高雄墾丁之旅 - Day 2 (海生館 -> 小灣沙灘 -> 墾丁大街) 上

第二日嘅行程比較簡單, 主要想俾大家休息一下, 所以只係安排咗早上去海生館, 下午去沙灘, 然後晚上逛大街而已.

10:30司機就準時到達酒店接我哋出發啦, 首先第一站係海生館...

海生館門票可於酒店前枱購買, 一般喺酒店買都會有優惠的, 原價NT450, 折後NT410.  雖然只係平少少, 但人多的話, 條數就唔係咁講啦, 所以去玩時都記住要做個精明消費者啊!!

入場館後, 倆姊妹都表現得相當興奮, 因為有好多好多大魚魚嘛, 雖然我覺得跟海洋公園嘅海洋館沒什麼分別, 但爸爸就話這個比起海洋公園的更加好睇喎, 難怪兩隻小魔怪睇到定晒神唔願走啦.

看...妹妹睇到幾開心~

難得嘅二人合照~

唔知係咪尋日舟車勞頓嘅關係, 今日小B唔太合作, 少少事就扭一餐.

幸好場館外面有個小小遊樂場, 小B一見到有得玩就整個人馬上精神起來, 變得笑容滿面, 又唱歌又跑又跳, 跟妹妹玩得非常高興.

妹妹心想: 家姐你都變得幾快啵, 上一分鐘就扭計, 下一分鐘就笑騎騎, 好難捉摸呢~

喺遊樂場望出去, 嘩...風景真的好美啊!!

逗留了一會, 又係時候要返入室內涼涼冷氣啦. :p

東攪攪西攪攪...

畫一輪畫打發時間...

 妹妹見家姐畫, 佢又唔執輸畫埋一份.

最後等到夠鐘就去睇工作人員潛入水中餵魚魚.

話咁快, 3小時又過去啦....

離開前小B心情大好, 見有嬉水池又要媽媽同佢玩埋一份.

大家一齊踢踢水, 浸浸腳, 降降溫, 超爽耶!!  ^^

離開海生館前, 記得要喺出口處附近嘅購物區買這款魷魚絲呀, 朋友推介 -->焦糖魷魚, 此款真的特別好味, 因為之前朋友送給我做手信時食過, 所以今次一口氣買下20包, 正正正~

離開海生館後, 司機再帶我們到恆春鎮買點水果, 然後再去好有名嘅小杜包子買大包.

雖然網上說這家小杜包子好有名, 每天早上及中午出爐時都大排長龍, 但試過後, 我們一致都認為只屬普通而已.

買完水果買完大包, 今日嘅包車亦都到此為止, 司機先車我們回酒店稍作休息, 然後待晚一點才再繼續餘下活動.





我們的Facebook專頁 - 小b與妹妹b之成長日誌