高雄墾丁之旅 - Day 1 (淨園農場 -> 凱旋夜市 -> 墾丁)

去高雄嘅機程真係好快, 上機食個飛機餐就已經落機喇, 而妹妹亦都瞓咗一半時間有多, 所以去程尚算順利, 倆姊妹都好乖好合作啊!!

落機過關拎行李, 足足用上一小時, 其實人並唔算多, 只係台灣人工作效率比較慢而已.

一出機場包車司機小賀已經等緊我哋啦, 輕輕鬆鬆嘅旅程亦都宣告正式開始~

首先第一站司機帶我哋去淨園農場...去農場最開心嘅當然就係小朋友啦, 如果唔係為咗兩個小朋友, 我其實係唔會選擇去農場, 因為真係好曬好熱嘛, 不過只要我兩個寶貝開心, 我係絕對樂意去嘅.  ^^

淨園入場費: NT 200 (有NT50可於農場內作現金用)

一入農場就見到好多飛禽走獸小動物等, 倆姊妹興奮得四圍走四圍叫, 好好笑...

而我亦因為要幫手照顧妹妹, 所以未能將所有飛禽走獸小動物通通影低.

不過講到最興奮一刻, 就當然係可以餵豬豬飲奶, 餵草泥馬食草同餵魚魚食糧啦, 雖然小B口講話唔驚要餵, 但其實佢內心好驚好掙扎架, 相反妹妹就未識驚, 大膽到你唔信.

噢...爸爸連小動物都玩~

其實草泥馬個樣都幾似羊架啵....

最後有個小朋友餵到唔願走...乜都要餵一餐, 而我哋大部份嘅現金劵就用晒黎換糧食喇.

雖然喺呢度我哋絕對可以玩到夜市開先走, 但今日天氣實在太熱啦, 結果逗留咗兩個鐘已經頂唔順要走.  上車後司機見有時間, 就帶咗我哋去行街, 不過我無留心聽司機講, 所以完全唔知自己去咗邊, 只係知道司機話嗰幾個商場同小街係比較適合年青人行, 既然有時間就即管行下吧, 行了一小時多, 就出發去凱旋夜市掃街嚕. 

天氣太熱, 時間又早, 其實大家都唔太有胃口, 所以只掃了點小食當晚餐就算了.

食飽行一陣玩一陣...

 7點就離開夜市向墾丁進發啦.

可能我哋去夜市時時間尚早, 所以人唔算多, 而且亦有好多店鋪未開, 要喺夜市行一圈唔需要花太多時間, 加上我哋今日都好攰啦, 所以未有久留.  最後去到墾丁, 返到酒店都已經9時多了, 快手Check In幫倆姊妹沖涼再出去附近搵食, 最終我哋怕咗兩隻開始扭眼瞓嘅小魔怪, 所以就掃了幾袋滷味回酒店慢慢嘆喇.





我們的Facebook專頁 - 小b與妹妹b之成長日誌