高雄墾丁之旅 - Day 1 (機場篇)

終於都到我出遊記啦, 其實我真係好鍾意好鍾意好鍾意去旅行架, 只可惜有咗兩隻小魔怪之後實在無可能話行開就行開嘛, 最後只好帶住兩隻小魔怪一齊去囉, 而亦因為我同老公都唔想太辛苦, 所以就造就咗今次呢個Family Trip喇.

今日襯有少少時間, 就先打少少Blog啦...

期待已久嘅高雄墾丁遊, 終於夠鐘出發啦, 呵呵~~~

唔洗講, 一大早要去機場嘅我哋, 梗係又Call的士啦, 順順利利準時8:30跟家人於機場會合.

妹妹第一次離港, 點都要影張一家四口合照...  ^^

今次我嘅湊囡團隊陣容都唔弱架, 不過最得力嘅褓姆寧願做攝影師都唔願上鏡啵.

好...Check In完, 快快過關入閘食早餐, 然後再帶小B去睇飛機影飛機.  今次去旅行小B已經懂事, 所以知道有得搭飛機都表現得相當興奮相當開心, 即使一大清早被叫醒都無詐型, 讚呀!!  至於妹妹被叫醒就梗係超不爽啦, 結果一早喺屋企就上演一幕大吵大鬧大哭記, 扭計到暈, 唉~

食完早餐, 一去到登機閘口, 小B又再一次攝影師上身, 機不離手, 見人就影.

而妹妹就已經敵不過睡魔急Call, 再次乖乖ZzzZzz了, 好彩妹妹上機前ZzzZzz咗, 咁我先唔洗擔心有個BB會喺機上扭計咋, 哈哈.

今次我哋就係搭呢架港龍機啦...

影相影咗唔夠5分鐘就已經最後召集 ~.~"

好啦...我哋要飛啦, Bye Bye香港!!

放咗幾日假, 今日返工時間真係好有限, 講住咁多先, 遊記稍後再分享!! 





我們的Facebook專頁 - 小b與妹妹b之成長日誌