跳舞班 (Lesson 2)

繼早兩日放電大成功後, 小B今日竟然無嚷著要去跳舞, 反而要媽媽叫小B起床換衫去跳舞囉, 不過有個小朋友聽到去跳舞後竟然扭計話唔去, 查問之下原來呢個小朋友話好攰喎, 最後要爸爸出力氹幾句, 呢個小朋友才絲絲然起身, 看來下次放假唔可以玩得太盡, 無論如何都要預留一日用作休息啦~~~

去到跳舞...又係未夠鐘就已經問住幾時入得課室, 我都話小B係好鐘意跳舞架啦, 不過唔明點解扭計時會講反話話唔鐘意跳舞啫...

無上一堂, 今堂加入新動作, 幸好小B都算跟得上, 媽媽超期待小B可以學會跳整隻舞呢, 加油加油!!

另外, 今堂多了一個未夠兩歲嘅小女孩加入, 結果這位小女孩整堂就四處跑四處跳, 完全未有停過下來, 即使Zip姐姐和助教姐姐捉住她, 她還是像隻甩繩馬騮一樣.  其實未夠兩歲就去上堂, 又未能夠專心聽指令, 只是可以大膽的自己入課室上堂, 家長是否要考慮一下會否影響其他人呢?!  今堂好明顯有幾位小朋友都被這位小女孩分心了, 包括小B, 其實我見Zip姐姐都有想發惡嘅一刻, 不過可能佢教開幼稚園, 所以好容易控制自己EQ, 但長此下去, 這位小女孩確實好擾人. 





倆姊妹已經有Facebook Page Anke & Karena - 小b與妹妹b之成長日誌 有興趣的話就入黎Like一Like支持下啦!!  ^^