英語雙週之早操時間

今個星期學校舉行了一個英語雙週活動, 換言之這兩星期裡, 學校重點教學當然就係英語啦, 而且亦都鼓勵小朋友在校時多說英語, 所以連小B都轉了Channel, 由平日跟老師講早晨變為了講Good Morning啦.

據之這兩星期學校除了鼓勵小朋友說英語之外, 仲會不定時地播放英文兒歌, 另於大小肌肉集體遊戲時段及故事時間都改用英語, 務求令小朋友多聽多講, 增強他們對說英語嘅自信.  雖然我唔知小B會唔會聽得明白, 不過多了一個接觸英語嘅機會確實係件好事啊.

唔知大家記唔記得, 我曾經講過救世軍N班小朋友係無英文課上, 但小B都學會了好多英文生字及英文兒歌架, 因為原來老師平日間中會跟他們一起唱英文兒歌囉, 而從英文兒歌中, 老師又會教他們生字啵, 所以即使今年未有正式嘅英文課上, 但小B從唱遊中都已經有得著了.  而媽媽前陣子開始見小B終於學會丁點英語後都無再太擔心, 其實起初當媽媽知道N班係無英文課上時, 確實擔心過好一陣子, 怕上K1才開始學英語會落後於人, 但自問我唔係虎媽亦無興趣做怪獸家長, 我覺得無需急於一時囉.

可能大家又會問, 咁點解你唔自己教英文呢, 說真的...我自己英文唔係叻, 而且莫講話英文, 我連教數1-10都無心機教小B囉, 全因為小B一向唔受我教, 每次我教小B學習這些知識時, 小B都一定係無心去學嘅, 就算真係識亦都會同我唱反調, 加上我深信有返學就自然會學懂要學嘅知識啦, 好像A-Z, 數1-XX等, 全都是經老師去教而學會的, 所以由老師去教不是會更好嗎?!

好啦...入正題先, 今次活動學校希望小朋友可以享受學習英語嘅樂趣, 所以於早操時段邀請爸爸媽媽到校跟小朋友一起跳英文律動, 今日媽媽終於忍唔住, 偷了點時間多留15分鐘, 跟小B完成這個早操才去上班.  :p

早操前, 老師從各課室中帶小朋友們出來, 並帶領小朋友們一起唱著英文兒歌, 大家都好開心似的.  開始時, 老師又會用英語跟小朋友們對話, 我見高班小朋友對答都算ok啵, 然後就開始播英文歌跳律動啦, 大家一齊Fing Fing手, 踏踏腳, 扭動身體, 跳跳跳, 好快就過了早操的15分鐘了.  我見小朋友們好投入, 家長亦玩得好開心, 只可惜媽媽這兩星期未能天天參與啦, 唉~

看, 有媽媽陪同參與早操, 這三位可人兒有多高興, 哈哈.  ^^

影相時例牌出現嘅假笑...

我決定明天要再偷少少時間去完成早操才上班, 噓噓噓...靜靜雞唔好俾媽媽老闆發現呀!!  :p





倆姊妹已經有Facebook Page Anke & Karena - 小b與妹妹b之成長日誌 有興趣的話就入黎Like一Like支持下啦!!  ^^