高雄墾丁之旅 - Day 2 (海生館 -> 小灣沙灘 -> 墾丁大街) 下

回酒店食飽飽休息夠, 避過烈日當空太陽嘅照射下, 我哋差不多近黃昏時份終於都捨得離開酒店出發去小灣沙灘玩水啦...由酒店行過去, 大約10分鐘左右, 妹妹好叻女, 全程自己行, 勁呀!!

可能近黃昏, 而且又係平日, 所以人唔算多...

倆姊妹, 妹妹就鐘意玩水, 但腳仔絕對不能惦到沙架, 如果一惦到沙, 妹妹馬上就會大喊求抱.

相反家姐就鐘意玩沙多, 我哋叫佢跟爸爸落水游下, 點知有個小朋友太耐無落水, 頓時變得好緊張, 結果唔夠5分鐘就話要上水玩沙喇, 真無佢孚.

不過當家姐見妹妹游水游得好開心之際, 又話要一齊落水玩囉...  其實得爸爸一個落水係睇唔住兩個架, 所以倆姊妹只可以排隊輪住落水, 而媽媽就因為今日忌水, 所以只可以喺岸邊玩~

雖然我無落水咋, 但最後竟然都玩到濕晒身呢.  ~.~

其實我真係真係好想放倆姊妹嘅泳照上黎, 可惜爸爸實在太肥美啦, 而且每一張相爸爸都入晒鏡, 我為免會引起觀眾不安, 所以就無謂要爸爸獻醜了, 哈哈!!

玩水玩了近約一小時, 爸爸話俾倆姊妹輪到好攰, 而大家亦都被蚊叮到又紅又腫, 所以就齊齊徹退喇.  返香港後, 一定要帶倆姊妹去沙灘玩下先得.

返酒店梳洗休息完, 夜晚我哋就喺大街搵食, 今早司機介紹我哋去食熱炒100.

熱炒100其實係食一般家常小菜, 除了某些特別餸菜之外, 幾乎每一碟都只係NT100, 真係好抵好抵好抵食架, 雖然每碟份量唔算多, 但只要餵飽倆姊妹後, 我哋就可以繼續掃街嘛, 呵呵~





我們的Facebook專頁 - 小b與妹妹b之成長日誌