聯校親子運動日

2.5.2015

經過一次改期後, 媽媽等到頸都長, 終於都等到運動日嘅舉行啦!!

今次地點係九龍灣運動場, 由於長假期我哋返咗屋企, 無留喺婆婆屋企, 所以就無按原定計劃跟校巴喇.

原本媽媽以為會有好多間救世軍幼兒園一齊參與這個運動會, 但原來今次只得3間救世軍參與呢.

運動會正式開始前, 全部人等都在跑道上集合等候, 呢個時候小B當然要搵番佢嘅好朋友啦, 除咗憬琳之外, 小B拖住呢個就係佢第2位嘅好朋友啦, 媽媽真心覺得佢好靚女, 哈哈~

呢幾個傻妹未開始就已經好興奮地跳到身水身汗...

究竟咩事咁Hyper?!

完全停不下來, 繼續自High...

今次運動會以衣服顏色來區分唔同學校, 小B學校鼓勵家長們穿黃色衣服以示團結, 媽媽好不容易先搵到件黃色背心, 而爸爸就因為趕唔切買所以穿了紅色.  ~.~

運動會正式開始啦, 分組後大家都好留心聽工作人員講解遊戲詳情...

第一個遊戲 - 平衡條

跟憬琳再一次孖住公仔一齊玩...

有得玩就特別開心 ^^

每半小時左右, 大會就會安排各組轉下一個遊戲...

第二個遊戲 - 抬毛毛蟲

佢兩個好落力咁幫小B爸加油打氣...

因為爸爸要幫手抬毛毛蟲嘛, 哈哈!!

老實講, 呢個遊戲絕對似係玩家長多, 因為家長們要不停來回抬住3個坐喺毛毛蟲上嘅小朋友, 結果來來回回幾轉之後, 大家雙手都已經發軟.

第三個遊戲 - 抬巨鴨

各人又係來來回回搬幾次, 其實呢D遊戲真係好適合小朋友放電, 不過...家長們同時都被放電囉.

幾個破壞王玩完之後一齊推倒巨鴨, 最後要老師叫停才肯停, 果然係老師最強...

第四個遊戲 - 搬鉛筆

雖然所有遊戲都看似好簡單, 但其實不停來回玩都真係幾攰, 加上天氣悶熱, 結果我哋中途選擇投降...無再繼續玩第五個遊戲.

去到小賣部發現, 嘩...原來好多家長小朋友一早就已經投降啦, 大家都找個位置在吃吃喝喝, 超爽似的~

到我哋休息完畢, 所有遊戲亦都剛好結束, 大家跟指示再一次回到跑道上集合, 齊齊唱唱歌跳跳舞就Say Goodbye啦!!

今年嘅校外活動亦都到此為止...好快小B就要離開呢間學校啦, 嗚~ 





倆姊妹已經有Facebook Page Anke & Karena - 小b與妹妹b之成長日誌 有興趣的話就入黎Like一Like支持下啦!!  ^^