 2個月, 3個月！加油！希望在明天呀~
回覆刪除呢個過渡期好漫長呀~~~
刪除我記得龍BB又係1歲多D個陣痴我痴到癲左，當時都冇任何辦法，大大下又正常返！
回覆刪除咁我希望妹妹快d大個, 快d正常番啦~
刪除係咪無安全感？ 出牙唔舒服？ 我個細女除左病之外，其他時間都好獨立，不過佢要我抱佢追住我我就走，當同佢玩下，之後會坐係梳化上玩下，佢見我唔抱就走。 可能係過渡期，希望大d 好d 啦！
回覆刪除其實由細到大都係咁痴身, 不過呢排就更加嚴重囉!!
刪除可能要過渡期，明天會更好。加油。
回覆刪除希望啦~~~
刪除細妹真係超痴身喎！我陪肚B瞓覺佢都要拖手架，不過拖一陣佢就鬆手，我反而覺得拖手好sweet呢 ^^"
回覆刪除不過佢地痴身，都係因為知愛美錫自己先咁痴你呀
妹妹呢兩日終於都正常番d, 無咁痴身啦 ^^
刪除到底係咪個個BB都有痴媽B呢個階段呢？我的O仔都痴身到無朋友。
回覆刪除但我見幾個朋友個B都唔係咁架啵...唉~
刪除我仔剛剛開始係咁，不過就無妹妹咁嚴重，上網搵過/朋友講過，可能是分離焦慮階段，要慢慢幫佢地適應。加油!
回覆刪除呢個適應期都唔知要幾耐添架, 妹妹自好細個開始已經係咁痴身~
刪除完全明白你嘅感受，事關我家嘅妹豬妹都係咁嚴重(╥﹏╥)
回覆刪除唉..點解d妹妹咁鬼痴身架~
刪除我好想請教下你, 點樣可以一湊二, 婆婆話平日俾妹妹痴到完全做唔到野囉!
比野佢玩，引開佢得唔得 ?
回覆刪除試過無數咁多次, 唔得...唉~
刪除